拉麵 Jo~

 

好病唔病
放假走去病 (泣)
好在我倆唔太愛在放假時段去街街
唔係‥真掃興啊！

另一半很愛吃拉麵
時常叫我同佢試吓一些人氣店
這間喺開飯評價算幾高
雖然唔太信 openrice 的準則
因有太多係打手嚟
唔駛錢請你去吃餐飯
就要揞住良心講假話了。。。唉
但有時都會拿來作參考

當天黃雨
吃完走時，已全身盡濕
真係由頭濕到落腳趾尾呀
有傘都冇用。。。

六時到逹
已有六至七人喺度吃了
哦！原來有好幾個喺日本人嚟
師傅服侍完他們
又開始 serve 我們了

老公點的
山野菜拉麵
有一大堆芽菜配曲麵
湯底係味噌湯
可惜有好大陣鹼水味
最、最、最失敗咪就係呢啲囉
芽菜係咁二灼灼
亦有一陣草青味‥
很難下嚥
不過‥可能有些人唔覺呢啲係問題
但我倆絕對係不容囉

我的
係每日推介嚟
豚骨湯很是糊口
又加上有鹼水味‥
又糊又鹼水味
真唔想吃下去了
塊义燒都仲軟腍入味
跟住就一無是處

溏心蛋
明明剔了的
竟沒有給
很是大意啊
唔問又會唔會照計錢呢
蛋可以
可惜係湯底太糊口同有鹼水味
芽菜太生、有草青味
唔太愛

食店老板開的店
在它開業冇耐
已試過他的所謂馳名海南雞了
認真把鬼喇
點知食了佢呢間拉麵店
又係一樣
不會有下次了