北の家族

 

逛到夜，那天下大雨

好彩在店內

隨便找間吃吃便算

在歌舞伎町內的一間居酒屋

沙律

唔好食

啲菜沒有晾乾水

變咗撈埋啲麻醬冇晒味

超差

 

雞亦

呢個當然唔夠鳥良好食

都算喇

冷麵

有好大鹼水味

麻醬又唔香

雞肉火鍋

呢個係咁多個

最差的一個

完全沒有味道的

雞肉棒

估唔到呢個係全部最好食的

在最失望中，都帶來小小欣慰

食到咁，真係唔多開心架

唔好以為喺日本一定啲嘢係好食呀

最近睇新聞北海道單松

阪牛都呃中港旅客

日本人現在都唔多信得過囉‥

記住呢間唔會再去lu

心諗香港和民好食過佢

點知原來已唔係了

最近喺尖咀那間吃過

觀感全改，超級唔好食之餘

服務亦係超差的一間

ポムの樹

那些年、那些事
東京帶來我無數回憶

發覺自己很喜歡揀十月份旅遊

(全無刻意)

只是有咁啱啫

在旅遊時，睇過一本旅遊書
推介這間美食
講到未嚟過此食蛋包飯
就算食過千種
都未算叫做食過喎

其實自己很憎人這樣寫的


有嘩眾取寵之嫌

但又偏會中計
(屎蠢)
不過話還話點都要去試喇 (笑)

 

 

 

 

咖哩汁芝士煙肉茄子
呢個係 S size

外層蛋醬做得夠軟滑

飯軟軟糯糯

雖然咁‥但始終覺好普通咋喎
有幾好食啫

唔好形容到非食不可

忌廉汁野菜甜薯

是期間限定的

係 SS size

 

 

 

 

嘩！嚿蕃薯甜到好似落了糖咁

一碟真係得嗰幾粒

認真矜貴

好食與否，真係好個人喇

可能我倆唔係太愛蛋包飯呢類物體

尤其係奄烈的東西，我好怕食

但蛋我又鐘意食喎

唔知點解

 

 

 

自己試過一次後，夠皮了‥

好此道的朋友

可以一試啊！

 

 

 

 

 

 

 

 

 

 

 

屯ちん

 

 

 

因唔係搭零晨機關係 (唔知仲有冇呢)
去到新宿已差唔多下午四時有多了
依家幾好，Suica & NEX 既優惠單程車票已有埋往復
變相慳番好多呀！超正‥




食咗個‥應該講係冇乜點食到的機餐後
第一時間食番碗，係已 plan 定會去食既拉麵店醫醫肚先
靚仔見我哋影佢
眼超超咁囉‥‥(笑)

 

 

 

 

東京豚骨拉麵
大、中、小同價，如果食得晒，抵食架
配料要額外畀錢加的
呢個係中盛嚟，即係有1.5個麵的份量
我食得晒架，濃濃的豚骨湯底
又唔漏喎，义燒又軟唔嚡好入味
好好食啊！

つけ麵
呢個份量係大盛
即係有二個麵的份量
其實一個麵的份量係好細個咋





今次嚟東京喺街見有好多店舖，尤其有麵食的
都有つけ麵食
非常流行，真係隨處可見
（其實已有幾耐吓喇）

點食法，咪夾一箸麵點落啲湯汁到囉
麵係凍的，而湯汁係微暖
呢個都係豬骨湯底，其實應該試吓魚豚湯底嗎！(下次吧)





雖則係大盛，唔多囉‥
因個碗裏面係高咗架

 

店舖座落於新宿歌舞伎町內
唔去池袋又想去食
喺新宿方便多
台灣同上海都有分店
幾時到香港呢！

食完嘢，見店舖門口貼了很多相片
有很多中文字翻譯係乜嘢嚟
唔知食乜，可參詳吓囉‥

日版上海街

那些年還未愛上烘焙時
真係從來諗都冇諗過會踏足此處

愛烘焙既同道中人
對香港上海街
應不敢陌生

東京既合羽橋道具街
本人都係首次踏足

你問我鐘意行邊
當然係日本喇(笑)


其實我最鐘意行係一間樓高唔記得係六定五層的超市
那裏有齊供商業用的用品兼食品
真係應有盡有
睇到都好興奮