因天氣凍，晚上開了暖氣關係，起床立即做了個水份面膜，才去街街
週末約了老友吃完嘢，便去扮靚靚喇
星座冰室
喺尖沙咀工作咁耐，都未曾幫襯過，今次走咗去試試
唔係淨係得中環至有蛇竇，呢道都有架
蕃茄雞亦湯米
朋友話米粉太快索晒啲湯又太腍，唔係太好喎
蕃茄牛肉湯意粉
我呢個就冇索晒啲湯，唔太酸，味道都幾好
(比中環那間大排檔還要好吃，起碼沒有它整得那麼酸)
其實蕃茄湯好易整，我咁低 B.B 都識煲，比它還要好味呀…
吃飽飽，就去扮靚靚喇
約了髮型師費事遲到，又加上週末好多人架
before (長直髮) after ( 爆炸頭)
嘩！好彩幾靚啫，電嚟迎新春架
足足喺髮型屋坐了五粒鐘有多，腰骨都唔知幾痛
如果整得唔靚實打死佢呀…
攪掂鬆人，快快走去食嘢喇，好肚餓
是旦行咗去附近一間叫"和花亭"的吃寿司
食物普普通通，有啲刺身很不新鮮，沒有鮮味
個三文魚骨湯唔好喝(在日本喝過一間好正架)
"元氣"比它還要好
跟住兩條友又走咗去四圍逛街買嘢喇…
從未食個一間咁差勁嘅食店，諗起都唔開胃…
位於蘇豪東鯉景灣內
兩人吃後，當天都屙了幾次，食物認真唔清潔
海鮮雜菜煲
發覺出外叫這個，多數都唔得架
(完全沒有味道，好像是用滾水烚的，海鮮又唔新鮮，最憎啲菜大大條的)
食一半掉一半
豉椒炒蟶子
(多沙又唔入味)
籠仔肉蟹蒜茸蒸糯米飯
呢個係咁多個最差兼最貴的一個，飯又濕淋淋，完全唔乾身的
又沒有所說的，飯吸收了蟹的鮮味和荷葉墊底的香氣
應該講係各顧各，亙不相干
加上蒜茸味道，我覺得唔係咁匹配喇
(同喺"澳門媽閣"吃過的一間西洋焗蟹飯差得遠了，如果唔係掛住它都唔會撞板喇)
綠豆沙
(豆還豆、水還水，又唔起沙，會唔會係好味呢)
不知所謂的一間食店
喺濟州沒有什麼手信，只買了一些佢哋嘅土產回來
濟州柑橘(橙)
係韓國最受歡迎的一種水果
見很多韓國人幾箱幾箱的買回鄉
一盒六個(小)，還有大箱的
頂部微微隆起，形似"漢拿山"的柑橘
濟州柑橘價錢比一般橙還要貴
一個我諗你哋都估唔到要幾錢喇
兌換港幣後要四十元，唔係一箱喎…係一個
貴都冇所謂，但…酸到令人面容扭曲，完全唔好食嘅
(同日本啲水果冇得揮啊，人哋嗰啲貴得有道理架)
點解佢哋還可以買這麼多回鄉呢
難道真是愛國到麻木，,或他們買嗰啲係好食啲呢…唔明
濟州蜜糖、柚子茶、生果朱古力
朱古力又係普通個唔普通，類似 Jacob 橙朱古力，不過 Jacob 比它還好食
其他還未開封
寫完個【油雞】後，終可鬆一口氣
唔駛寫得咁辛苦喇，可以攤唞吓囉，寫番啲容易既嘢先
有半天假，便和朋友在這裏吃午餐
飲食雜誌不斷介紹話點咁好食
又即管走去試試
"火車頭越南餐室"
好彩我哋下午食，加上過了午飯時間
不是太多人，又無須訂位，先去食咋，要等就唔好客氣喇，又唔係唔駛錢
"火車頭招牌湯河"
個碗又真係好似個面盤咁大，塊面都可放入去架
內裏份量唔係太多咋
我哋兩個人食，都唔係好夠
(冇雜誌寫兩個人食足夠有餘喎，我已唔係大食嗰個)
湯頭真係清甜
碗內有生牛肉、牛展、牛柏葉、牛丸、牛筋
係生牛肉同牛展多些，其他份量相當少啊(簡直揾唔到咁滯)
我覺得牛展真係入口即溶，反而我愛食它多啲
呢個相當唔錯
("月展"呢個字用什麼倉頡碼打，應該係冇喎)
"蒜蓉牛油焗越南大頭蝦"
惹味又香，內裏有小量牛肉碎炒過撈埋一齊焗的
好味道
甜品
"薑檸檬炖蛋配雪糕"
我好鐘意有薑味既食物，唔甜夠特別
(食物出得太慢，食到收舖才可鬆人)
01/01/2008(tue)
今朝好晏先知醒，因尋晚無覺好瞓
可能喺"城山日出峯"冷親，攪到周身痛
推窗往外看
哦…落雪
應該落了一晚喇，地上鋪了很多雪
白茫茫一片，加上如此美景
很是美麗
其實諗過這件事好唔好講架，唔想導人迷信
尋晚完全冇覺好瞓，除咗不適外
就係比我見到啲唔想見既嘢
在剛剛瞓著時，給我在睡夢中
看見一個半身的女子在窗簾旁同我揮手，由左飄向右邊，還說了一句韓語
嚇到我即刻醒了，汗如豆大，真係好驚……驚
雖然畫面沒有恐怖成份，但已嚇至半死
唔知係真定假，不過就好真實
或者係我既 channel tune 咗去嗰度啩
梳洗後，出外逛逛
唔會再租車喇，又貴兼真係冇乜地方值得去的
諗住隨意便算吧
離開酒店，沿途已有好多雪鋪在地上
左諗右諗，都係要再去多次
一睇呢度，咪又係去探我啲老友記囉
(我發覺自己好鐘意乜都嚟多次，不過…最緊要係好嘢呀)
Teddy Bear Museum
有冇攪錯呀
入場費又加咗 1000₩
加幅仲犀利過香港呀
都唔知佢哋要揾幾多錢一個月
才可喺度生活呢
嗱…有啲相上次冇 post 出嚟架
依家睇番喇
玩啤牌，一齊玩吖
呢張幾得意架
蛋糕裏面全是 bear bear
呢個係特別版
用了 125 K 純金做的
不過張相太細，可能睇唔見啲毛閃閃吓
但個鼻就睇到金色喇啩
bear bear 結婚
呢度就係賣 bear bear 既地方
一眼睇晒，好細間咋
比我見到啲台灣和韓國人揸住啲 bear bear 貼埋面上影相
(唔准影相喎，犯規)
幾咁唔合衛生呀，黐埋啲面油落公仔度，污糟到死
唔好比我買到你哋嗰啲呀
外面就係花園
都有好多 bear bear 睇架
喺度野餐
釣魚
bear bear 館差唔多比我反轉咁滯，窿窿罅罅都比我行完喇
睇完行番入裏面食午餐
" Lotteria"
韓國出名連鎖餐廳，等同"麥當奴"
一份套餐
一個照燒雞包和牛肉堡、一杯可樂、提子汁、薯條、芝士雞條
個牛肉堡好似個蛋糕
兩個包包完全唔熱，又唔好食，認真把鬼
薯條又唔脆
食食吓，見到隻貓貓好可憐呀
瑟縮一旁，還在顫抖，所以牠要挨在門邊取暧
最衰度門給風吹開，把牠嚇了一跳
(可惜我愛莫能助)
離開在出口處會見到兩隻大肥 bear
拜拜喇…我的寶貝
向"如美地"方向行去，想去睇瀑布
(唔知有冇得睇呢)
但個地啲雪似溶非溶，非常之跣，又濕漉漉
便告吹唔去喇
費事諗，返酒店算數
冇地方可去，唯有又反轉間酒店喇
酒店大堂
見有這個，我又寫了幾張
將心願掛在這棵樹上，希望會實現喇
有 LV 架
不過…冇乜人行喎
Duty Free Shop
買既嘢同香港機場啲差唔多
那個紙牌公仔，用人氣亞 Rain 宣傳
cafe
酒店地下
竟然有隻大 bear bear
聖誕都過咗喇，都唔幫佢換番件衫既
佢好污糟架，我都唔敢摸佢
酒店內園
咁大間酒店又咁出名
又做遊客生意，你只會見到呢幾隻中文同英文咋
其他都唔知寫乜架，唯有靠估囉
"太自以為是"既國家
(其實係講新年有倒數活動)
倒數在此
又凍又露天，我哋都冇去參與
只在房間聽到好嘈咋
個假山隻龍會噴火咁大把囉
泳池
冇人會游架喇
內園外貎
終於近距離見到風車喇
好靚呀
李秉憲同喬妹曾在此拍的劇集" All In"之處
"石頭爺爺石像"到處可見
反轉完酒店
又係時候去食唔知係唔係"晚餐"喇
飯堂地方在停車場隔離
地上鋪滿雪喇
今次前菜我叫了她給我"魚仔"
係最好食的
本應吃 shabu shabu 的
但還未有牛肉送嚟，冇得食喇
又再點了最好味的"牛肋骨湯"
算係完美的結局吧
返酒店攞行李走人喇
你睇外面真係好凍好大風，個地唔係落雨喎，只係落雪攪成這樣咋，濕漉漉
這個女子是酒店職員，專責接待旅客上車下車攞行李
佢都要箍住條皮草在頸上架
睇見佢都好辛苦
上車喇，差啲冇位呀
拜拜，希望唔會再嚟喇
怕怕
到機場喇
落車 lu
機場大堂
賣手信既地方同 check in 喺埋隔離
當日有好多韓國人乘內陸機回國呀
又見他們買了好多箱柑回鄉，非常愛國愛自己的產品
還未夠鐘，走咗去機場樓上吃東西
得兩間食店，一間沒有開門
只有這間小食店
南瓜湯
唔夠熱又唔好喝
芝腿治
係呢個幾好食，起碼即整
一個機場只得兩間食店，都唔知有冇攪錯
一定要夠鐘才比你入閘架
原來裏面好細小，所以要分流囉
等上機呀
唔會好食既餐
回程乘搭 9:50 返港喇
韓國比我的印象真係麻麻咋
加上他們禮貌欠奉
再到此遊，就係掛住佢哋啲美食囉
Jeju @ day 0 1 2 3, Lotte Hotel, Teddy Bear Museum
