20/10/2007(sat)
好快又到第三日喇，昨天去了近郊松島
今日係要去逛街街
冇食酒店早餐，因瞓得好晏
第一日係咁意行過吓"一番町"， 所以今日要血拼啊
每次到日本，一定畀我見到"導盲犬"
除咗喺街上見到有人拖住外，在"一番町"見有擺設籌募經費的 counter
唔駛問亞貴我都會擺低幾両
但個人絕不同意有"導盲犬"，因覺得唔應扼殺牠的一生，何不讓牠開開心心快樂咁過
而要佢照顧一個盲人(絕冇歧視)，如果牠有病又有誰會照顧呢
喺北海道路過就很多次喇，但冇一次走去幫襯，唔係唔鐘意食喎，只係沒有太多 quota
今餐係刻意安排的，喺香港邊有得食呀
かに本家
並不是かに道樂啊
我哋被安排坐廂房
感覺超正架，須然聽到隔壁聲音，但都好過坐出外面啩(起碼有私隱)
點咗呢兩個餐
唔好以為係下載架，只係食物嚟得實在太快喇
所以咪影張"未算係全家福"
最唔鐘意食的頭盤
炸蟹肉係最鬼正架
呢個蟹肉刺身寿司係另外加的
好好味架(畀啖你食吖)
還有燒蟹腳
"姐姐"會幫你一手一腳攪掂，唔須要你操心
燒過既蟹腳十分好味，連手指都有好香的炭燒蟹味啊
不得不提呢個蟹肉燒賣，鮮味到不得了，一定一定要試
蟹肉寿司、飯同湯都唔錯架
最後還有乳酪和雪糕
(唯一要投訴係最初嗰幾款食物上得太快)
實在太好味啊，返香港冇得食 lu
午餐都用了很多時間
要快快再逛"一番町"和其餘的橫街
可能係星期六，"一番町"內擺了很多攤檔，有售賣食物和街頭表演
很是熱鬧
我又逛了很多化妝品店，發覺自己做咗格價專家，一味硏究邊間平過那間
很是開心過癮，當然會出少少血喇
再逛百貨公司
放了很多 Halloween 的擺設
當然還有我最鐘意的 bear bear，不過唔靚冇買呀
買到左一抽右一袋，好不快活
你有冇發覺逛街係最辛苦架，兩條腿酸痛到不得了(老喇)
夜喇，去了我最鐘意的"一風堂"吃拉麵
赤丸新味(最正最好味架)
極新味(新出品)
"油麻地"好食喎 ，新不如舊 ，好彩唔係我食啫
食飽飽，行返車駅附近百貨公司超市
啲大嬸大叔博命喺度"執柑"，因入滿一袋只須500円
非常便宜
水果又靚又平
真係忍唔到手又買了我愛的"巨峰"
(可能平得滯，唔係太甜啊)
一別後，又再次畀我喺呢度再見，當然又買了四個芝士撻
呢間 36sticks 係新開的西餅店，啲蛋糕好靚架，咪畀佢吸引買嚟試試囉
可能我揀的唔係咁好食
