呢排大多數煮和風餸菜
今次唔係喇啩 … 錯
haha~~ 都係！！
" 酸辣青口 "
酸酸辣辣夠晒醒胃兼惹味
啱夏天既天氣
" 酸辣鹵水雞亦 "
其實雞亦可作多樣變化
動動腦筋諗諗
又唔駛咁悶獨沽一味
自己唔悶，食嗰個都…
味道如何
清爽不膩，越食越上癮
(睇相以為好肥膩，其實係味醂、醋令食物有這樣光澤咋)
用了日本醋同煮
那芳醇不刺鼻既味道
令人愛上 ：)
2010年4月29日星期四
2010年4月27日星期二
減肥何須吃代餐
好友來電詢問某隻品牌代餐那隻味好飲
原來她想減肥，所以不得不試
博一博都好喎！
因自己曾買過好幾隻味試
話時話吖，真係幾鬼好飲架 (笑)
又方便喎
減唔減到，真係唔知囉
(我唔係當減肥代餐，只當佢係奶昔飲用)
傾談一輪，何必這樣嘥錢減肥呢！﹖
做做運動，減少食量喇
當然梗係向令你致肥的食物埋手先
佢話講呀…做就談何容易
咁…如果有 " 銀 " ，咪出外減囉
就算畀妳減完，食嘢亂咁嚟，到頭嚟又要減完再減
雖說減肥係女士終身事業，其實男士亦然
唔通孭住個大肚腩會型仔咩﹖！(笑)
以下係我平日吃開的食物 (懶唔煮餸菜，就係食呢啲居多)
減肥又好、keep 又好喇
得架！work 囉 !!!
" 吞拿魚寿司 "
簡簡單單，係人都識整喇
有澱粉質、蛋白質，獨欠一碟菜，自己執生喇
唔懶嘅，可以做飯糰時加入一些蔬菜撈勻亦可…
記住一嚿飯糰唔嘢少架
減肥者適量啊！
" 冷烏冬 "
啱晒夏天天氣喇
又唔肥、又好食喎
怕食凍既
咪放湯囉，加啲泡菜，烚隻蛋
又一餐囉
綠色的是 " 蔥 " ，因我是蔥怪
冇係萬萬不能 (笑)
順帶一提是
記住要買啲 " 正 " 既烏冬才會有又滑、又韌、又好吃的口感啊！
全部撈勻同吃
別有風味
怕膽固醇或又懶得烚，咪唔要蛋囉
加七味粉同吃，賣飛佛嚟架
另一碟係日本粉絲
只加了麻醬拌勻，又係一個唔錯的涼拌美食
個日本柚子味麻醬的確好味、唔錯
" 皮蛋芫茜魚片湯 "
湯水梗要有，以前好怕芫茜陣味
依家又幾鐘意喎
用湯隔，隔去面層既油
會安心啲咋，雖不是很有用
做好過唔做喎…
食得多、口寡寡
咪整啲唔加牛油、只加代糖的意式 Biscotti 食囉
呢個食譜又係得架
仲好好味添！
以上是送給我的好友！因她是一位 " 素食者 "
想吃肉的咪加一些雞肉、瘦肉同煮
又有何難度啊！
【只有懶女人，沒有醜女人】﹖﹖！
同意與否，實屬見仁見智
朋友問我係唔係平日都係咁食法
咁…梗係喇
都話唔煮其他餸菜
就係咁簡單咋！
我覺冇乜唔妥喎
又好食又容易做
你估我哋成日食豚の角煮咩﹖(笑)
2010年4月26日星期一
Keywest cafe (^.^)
上次食過一次覺唔錯
咁啱，有機會咪食多次
當然唔會再 order 上次吃過的 ，見好就收嗎！
試試新嘢
睇睇其他水準如何啊！
" 意式雜菜湯天使麵 "
端出嚟時，心裏打個突
あや ~ 唔應該叫呢個嗎！
咁簡單自己都識整，何需外求 ！(係我既諗法，除咗懶)
天使麵又係唔太鐘意吃的
今鋪真係傻傻哋了
好彩都尚算好吃，只覺冇乜特別啫
" 蛋黃焗雞肉奄烈飯 "
以為係蛋包飯，原來只係一塊薄薄的蛋皮
鋪上面就算 (咁…人哋又冇話係蛋包飯)
不過就好鬼香口同好味
蛋有濃濃的牛油味
睇嚟都落了唔少牛油烹調了 (肥屎囉)
飯就用茄汁炒過
兩者配合得唔錯啊！又唔漏喎
唔理咁多喇
最梗要好味囉
食完再減…唔係點啫 ：( !!!
飲品雖然普通
但…比一些 cafe 做得唔錯、好飲
2010年4月23日星期五
2010年4月21日星期三
豚の角煮 おいしい (*^.^*)
某人整日嚷著幾時會做這個菜
比佢煩得多，唔做唔得
推搪原因：唔健康嗎，咪攪喇…
佢話做蛋糕、曲奇又唔見妳話驚！(無言)
咪一樣用大大嚿牛油、糖 (激屎)
咁…都要儲夠 " 彈藥 " 架
嗱！終於儲齊喇
每人喺腰間攞條出嚟 (笑)
(仲有靚靚既豬腩肉 ~ ~)
就可以做呢味餸了
食完還好環保
重用))) 重用)))) 再重用)))) (笑)
唔只咁添
仲比之前多咗啲喎
問你屎未…
哈哈！
" 豚の角煮 "
(名字幾咁好聽)
東坡肉食得多
日式煮法港人應很少品嚐
有時間才可進行啊！
因做這個菜，燉煮時間都花了一粒鐘有多
絕對係心機嘢嚟架
連肥肉一齊吃
おいしい～～
好味到不得了，又絕不肥膩同漏 (同中式比)
自己一早已豁出去了
唔怕嚿肥肉囉 (笑)
(只求安心，以前會咬掉肥肉才敢吃，變咗咪冇咁好食囉)
如在日式居酒屋吃，不便宜啊！
喺日式超市見就這一嚿索價竟要 @$37個幾
嘩！幾鬼屎貴呀…
愛吃的，視為佳品
怕的，就敬而遠之
都係嗰句喇
三高食物，只宜淺嚐
好食既嘢，往往唔健康同肥胖
呢個咪係遲遲唔想做給 " 自己 " 同 " 另一半 " 的原因囉
唉！
條豬腰又多咗條士啤呔了 (笑)
2010年4月19日星期一
O晒嘴 @ 過橋麵檔 (-.-b)
冇入 blog 幾日啫
又有太多超討厭垃圾留言
唯有收埋回應欄好了!!
喺 openrice 食評人氣很好，讚多於彈
自己又對呢啲有興趣
所以一於試試
真係好怕入元朗，人多車多，迫到水洩不通
同旺角有得揮
" 過橋麵檔 "
講到啲咸雞、鹵味拼盤、霸王雞很是好吃
自己係 " 雞痴 "
聽到都流晒口水，唔食唔得咁囉…
" 咸雞菜飯 "
見到至愛，真想立即擺落口試真味道
唉！的而且確相當失望
味道唔夠咸香，應該話唔入味才對
肉質相當嚡口，又吹到乾晒喎，加上可能位置唔好啩 (又同佢兜喇)
唔明點解啲人會話佢 " 好 ~ 好 ~ 食 " 囉
個菜飯亦係一般貨式
冇味冇道，同白飯冇乜分別
只係夠大碗啫！
其實好多地方啲咸雞比它還要優勝
" R " 頭
咪睇佢大大碟雞呀
墊底有大量芽菜，本應係好架，有菜食
可惜係淡而無味，又 " 乾爭爭 " 的
減肥都嫌佢寡
仲衰過自己炒！
" 五香拼盤配肉鬆飯 "
兩個比較，呢個比咸雞飯稍勝
拼盤內有豬寸骨兩隻、豬耳、素鵝、雞旦同咸菜
味道鹵得唔錯，夠入味，唔太咸
價錢還比咸雞抵吃
只係拿兩者價錢比較咋！
有人話肉鬆飯大碗到兩人才吃得晒
唔係化！
碗飯又少又鬆，點會．．．
一個人都唔夠喇 )))))
@ $55 一個套餐的咸雞菜飯、包一杯飲料
如果好食就唔同講法
咁普通又唔好食，完全唔值
咁既價錢，套用某藝人的口頭禪【我接受唔到囉】(笑)
不過話需說回頭
佢真係好好生意架
我哋只好【 O 嘴、無言、講不出聲，同唔識食囉】
唔係都唔識點形容囉!!!!!
2010年4月16日星期五
沖繩特產 (*^^*)
鐘意食麵 (有些拉麵除外)、烏冬、意粉、米粉、そば之類既雜糧
去旅遊時吃過，見唔錯
都會買些返歸
" 沖繩 そば "
佢唔係用蕎麥粉做的，所以唔同食開嗰啲 そば
麵條係扁、濶身的
似粗麵，唔好以為係烏冬
口感不是滑嘟嘟啲，帶些少煙韌的質感
放湯吃、還加了蔥花伴食，就更加美味了
我極愛吃蔥，屋企唔係成日有 stand by 喺度嗎！
有呢個就唔駛煩喇
尤其日本產的 ねぎ ，味道芳香，的確好味
不過唯一可惜開封後，唔可擺太耐
蔥很快變色，並不翠綠同香了！！！
" 紅芋そば "
當然又係吃過好食才買
紅芋即係蕃薯
口感係滑滑的
同蕎麥 そば唔同
我較愛這個
伴鰹魚汁同吃已很美味了
唔駛多講都知係乜東東
沖縄產午餐肉的確好食，唔肥又香噴噴
因用上沖繩 agu 豬做的
信心保証！
有三款味道，原味、辣味、芝士味
豚肉生姜燒 おいしい ( *^.^*)
另一半叫我努力 )))))) (瞓覺覺豬就叻)
" 煮 " 好鬼煩架、又懶
唔煮出外吃 (始終唔可天天如是嗎!)，又未必好食
食九大簋又唔係咁講喎 (笑)
咁…就煮我最拿手的日人家庭菜吧！
當然唔係港式煮法喇…
いただきます
" 豚肉生姜燒 "
呢啲日式家庭料理，我就最愛
有薑、洋蔥加上豚肉
非常可口惹味
薑到唔薑呀))) (笑)
簡簡單單就有一味可添幾碗飯的餸菜
何樂而不為！
豚肉最衰唔係每處有售，想買好又靚的去日式超市吧
好食好多架…
おいしい
一共弄了兩次
買既豚肉有別，呢個比較肥膩
攪到整鑊都係油，麻麻啫，太肥喇
冇上張相片啲豚肉咁靚
睇你鐘意喇！
但味道一樣，絕無分別
只係油膩咗啲囉 )))
2010年4月12日星期一
孜然三味 *^.^*
喺街食得多關於孜然粉既食物
屋企未曾整過
買了孜然粉，又整咗三款肉類
" 孜然雞亦 "
喺 " 譚仔 " 就食得多既土匪雞亦
今次終於自己玩吓喇
味道可以
我覺比 " 譚仔 " 還好吃 (笑)
" 孜然金沙骨 "
竟然比雞亦還要好吃
焗得啱啱好
正到痺 ~~
" 孜然豬寸骨 "
三個之中，我覺呢個係同孜然最為匹配的
肉質鬆軟、唔韌，非常入味
juicy ~ juicy~
都係孜然粉配紅肉會較為啱 key
未試過整其他就以為雞亦已相當可口，當試過後
原來係有差別的
下次試吓羊鞍先…
2010年4月11日星期日
冰火二重奏 ))))) 你試過未呢 @_@
整呢壇嘢咪拜好友所賜囉
失驚無神整張食譜嚟
乜鬼 " 火焰雪山雪糕 " 喎
整喇、整喇、佢話啱晒我
(因為我癲癲哋喎，有啲貢既樹．．．) 同整呢個有關係咩
原來朋友咁睇我的 )))))) 唉！
【別人笑我太瘋癲，我笑他人看不穿】
食譜只知材料、就冇份量、冇時間真係 " R " 頭
已經唔係叻嗰隻，要我靠估呀，好慘啫…
咪玩喇
" 火焰雪山雪糕 "
但都不負眾望
是是旦旦、求求其其，整個出嚟交差
出爐後。。。
咦！ " 上火 " 太勁，山頂給燒燶了
咪衰囉，唔靚仔喇
冇法喇，都要完成最後 step
攪攪 gimmick， 淋上 Rum 酒 ，點火喇 )))))
haha 燶上加燶
整屋充滿．．．?????
雪糕都畀我攪咗咁耐都開始溶化
外暖內凍，冰火感受，又只覺油麻哋啫
唔識欣賞
多功夫，又嘥心機
整呢次咁大把好喇，冇下次 lu
就咁食雪糕好過 )))))
好彩冇嘥咗我啲靚雪糕咋 ^_~ !!!!!!
2010年4月9日星期五
肥咗都抵架)))))) ^_~
除咗 Milk Top 外
呢隻 " 北海道牛奶軟雪糕 " 亦係我至愛之一
已食過無數咁多次了…
味道只有兩種選擇
唔講味道係點喇，想知可睇番以前的 post 吧！
食滿十個印花 (@ $10 Per 1)
會送一個大福餅 (味道亦有幾款選擇)
自己曾試過冇帶印花咭蓋印
店員都沒有再重新派發 ﹖﹖﹖(都係最近既事)
所以都蝕咗幾個架！
大福餅雖然我麻麻鐘意，間唔中吃吓又無妨
兼且內裏紅荳饀不是太甜
都算唔錯的！
如果要用錢買我就唔會喇，送就唔客氣了
Thx !!!!!
2010年4月7日星期三
免切肥义吖 … 唔該
某日去慣常的燒臘店買义燒飯吃
回家後打開一看
乜咁鬼肉酸架
樣子絕不似平日吃開嗰啲
又嚡又韌，柴皮一樣，色澤唔靚
完全唔好食
話過以後唔再幫襯了
嬲嬲哋、把心一橫
自己整喇
費鬼事激氣，貼錢買難受
嗱！雖是第一次
原來都唔難喎，勉強比自己合格喇
下次會做得更好
雖不是太半肥瘦，但還可以
入味、又滑、又唔韌
得呀！(笑)
某人愛過口癮
免切．．．唔該！
OK 冇問題… ^_~
另一半的評語：
以一個懶到出汁又唔係太識整嘢食既人
可以做到咁…
已經冇話可說
(終於有餐安樂茶飯食 lu，唔駛成日喺街吃喇)
努力啊！
朋友話好得喎
佢唔知係我整的… haha
訂閱：
文章 (Atom)
