絲絨柔滑粉底膏~

做了Diy 都有好幾年了

打皂少了

因家裏從不缺貨

真正用到屎都仲有排用

不過有時手痕、都會打番鍋嘅

skin care 亦做了不少

自己都好少po 囉

做嘅嘢又大同少異吖嘛

今鋪玩乜呢

做粉底呀

之前有做個、係第二個配方

覺一般

買了材料

跟足老師教學

超簡單

不會失敗啊

秤好材料

溶咗變液體先

 加油

又再次加熱

 最後加入礦物色粉

 拌勻至沒有粒粒

加入抗菌

再次攪拌均勻

Done!!!

 漏咗一幅相冇影

因最尾有少少差池

忘記了影

不過唔緊要架

只是倒入鋁盆嗰part 冇影啫

乾了、便可入色粉盒喇

今天試了

確實唔錯‥

又易又好玩呀

想知點做

click 下面條link 喇

與我無關架、不是打手(笑)

http://diy.imbeauty.com.hk/skincare/silky-cream-foundation/

香磗~

香磗幾年前做過一次咁大把

今次再做

咪又係畀人哦囉

因家裏有好幾個煲要掉

我就成日講‥唔好掉住，有用途

日復日、月復月、就嚟會演變年復年了

你哋會唔會像我、愛買又不捨掉舊

但‥土地問題

唔掉就會給人話柄

櫻花蝦乾粉。麵條~

近期好似又再興番櫻花蝦

日本拉麵店愛用來洒在上面

 略略沖洗

其實需唔需要呢、會否多此一舉 (笑)

 放入焗爐風乾

 唔願拎個風乾機出嚟呀、因土地問題

入咗焗爐都成兩個多鐘

才真正吹乾

所以咪講係咪真係要沖洗囉

出外吃‥人家都冇做

現在喺屋企、為了衛生、咪做多一 part 囉

但‥又攪著自己

做餐懵

 用了V仔機打粉

買咗好耐、只用打汁機

呢個打粉機、第一次獻身於櫻花蝦了 (笑)

一大盆櫻花蝦只裝滿了兩杯份量

分兩次打粉

 打完‥

就係得咁多咋

 半斤櫻花蝦

分了三樽

一樽用來打了粉

 入咗落樽仔‥都唔滿啊

但‥又做餐懵

不過真係好鬼屎香呀 )))

打完粉

順便做埋麵條

煮完又唔覺有乜味喎

黯然銷魂飯~

      

焗义燒不是稍次

只是已很耐冇做啫

反而焗燒肉居多

買了伊比利亞黑毛豬梅花肉

唔做吓係咪好大嘥呢

未焗時已細細條

焗完所餘無幾

燶邊係好食

但‥我都切走了啲啲

所以真係有幾多吖

 外面店舖賣百多元一碗黯然銷魂飯

但應不會用這豬啩

 整條切埋係咁多

呢碗燒魂飯自家出品亦唔平呀

一小條伊比利亞黑毛豬梅花肉、都差不多百元

外面店點會用靚料、人家掙乜喎

睇番張相都再次有流口水之感

真的正到不得了

不日再戰啊！

實在忍唔住了

八年陳皮冰糖燉檸檬~

老公有啲咳

諗過去買樽試吓喇

唉！想去買嗰間又未有貨

另一間又唔就腳

於是把心一横

自己買材料Diy

其實係想做好耐

因知道要燉十幾個鐘

(最重要係我冇燉盅吖嘛、冇奶油去買個吖)

亦知用焗爐又得

但又從冇諗過會用喎

已打退堂鼓了

後來見人用R仔都可以燉

便一於跟喇

沒有廿、三拾年陳皮

只有八年、冇計、照用

亦沒有西西里意大利檸檬 

只是新奇士咋

封上錫紙

可以開始喇

其間差不多每三個鐘要加水的

Done !!!

終收成喇

十二個鐘後的成果

半日時間啊！

成功lu))))

成品不多

大、中、細樽各一

陳皮份量用的不多
估唔到又巧香喎
仲好好味添
唔酸亦唔苦、很適中
話就話燉給老公 (佢很少吃)
現在竟成為我每日一匙 (吃上癮)

豆漿、豆渣蔥煎餅、豆渣煎蛋餅~

從來冇做過豆漿

亦冇留意係點做架

係咪一定要用豆漿機才做到呢

 上次買了包黃豆

係諗住煲湯的

點知我只愛買、更愛擺

唔係因為就過期

都未肯郁啊！

惟有上網睇吓乜方法可以快啲用晒佢

原來做豆漿係最快的

唔駛諗喇‥就用佢

食譜跟台灣 Carlo 的

黃豆浸了四個零鐘咋‥

  我便開工用機打lu

這次有影相

已係第二次做了

豆渣上次掉咗

今次留番唔好嘥

搾出來呢啲係生豆漿來

不能即刻飲用

 要經過慢火煲約八至十分鐘

要不停攪拌

唔係很易燶的

我每次出外飲‥唔怪知得有好大燶味喇

皺晒皮囉

呢塊先至正呀)))

 

 因第二次做黃豆有限

所以做出來唔夠1L

估唔到咁鬼易做

又好飲喎

但‥我又未必會再做囉

************************************

留起咗啲豆渣

又試吓做煎蛋餅

 吃後感

唔喜歡吃

^^^^^^^^^^^^^^^^^^^^^^^^^

還有一份豆渣

又做了蔥煎餅喇

好似好多油咁

其實都唔係落了很多咋

嘩！好彩蔥煎餅比蛋煎餅係好食好多架

其實唔落豆渣

麵粉加蔥咪係蔥煎餅囉

老公話點咖哩仲好食喎‥

唓！如果點咖喱

就不會做這款喇‥

韓國炒粉絲~

呢味又係我超級至愛

每次去尖咀

定未失手

 現在去買

又貴又少‥

有冇發覺過完年後、乜鬼都貴晒

 點解會做呢

因為屋企有包粉絲已買了好耐

老公每次見到

當然又哦吓喇‥

要留意食用日期呀

真的想唔做都唔得‥

網上真的好多食譜架

咪照跟囉

估唔到‥又畀我撞到個幾啱我口味食譜

又唔太難攪

收貨

Blueberry Mousse Cheesecake~

呢排好像做多了點

其實都幾個月一次啫

又不是太多呀

 鐘意紫色

不其然又會諗起做架喇(笑)

 不用焗

簡簡單單

不過‥今次做又係有啲濕滯

賽後檢討

原來韓國啲芝士係較稀的

唔怪得喇

我用日本芝士呀

係稠啲

成日話自己點解做唔到人家咁水狀喇

謎底終於解開了

做得唔靚呀

但‥又幾鬼巧食

惟有下次再努力啲喇 (次次都係咁講架)

不過都要停一停先

唔想再肥落去呀‥(笑)

蒜茸軟法包~

冇做好耐喇

忽然心血來潮

 200g 做四個

兩條友吃啱啱好

 焗時整個廚房充滿蒜香

簡直攞膽呀

這法軟又真是名副其實

第二天還是很軟熟的

冇得輸呀！

巧食