南瓜長通

 

呢幾日無論睇電視新聞、報紙、上網有關報導

都令我破口大駡

好像潑婦罵街，好冇口德咁

另一半講唔係咁發洩吓情緒

真係會人到癲

傷感過後…

 

 

已整了數天

只是沒太有心情寫 blog，才擱置吧！

 

 

做了南瓜醬加白醬

topping 鋪上一層芝士、南瓜片

後再加 breadcrumb 稍微焗焦，會更香脆

 

南瓜非常甜美

白汁和南瓜醬同煮，始終漏了點

如果唔係會更好

不過還是好吃的！

 

 

 

 

難過…

 

 

今早已默哀了一分鐘！！！

你做咗未呢)))))

 

我諗好多港人睇到噚日單挾持人質事件

攪到死咗咁多人

都相當難過

雖然大家唔相唔識，發生此事

都令我倆輾轉難眠

睇到班低能、廢柴特警，火都嚟埋

菲律賓這個對人命視如地底泥的國家

唔駛錢比我都唔會再去呢啲鬼地方 )))))))))

 

呢排都沒有點煮嘢食

求求其其整了個蕃茄 Mascarpone cheese sauce

扁意粉係我最愛吃的

好過上次整嗰個超大貝殼呀 (冇下次架喇)

撈埋又一碟囉

好好味啊！

 

 

 

願他們得到安息！

一路好走

大貝殼．秋葵

 

 

逛超市時，遇到佢

見樣子幾可愛

買了回來玩玩

 

" 白汁三文魚 "

跟包裝指示烚的鐘數

其實自己已加了數分鐘了

大貝殼還是很硬啊，好似唔熟咁

又唔係煙韌嗰隻

嘥了我很多心機整

只覺麻麻

亦嘥了我的醬汁

 

" 白菌蘑菇秋葵 "

第二次整時，知上次效果一般

將它比上次煮久了點

始終亦是麻麻

好彩還有我愛吃的日本秋葵

這個很是有益

味道同豆角很像的

 

 

大蕃薯

 

 

" 開飯 " 食評講呢間餐廳的咸豬手很是好吃

另一半知道後

好想去試

 因食過亦係很多人讚口不絕的 King Ludwig Beerhall 

只覺一般

所以抱姑且一試

並沒期望！

 

講到不可不吃的蒜茸包

簡直不是味兒

又話係法包嚟，都唔係嘅，仲差過冇味道的方包 (我整得好好食架)

我都唔知佢搽了什麼醬在包包上

牛油唔似牛油、蒜茸又唔覺有蒜茸味

有冇攪錯呀，我係咁奄尖架喇 ))))))

(可能自己識整包包啩，所以對佢有所要求，又同佢揾下台階)

唔係講笑，真係冇味道架！

 

" 蘑菇湯 "

都算幾好味

但…我覺罐頭湯比它還優勝 (笑)

 

超差羅宋湯

實物好似滾水溝茄醬咁…

毫無味道

 

" 芥蜜醬咸豬手 "

先講那碗 sauce，甜到不得了

應該係用蜜糖水溝 Whloegrain Mustard

難食到嘔…

齋吃好喇，不要點醬

 

豬手當然唔及以上嗰間好喇 (嗰間都係一般咋)

皮係夠脆，但肉好嚡吓喎

味道亦是一般

鄰座食客都偶有微言

 

" 地獄雞 "

黑椒雞辣辣哋的又夠入味

都算唔錯

不過可惜雞太肥胖同很油

半隻食了一半已覺很膩

已不想吃下去了

 

喺呢啲山卡喇地方竟索這樣價錢

不是太值！

最慘係唔太好食

雖然係晚餐，惜只包餐包、湯

如要飲品，要多付 $5

不算完整！

只覺食後變了 " 大蕃薯 " 就真啫 (笑)