朱古力蛋糕~

個栗子模買了好耐

買時想即做

買了又攤涼了

正一怪人

 好多時我係要有mood 才會想做

今天不知為何

摷個栗子模出來

找吓食譜

去馬

  簡單食譜

好快弄好入爐

 雖不是什麼名模

效果都算叫做唔錯囉

只是自己裝飾方便

係稍為有啲落差

黑色係黑櫻米

吃後感鬆鬆軟軟、又唔太甜

老公不太愛吃古古力

都連吃兩個

佢話又幾巧吃喎、唔太甜

唔錯喎

德式芙蕾之露 x 塩可頌~

 睇食譜書又發現此包

已急不及待開工了

 人家不是塩可頌

係"德式芙蕾之露"

麵包名幾咁好聽呀

自己手多多

因佢又係咁造型

把心一橫、食譜係德式芙蕾之露、內饀咪又包一小嚿牛油囉(笑)

crossover 版

冇話唔得啫

話過要做迷你版

卷呀卷

只係卷多幾隻啫

咪當練習多啲囉‥

最後發酵完

在包面沾上杜蘭粉

 人家沒有加蒸氣

自己又當咗做塩可頌做法

講真

唔知係咪有新鮮感

我覺仲巧吃過塩可頌

**********************************************

我‥又好快再做第二次喇

 細細粒

可以有10個啊

 一口兩啖

 越睇越可愛

 今次覺造型卷得好啲啲 (笑)

 樣子平均啲啲

 話咗係fusion 版

底部給牛油煎過

巧香脆呀

 出爐後即吃

原來唔夠第二天番叮咁好吃啊

做了咁多

全部入晒冰格

吃幾多拎幾多

我用180度番焗 6 - 7分鐘

簡直又香又脆

吃時好輪盡、搞到通地都係碎碎

佢好鬼似牛角包

非常之好吃

起碼沒有牛角咁鬼肥

此代替品相當唔錯

又給我發現新大陸啊

真的好好吃

好吃過塩可頌呀 ))) (笑)

超開心

下次都要做番正常版本

睇吓啱唔啱自己口味

泡菜黑毛豚肉餃子~

包餃子已不是第一次了

自己又真係巧愛用泡菜囉

巧巧吃呀

 簡簡單單

糖、麻油拌勻材料已可

因泡菜有味

 沒有自家做餃子皮

因係心血來潮做的‥

咪在外買便算

自家做材料可自選

較為健康、衛生

現在包餃子已較為熟練了

好快已包完一斤喇

再再戰麻糬波波~

上次做完

出爐吃了幾個、知唔啱口味

結果當然送晒去大口仔處

今次又唔知痴邊條筋

又蠢蠢欲動

再戰

這食譜係跟台灣Carlo 的

她也是用糥米粉

而我用白玉粉取代

心諗又係用此粉

會唔會又似上次咁呢

都打定輸數架

賣相係絕對合格的

效果比韓國食譜還好

但‥吃了

都不是自己杯茶

同街買的‥還是不同

吃了幾口

都要送給大口仔

唉！自己真係好鬼嘥嘢

我諗真係要用回麻糬預拌粉做囉

和牛燒肉 純~

好耐冇去吃燒烤喇

我同老公真的很愛幫襯

當然沒有贊助喇

點好要吃乜

九秒九已端上前菜了

我愛吃豆腐

但老公想吃牛舌

可惜沒有囉

因不是每次一樣

三品定食

每款有啲啲

啱晒多心的我

上面係日本產豬五花肉、左邊雞腿肉、而右邊和牛牛排肉

全是日本產

三色和牛定食

其實已吃過

油花真的很美

上牛排肉

肩眼肉

牛排肉

如果冇寫錯、就係咁

我有諗過在家BBQ

自己買啲靚肉燒

但‥又怕很大油煙

希望很快可以進行喇‥唔係大隻講

吃畢

還有兩杯飲了料

其實又真係不是吃得太飽架

雖然有湯還有飯

以我不是大食之人、都未能滿足

但對我減肥嚟講‥已是超額了

液種塩可頌~

係呀！做了N 咁多次

係咪真的咁巧吃呢

初初做覺係架

隨著自己不斷做

已沒有先前咁有驚喜了

點解還要不斷做呢

因自覺還不是自己想要的效果

加上液種又真的很少做

唔奄尖

其實應該收貨喇

始終覺還是有啲啲落差

未係時候可以停

一大、一細

我較愛細細個呀

麵糰有剩、當然不會浪費

細細粒

拍埋一起

又幾鬼得意

忽然心血來潮

下次諗住做一批全細的

咁嘅角度睇

係咪清楚啲呢

一於再做過

實在太好玩了

當然‥唔好畀佢停喇

桂花陳酒釀青梅~

舊年釀造了一樽日本南高梅

還未到收成期

效果如何仲係未知之數

逛街市時已見很多青梅踪影

大大粒、雖不及南高梅

但‥都想買來一釀啊

上網見人話用這酒釀造很是好飲

冇所謂一於照跟

價錢又不貴

輸得起

等、等、等

又要等一年啊！

老公話唔緊要喇‥

六月樽日本南高梅已熟成了

已可享用喇

巧心急呀 ))))) 

Lotte 雪條~

好怕夏天

又悶熱又濕

個人全不喜囉

某天逛超市

眼球被吸引住

咁啱又特價

立即擸一盒‥

包裝幾精美

一盒四條

每條卡路里有90

肥都不算厲害了‥

吃罷‥咪吃少啲其他

原來整條係粉色的

雖然我不愛

講真

食味又真的是一般咋

我覺有啲假囉

還是自己做來得啱口味同健康啲啲