二、三、四食とん勝~

 

 

二條友很愛吃日本菜
有時揾到啲唔太貴又所謂正宗的
都會一嗜‥

第二次吃喇

 

當然又點我愛吃的刺身丼喇
"親子丼"

唔係一定係雞加蛋才叫親子的(笑)
三文魚同三文魚子都同樣有闗係架，係咪
唔好再咁"背"喇
會比人笑的

最愛吃三文魚子
卜一聲從口內破出
很是過癮
味道唔鹹唔淡
又有鮮味
都算唔錯喇
不過比起在北海道吃過的
就差了點‥

是日午餐
三文魚角同塩燒三文魚鮫肉碎
雖則係日替
但‥都算唔錯好味

佢啲豚汁做得很好喝
內有紅蘿蔔、豚肉、白蘿蔔還有蒟蒻‥
真係好好味
同我煲的差唔多(飽屎) (笑)
這個咪有誠意啲囉
好過一些日本食店
話知你係出名定唔出名
求其俾碗麵豉湯
就算囉‥
通常係呢啲我唔飲的，益咗我老公多(笑)
這個嘛。。。不能囉
茶碗蒸又係有水準的

###################################

三食了
食夠三次
有一張所謂 VIP 咭
當然見好食
至會再吃
難道貪你張咭咩！

最近攪午市推介
吉列大平賣
不過呢間食店真係好鬼靜
冇乜人幫襯咁
定我哋食得早呢﹖！

唔執輸，一於食吉列
最先嚟嘅係佢
椰菜
可任添的

芝麻醬混得幾好味
唔錯

呢家嘢唔係我倆至愛
見咁平‥應該份量都唔方多架喇
試吓無妨

份量都唔算少了
我試了兩嚿
啱啱好
多啲都唔想吃呀‥
始終太漏
咪幾好，又唔貴
又覺佢幾好味
鬆軟唔嚡唔散
都唔錯吖。。。

佢哋午市餐牌得幾樣可選
少到離譜
想吃其他丼
惟有晚上吃喇

之前吃過嗰幾樣唔再叫
而呢款又冇食好耐
當然一吃
鮮係夠鮮、味道唔錯
唔知點解
點都唔覺滿足囉
還是愛吃一塊塊的刺身
這才能大滿足
另一半同樣講這番說話啊！(笑)

@@@@@@@@@@@@@@@@@@@@



 四食
今次選在晚上吃
一定要吃其他刺身丼
都唔知點解一定要 set 定得四款午市丼
價錢在晚上吃又唔係相差很遠

幾有日本 feel
有時喺日本吃的店都係咁樣啲

裏面格局

都算幾大
有房同外面的間格都唔錯
唔會得一個大堂咁
都有分開幾 part
我鐘意這‥
就算多人，都唔會太嘈吵
設計得很好

 

有好多酒
應該都唔平囉

晚上有呢啲丼
比起午市都唔太貴
唔知點解午市冇

最想吃的
睇見流口水‥

好鐘意食海膽
少咗啲囉
下次淨叫一樣好喇‥
新鮮冇難聞嘅味道
喺東京吃過一間就超差
有尿味的
好彩呢間冇
但‥始終都未係滿意
係欠咗少少囉
都係要返北海道吃至得‥

老公話一定要吃這個小樽丼

好豐富啊‥
乜都有啲、很是吸引
又鮮又好味呀
佢只給了我少少咋
孤寒囉(笑)

順帶一提這個吧
午市沒有的
蒜頭
一啲都沒有難聞的氣味
一 pat 嗰啲係味噌嚟
兩者混合又很是好吃呀
生蒜頭諗都冇諗過會食喇
點知又出奇的好吃‥
有益架

賣單有八五折
因有 VIP咭
為期一年
會唔會再去吃
唔知架
喺咁短時間食了四次
真有啲悶囉
遲吓先喇‥

呢間店啲侍應好低能
簡直係沒有服務的
除咗坐低有杯茶飲外
跟住就唔識再斟架喇‥
唔叫唔郁
踢一踢、就郁一郁
係唔係而家九十後的寫照呢﹖
見客人吃完又唔識收嘢
都唔知話佢懶定話佢蠢囉

但‥有個應該係高級啲又係唔識做
反而晏晝有個女侍應好些
會斟水同問問客人夠食否和好食嗎﹖！
話晒係一間正宗日本食店
好講求服務質數
又唔係茶記
改改去吖
冇陪訓架咩！