星野黑芝麻包包~

 

懶啲都唔得架
星野種唔可以擺好耐
唔做就會嘥
不過我都好啲
有 HB 幫忙
唔人手做
由佢代勞都掂(笑）


今次唔用上次方法做
用機發酵四個鐘後‥
跟住拿出，入袋往雪柜過夜
其實已第一次發酵完畢了
只是擺入雪柜作低温發酵
(書話係暫停發酵嘅)
睇吓這方法好啲
或是照上次咁好啲囉
我還有第三個
下次試‥

做呢啲酵母包幾好呀
好似攞正王牌
任發唔嬲
唔駛驚會發過龍(笑)

 

拎出嚟時
都大咗喎‥
在室內回温先
(呢part 究竟駛唔駛做呢)
見書有叫咁樣做囉
差唔多半個鐘
分割後又約半個鐘休息‥

整形入模
發酵咗都差唔多七十五分鐘左右

雖然天氣呢幾日好差
又濕又凍
第二次發酵都冇乜問題
仲比上次快咗添‥

諗住做番吐司架
唔知點解做咗呢啲
可能分割多個
變咗分散了
發酵快了些‥
應該係喇

不過始終都食唔出有乜分別囉
只覺煙韌了
有嚼勁
係咪咁呢！
我諗應該係啩！﹖
味道又唔覺咩、咩、囉(笑)
冇啲人講到有啲乜乜味散發出嚟囉))))))
點解個包包有啲咸‥
係唔係啲芝麻作怪還是那呢﹖
第二天吃就冇這情況喎
包包在第二天大力按壓時很有回彈力
只覺口感比上次吐司好
好‥我還會繼續努力鑽研的