どんぶり．大碗飯

 

話咁快又過咗個聖誕

幾唔願都好

又要收拾心情！

 

呢篇應該要出架喇

已整咗好耐

只係懶、遲遲唔願寫幾隻字

(點只幾隻字呀) (笑)

再唔出真係唔記得要寫乜

(一年還一年嗎﹖唔排除出年唔再寫囉，又或者將它私有化)

其實丼飯等同我哋的碟頭飯

我除咗愛吃這些丼飯外

還有刺身丼

係我最、最、最愛的

當你去過北海道嘆過後

一定同意我的說法‥

 

睇書時被這個丼飯吸引

所以跟住做

因為係人気 no.1，唔做點得

(本書有成一百個丼，呢個排第一架)

又睇吓大絕贊程度到邊忽先 )))))) (笑)

 

唔難做的，十分鐘攪掂

材料一眼睇晒

只係豚肉係鹹鹹哋

最後在上面加一些芝麻同蔥

又真係幾惹味同好食

不過未至於大絕賛到咁誇囉

似唔似書嗰個呀))))) (笑)

如果真係要跟書做晒一百個丼

我諗有排唔得閒

 

用胡椒同塩醃五花腩

有啲 step 我 skip 咗

再下鍋煎香

呢個係幾麻煩架

所以只做一次玩吓咋，下次咪喇

好唔好食

OK 架！

 

呢個好味呀

混合好味噌燒肉醬汁

將豚肉醃吓

放入鍋稍微煎香 / 燶

便成燒肉丼飯

好味道、超簡單的

這個我時常愛做

 

唔駛多講，呢個係我最愛吃的

豚肉生姜燒

這個係我得意之作 (笑)

 

＿＿＿＿＿＿＿＿＿

 

食得日式丼飯多

轉轉 channel

我哋嘅中華丼飯都唔差架 (笑)

 

魚香茄子

中式嚟講我好鐘意食的

 

還有麻婆豆腐

不過唔知點解整整吓又做咗日式整法 (笑)　

 

齋食丼飯有啲寡

愛煮這個豚汁同吃

前篇講過喇

唔再翻炒！

 

 

 

塩焗腰果

 

冇巡卜習慣

今日一睇

撞鬼‥乜多咗咁多鹹卜架)))))

 

今日冬至

唔關我事，因已提早做了

難得有空

今早第一爐

就係佢喇‥

 

香口嘢

應該人人都啱

焗爐焗，好過用油炸啊

比較健康、沒有油淋淋

 

同樣有香脆口感的

這個是送給我摯愛的媽媽

(媽媽煮嘢好叻，可惜‥當時唔鐘意學，真有啲後悔)

因她時常擔心我唔識煮餸

會冇啖好食

(最叻咪叫外賣)

原來她不知佢的女兒已變了一個入得廚房、當然出得廳堂 (笑)

今時唔同往日喇

以前十指不沾

而家唔敢講樣樣皆能

咁‥當然唔可以同母親大人相提並論

但‥都已經唔差了

(我認為)

今日真係好忙，唔講咁多喇

要開好多爐呀

辛苦晒你喇‥

 

簡単の湯水

 

某日乘車

在月台排隊入車廂時

係人都知香港唔興讓車內乘客出先架喇

(其實人喺裏面唔出先，喺外面又點入呢，咪打晒交囉)

見車廂內某女子用自己 " 手掌 "

大力一掌隊落入車內的女人身上

那吓無情力，我看到幾咁震撼

(我諗都好鬼屎痛)

原來落車時‥

要出動 " 如來神掌第九式 " 才可離開車廂的 (笑)

 

 

朋友話又凍喇

夜晚瞓喺床上輾轉反側，不能成眠

哈‥我唔怕喎

只要有套温暖既床單同被袋

(當然張被都重要喇)

 

有了你

(話之有幾凍都不怕)

唔駛一陣，整個人已快暖和了

尤其那對凍冰冰的腳尖

很快已不凍啊

軟綿綿、暖笠笠、舒服到不得了 (笑)

真係架，唔好用嗰啲紙咁薄既床笠 & 被袋呀

衫都要換季喇 (笑)

不過有個奇怪現象，原來好多人冇換季呢個習慣

(唔好講床單、被袋，衫著咗係咁就咁架喇)

有時得嗰兩、三日凍咋，每日著住件羽絨

但‥熱番，還是一樣孭住件龜殼唔放 (笑)

(唔係叫你天天新款)

唔熱‥ 冇感覺架咩！ why ???

 

--------

 

其實我好怕出外喝那些味噌湯的

總之覺很難飲

不是味兒

以下三個係我在家經常煮的

好喝啊‥

 

用了紅蘿蔔、大根煮至腍

再加了豚肉

自己又加了些少鰹魚汁同煮

味道可想而知了

最後才磨入味噌

呢個真係好鬼屎正呀

我倆瘋狂愛上

還是‥減肥良品添

 

另一個又係用了大根

係呀‥我好鐘意食架，又甜又好味

加了大蜆同煮

非常鮮味

記住熄火才磨入味噌，便可帶出那個香氣

自己愛辣

所以愛加入七味同喝

 

呢個只加了鰹魚汁做湯底

不愛味噌的味道

這個啱喇

我覺好似中式的湯水

加了 韮菜同蛋花

三個之中係最簡單煮法的一個囉

又快又好喝

 

 

另一半同我講出外要小心

要留意周圍，唔好十吓十吓

他等車時曾見過一男子，幾鬼黑心啊

見有人怱忙追車，個賤人竟然企定定唔郁 (唔係驚人撞親佢喎)

只係伸出手踭起角，等冇心人撞落去咋

你話吖，佢幾鬼黑心‥絕對係心地唔好呀

我就話佢想撞女人就真

咁咪‥一舉兩得、一石二鳥囉

 

咖哩鶏肉炒

 

好怕煮啲複雜麻煩嘢

尤其以我咁懶

一味簡簡單單的餸菜

就咁誕生喇

 

用了日式咖哩粉稍為略醃片刻

鶏肉煎香後

再加上混合好的調味料

兜兩、三吓

攪掂上碟

嘩‥惹味非常！

 

大根豬軟骨味噌煮

 

笑話一則

話說和朋友閒談

佢之住處大堂貼了一張通告

叫那些無良住客不要再亂掉垃圾

因有住客投訴，有些污糟嘢掉入了房間

(原來係 " dom dom " 嚟)

你話笑話唔笑話

唉！呢啲咁嘅西人

遇著這情形，男、女屋主會否咩…咩呢﹖！(笑)

不過又令我諗起早前一單案件

那個醋夫咁‥咁‥‥咁呀 ！

下刪五十字 (笑)

 

因自己鐘意食大根

所以逛親超市

見有靚日本蘿蔔，都會入貨

 

今次煮乜東東

一眼睇晒，唔多講

只加了味噌同煮

已很是好味了！

 

 

簡単✿りんごケーキ ．蘋果蛋糕

 

有時覺自己幾奇怪

既不愛甜，又走去學人整蛋糕

(其實都唔係全部不愛，都有幾樣心儀的)

當然更加唔係成日做喇

但家裏烘焙用具多不勝數

未用過又或是未拆封的不計其數

只知據為己有，會心安理得 (笑)

(已畀人鬧喇)

 

蘋果撻食過，蘋果蛋糕真係未呀﹖

我不是說蘋果批呀

(極怕食麥當當嗰隻)

做呢個都係首次，前後共做了三個

所做的甜品

大多數送贈給好友品嚐

做白老鼠嗎 ﹖免費午餐係咁架喇 (笑)

當然係要佢哋畀 comment

放心當然入得口

應該講係好好食才對 (笑)

仲話多啲嚟密啲手喎

激屎！

送人多，自己從不擁有！﹖

 

嗱‥嗱‥嗱

！

呢

個

仲

唔

屬

於

我

!!!!!!!

我的名字、我的蛋糕

 

蛋糕唔太甜

因經我手做的想好甜都幾難 (笑)

蘋果甜甜、酸酸

配上鬆鬆軟軟的蛋糕質感

一齊同吃，很是可口，絕不覺漏

自己很抗拒吃一些用水果來焗的蛋糕

(好在呢個接受到)

我係指 " 焗 " 呀，尤其是係用香蕉

真係打屎我都唔食呀 (笑)

但‥‥就咁食我極為鐘食喎

都唔知點解！﹖

曾做過一個給朋友，因她有事攞唔到

放了雪柜數天

另一半吃了一件，連佢都話頂唔順啲味道

結果全送進垃圾桶了

朋友再次 order 做香蕉蛋糕

OK 做‥冇所謂

唔好 ‥好似上次咁，放我飛機、甩我底呀！

 

 

 

肥豬肉

 

 

我諗呢個係我童年陰影嚟

只記得小時吃過

跟住到依家才第二次品嚐

因細個唔知呢啲一條條、肥嘟嘟係乜嚟

見佢肥淋淋

以為係肥豬肉

所以一直對佢有抗佢

完全冇諗過會再食

 

到現在大個喇，知佢係乜東東 (笑)

某日路過麵檔

又學人買嚟試試

不過拿上手真係好油吓

我覺真係肥豬肉咁囉，完全對佢冇改觀

麵檔老板教沖沖熱水，掠乾後可以炒

雪柜有乜，就掉乜落去炒

味道炒得唔錯

而且還很好味添

只不過我還是覺得佢口感像極肥豬肉吧

童年陰影、始終不能磨滅！

得喇‥‥我記住你個名叫 " 銀針粉 " (笑)

都唔會再食 lu ~ 於我

 

滷肉 と 日式玉子

 

費事比人話我 " 漢奸 " 呀 (笑)

所以煮番啲唔太日式嘢喇

事緣晚晚睇嗰套劇集

啲日本人衰到冇人有，雖不是這個年代人

都感同身受

 

好喇，唔煮日式咪煮台式囉

我好鐘意吃滷肉飯

(去台灣必吃啊)

所以又學人煮囉

尤其是隔了夜的

真係好味到神仙都企唔穩 (笑)

不過食呢餐，肥到都唔識講

辛辛苦苦減肥，又要努力了

keep fit ~ keep fat (笑)

最慘對佢既愛又恨！

 

滷肉加在烏冬上一樣咁好味

咦！又話唔日式嘅

(咁‥‥烏冬係乜呢！！)

あや～ 嚟個 crossover 喇

還有日式煮玉子

冇法‥‥煮煮吓

都唔知點解又會有啲日式嘢出現架 (笑)

 

 

【鹹】酥

 

某日逛街路過不知名餅店

被它的大大隻蝴蝶吸引而駐足細看

造型很美、大細平均

於是‥

回家途中，深恐會把它弄碎

終於安全抵達

不禁吁一口氣 (笑)

唔食尤自何、一食把幾火

咦！得個靚字，絕冇內涵

既腍又唔酥

好似食緊一嚿麵糰咁

(我知佢係有麵粉成份)

真想知那件餅擺了多少天 Or 年 (笑)

但都唔係差成咁化)))))

 

把心一橫不如自己動手做

當然唔係自己搓酥皮喇

呢家嘢我真係唔識呀，不過就知道點樣做

既複雜又煩瑣

既是家用，又不是大量生產，何需咁麻煩呢！

買現成喇

 

曾講過甜不是我杯茶

偶爾食下 "都 "無妨

但今次不是做甜、而做了鹹的

放了煙肉、洒上牛至、芝士粉、還加了點黑椒碎

焗時‥整個廚房傳來陣陣香氣

為食的我，已忍唔住一路影一路把它放入口中 (笑)

又酥又脆、惹味到不行

一個一口，不會食得狼狽啊！

雖賣相做得不是很美，但以好味搭夠，算把喇！

 

一間打開門做生意的專業餅店，竟有如此超差水準

我呢個半途出家兼業餘既二打六

做得比它還要好食百倍 (笑)

(又自己讚自己喇，唔知醜)

Let's Go !!!!! Try Try Try

 

原始味道

 

 

好耐冇整蛋糕

雖不愛甜，但人人話食甜會開心啲

係真唔係呢 (不敢苟同)

偶爾食下

滿足自己口痕咋…

 

沒有加插任何饀料

簡簡單單已極好 )))))))

原始風味

已很可口了

食住先喇

(等有空才再做啲複雜嘢吧！)

 

 

Dondonya ．丼丼屋

 

雖不愛做家務

但…呢排要啊！

原來自己連屋企部洗衣機都未識用

你話低能唔低能！

抵打唔抵打吖！(笑)

 

鐘意吃日本菜

喺日本時最愛吃刺身

尤其喺北海道

新鮮又好味

諗起都流口水…

見好耐冇食過喇

同另一半出去揾食先

呢間係美心集團的

(一向對它印象油麻地)

見口碑唔錯，又姑且試試

 

環境大致係咁

還有另一邊的，卡位好似得兩張

我最唔鐘意啲枱與枱之間矩離實在太近喇

像極搭枱咁

當日時間尚早

人都唔多個

竟然要我倆坐張二人位

我同佢講：指住要坐呢張拍埋牆的四人枱！

哈！竟然間任我鐘意點就點喎…

算…佢喇

(其實我哋唔係咁唔講道理既人嚟，只不過見唔多人，食完都未滿席喇，才有這樣要求)

我 buy 你 sell，你情我願

大家開心啫！

 

 " 雜錦海鮮丼 "

雖然刺身係切粒方塊狀

都算大粒喇，每粒都非常新鮮好味

絕冇腥味啊

呢啲咪新鮮同唔新鮮分別囉

另一半不斷話 うまい (笑)

 

" 特級海鮮丼 "

這個係一塊塊的

都幾大件架

いくら 入口即破兼很鮮甜

牡丹蝦大大隻夠新鮮肥美、帶子如不是片薄了，會更有口感

我最不喜的是那兩片玉子(甜蛋)

其他每樣都很好

配以新鮮 わさび 更加美味

不過點解個丼啲飯咁少嘅，細食的我都像意猶未盡 (笑)

可能實在太好味喇

おいしい

唔通冇期望，就帶來這個驚喜…

咁又唔錯喎

食完呢餐我倆覺它比正統日本料理店 湖舟 還要好好多

何解﹖！

 

 

 

筑前煮

 

無喇喇咁快變咗冬天

正到不得了

不過唔理咁多

最緊要唔好咁快熱番啫！

今日心情非常非常之靚  靚  靚 ))))))

朋友好鐘意睇我煮完食物的相片

每次都會給我一些意見

是好是壞欣然接受

好彩大多是正面的

讚多於彈 (笑)

(梗係喇我煮嘢食唔差架，睇得兼食得，飽屎！)

 

 " 筑前煮 " 即是雞肉燉蔬菜

只不過這個日式蔬菜以根莖類為主

原來根莖蔬菜具有温暖身體效果

屬於温性食物

可以消除女性手腳冰冷

 (啱晒我呀，冬天時對手腳冰到唔似人架) (笑)

提高肌膚新陳代謝

嘩！有這麼好的食療

唔食點對得住自己

真係未試過一次一味餸食咁多根莖類食物

0趙到牙骹都軟 (笑)

 

既然咁好

唔好比佢停

上次有蓮藕、紅蘿蔔、本菇、雞肉 (茹素者可不加)

今次加多了芋頭 (應該買里芋的，揾唔到呀)

蒟蒻同鮮菇

更加大碟，這個都吃了兩天

隔了夜的還要好吃 (笑)

有逛開日式超市的，一盒仔索價 $23

還是自己操刀罷！

雖然每樣買啲啲，都不算便宜

以愛心同健康掛帥

始終勝萬金！

 

 

秋の味覚 ~ 栗

 

真開心天氣開始涼了

那涼涼的秋意

令人身心舒暢

脾氣都好啲呀 ))))) (笑)

 

栗子

我最愛吃的

不過奈何胃病，不可吃太多吧了！(泣)

買了半斤 " 桂林椎 "

細細粒、頂部尖尖，好像水滴形

就是這個了

好友教的

用這種栗子燜，唔會變成糊狀

又有咬口

的確唔錯、好味、又甜…

 

朝食

 

早餐大多出外攪掂

放假都寧願瞓多些，點會喺屋企做呢！

在自然醒的幾天

又攪攪震 lu )))))

 

Hot cake 梗係鐘意厚身喇

薄個張紙的，唔駛預我

鬆鬆軟軟有口感

正！

糖漿又或是楓糖漿都不是我杯茶

(唔知點解大多女性愛吃的甜品，我只喜歡一兩款)

自己只下了一些楓糖漿和牛油罷了

夠喇！已覺好食 (笑)

 

有人喜愛多楓糖漿加香蕉拌吃

食法各人有異

悉隨尊便喇

最梗要係好食啫…

 

= = =

 

另外又整了法式吐司

做法同港式西多差無幾

只是毋須一鑊油炸 (這個整法很是恐怖)

不過好在我哋都唔鐘意食西多啫

唔係肥屎兼心臟病 !!!

 

如有時間當然自己做埋麵包喇

這個用了方包

(當然麵包又係自家製喇) (笑)

加了芝士和士多啤梨果醬拌吃

再整杯 Latte

正呀！

比西多士好吃多 (我覺)

 

法包同方包各有不同

當然同樣好味

我另一半俾佢激屎呀)))))))

話寧願食烘多士好過喎！(笑)

 

 

大根と手羽の煮物

 

呢排都煮咗好多餐唔同款的雞亦

呢個都算唔錯的配搭

 

有我鐘意的大根同雞亦

兩者混合

一次過滿足晒我兩個願望 (笑)

大根吸收了醬汁的精華

甜夾入味

呢餐主角係大根，雞亦只是茄呢啡

其實這個整法同港式豉油燜雞亦差唔多

但食味我較愛這個！！！

 

清湯蘿蔔牛腩

 

 

某日睇 cook book 版時

另一半到教煮 " 清湯腩 "

見他睇到流晒口水

好喇！又試試整，唔知成唔成功架 )))))

見係某女名人的私房食譜

(嗱！唔係嗰個把鬼阿 so 呀) (笑)

唔整唔得喇 )))))

 

買嘢兼洗洗切切

都攪了個多鐘

還未計煮喎

呢煲嘢都用了三、四個鐘

結果係點…

睇相便知一二喇

牛腩腍滑入味、湯頭清香

比在街吃的絕不失禮

呢個 recipe 掂過碌蔗 (笑)

goooooooood !!!!!!

 

再加埋個左溝右溝的正斗辣油拌吃

真係香到不得了

有畫龍點睛之效！

 

一斤多啲的牛腩

燉煮了二個鐘

加埋那相當入味的蘿蔔

真令人食指大動

好味百倍

另一半評價話如十分滿分

這次有九點九分喇

我話咁…剩番嗰零點一，係衰乜嘢呀

佢話費事妳囂同自滿喎

 

 頂！！！