去東京玩，唔係逛街就係食嘢
逛到表參道一帶
window shopping 於 b 仔門前
影番張相先
才入去慢慢參觀
呢個品牌，唔太貴…是很多港人至愛
我只愛少量，並不盲目
見今季興"草籃"既物體，香港已有發售
***********
有一個怪雞現象，唔知點解回程時在機場
見有些港人，總喜歡或是買了此品牌的用品
唔會把它放在旅行喼內
大大個紙袋揹上膊(攞苦嚟辛)
有時係得個袋大咋…
朋友話呢啲咪想 show off 自己買了乜嘢
唓！普通料嚟，何須這樣
怪哉！﹖
2009年3月31日星期二
2009年3月29日星期日
百食不厭
每次到東京，如有時間
必定去探探它至安樂
大大話話都幫襯了十個年頭了
"鳥良"
數數手指，都唔知幫襯過多少次了
以遊客嚟講，算係咁喇…
最愛它有個室
唔需受外界干擾，自得其樂
是我最．最．最．渴求的
我諗應該唔會有人會唔 like 啩
今次比上次濶落好多
坐得更加舒服
前菜是必有的
係要畀錢架，都唔平又唔太好食
(每次都咁講)
微量既酒精飲料，必點
有大把時間，唔喺度慢慢 hea 夠飲夠嘆夠
點對得住自己，咁先叫去旅行嗎！！！
不過謹記"揸車前咪飲、免害己害人"
"大根"
只有蘿蔔，有少量雜碎，撈飯最佳
白飯一個…唔該
"炸雞寿司"
再食依然咁好味
"雞亦"
出名既雞亦，諗唔度乜奶油唔叫囉
只點了三份共十五隻中辣
食過咁多次，真係冇一次令我失望
一個字"正"
睇番啲相，又想再去食過
以下舊年食過既食物
http://hk.myblog.yahoo.com/jw!bfSc1PqRERnM4Hidr0goGLy3dz.isPb0AQ--/article?mid=6381
2009年3月27日星期五
只是一般吧了
冇諗住去築地
隨隨便便喺新宿一帶揾食
"金太郎"
見門口有刺身丼吃，有啲價錢都幾便宜，姑且一試
但…唔敢抱太大期望
嗰度都有另一間"若狹家"都是吃這些
是旦，便揀了"金太郎"試先
好 user friendly
睇啱邊款入錢買就可以
"海鮮丼"
賣相幾好，同相片冇乜分別，冇呃人
咁既價錢，食到一碗什錦丼
唔好要求太高，雖不是太新鮮，可以接受
當然係要講埋價錢喇
"三色丼"
明明叫三色丼，變咗四色
除咗魚子較鮮外，那份"海胆"腥夾還有一陣尿"壓"味
不是味兒
帶子唔見得新鮮，三文魚都唔駛多講
千二円咁既價錢，喺香港當然食唔到，但在日本畀咁既質數
我會覺唔抵，地方又唔係高檔
不過比喺上野那間"鉄火丼"較為好味多囉
2009年3月25日星期三
平都有好嘢…
自從喺北海道吃過後，對佢印象唔錯
去大阪時見有，亦再次光顧
今次喺東京再遇，唔爭在又吃多次囉…
雖是連鎖快餐店，並不是梗有一間喺左近
"な か卯"
鐘意食乜咪買乜，超方便
唔係冇人幫襯，只係時間尚早
店內得一人主理
認真慳皮
真係乜都一腳踢(做死人咩，不過見好多店都係咁)
另一半畀呢張海報吸引住
見季節限定，梗要一嚐
"麻辣担担牛丼"
咦！張相同真既唔一樣，難度解像度唔同
啲麻辣汁明明鋪在蔥之上，點解會掉轉架
咁…賣相差好遠啊，呃人
(我倆最容易畀人呃架，見靚就去食，差唔多成日都上當架喇)
今次會唔會例外呀，我睇好你架，唔好令我失望好喎
睇啲牛肉乾爭爭咁既，唔係化，好彩…都好食
好勁麻辣味道，中國餸 feel~fusion
唔錯~唔錯
"担担烏冬"
呢個都食過幾次，今次都冇失拖
我極愛食辣，所以差唔多自己想食既嘢，都要係辣辣辣既
好味道啊！
其實諗深一層，得嗰一碗嘢
絕對、絕對唔算便宜架﹖！！！
冇計…鬼叫喺日本咩，算叫做平囉
2009年3月24日星期二
超級易用八達通
明明已吃過晚飯
仲要口痕食嘢
"大力水手餐廳"
只係叫咗一 set 咋，得嗰兩件雞、沙律、汽水、薯條
個鬆餅另加錢既，咁就七十多蚊喇
幾鬼死貴
咁夜買，唔知會唔會好似 KFC咁，喺垃圾桶執番嚟畀人食呢
自有零晨機後，一定會揀它
可偷好多時間用，最啱我呢啲夜鬼
ANA唔錯架
不過遲啲會唔開咁多班次了
再講 ANA既飛機餐相當唔錯
好快過關，攞完行李
仲要搭一程 free shuttle bus
喺呢度落去搭車喇
"PASMO"
等同香港八達通，超好用
舊年只去三日，冇買嚟用，今次去六日五夜，梗係要喇
第一次我哋只買二千円
其實唔夠用架，雖然車程唔遠，還不是每天都搭
但…我們總共每張增值了六千円
計埋扣除唔可以用的五百円按金，咭內剩餘五百円
都用了五千円了，只係六日的車程
都蠻貴啊！！！
這張咭可在十年內使用，相當方便好用架
起碼唔駛每程頭顎顎，睇要入幾多錢買車票吖﹖！
**************
買完票後，又是我倆展開東京旅程之始…
2009年3月23日星期一
我和櫻花有個約會
其實都冇諗會去日本，更加冇諗過會去睇櫻花
市道唔好，好多旅遊都幾便宜
尤其泰國、首爾，歐洲都平，最緊要係利率下跌
都怪自己多心，攞住其他地方既章程
"個心仍繫日本"
最衰係日元高企，唔係仲 fit
沒有時間計劃行程，咁…即係要去東京喇
因唔駛 plan，逛到邊咪去到邊囉(其實去東京都冇乜新鮮感喇)
但…鬼叫自己鐘意去日本咩
下次真係唔想再去東京喇(實在去過太多太多次了)
另一半話聽住先喎
"新宿御苑"
入場券係要畀錢架
sakura ~ sakura
今年完全唔喺時候，既然一場嚟到，當然走去看看啊
睇得唔好嘥…
日本人好愛櫻花，特別是上咗年紀的大叔大嬏
他們出動長短火，有姿勢有實際架
還做埋筆記，絕唔嘢少
靚唔靚呀
sakura ~ sakura
呢棵喺全苑最靚既櫻花，亦係最早開花架
名字叫"陽光"
喺園內識了一個日本大叔，大家寒暄一陣，他說這棵"陽光"是最靚 no 1 的
遲啲滿園開晒櫻花，是相當之美，哦！唔駛你講我都知
鬼叫唔係時候咩
滿園都好多櫻花只得花蕾
還在含苞待放
我覺像極聖誕燈，一粒粒的掛在樹上
你睇滿園都是光秃秃的，只得數棵開花咋
連續三年都係喺日本睇到櫻花
算係咁喇，雖不是時候…
訂閱：
文章 (Atom)
