牛角~

 

嚟咗香港咁耐都冇興趣走去吃
除唔鐘意排隊等位外
還有以下‥

只因喺日本同台灣吃過
味道亦係一般
所以遲遲都不願去嚐

 

例牌
侍應推介的巨峰提子梳打
話說係好多客人 order 的
普通咋喎‥
我知好多嘢係見仁見智
尤其係 " 食 "

 

牛角沙律
一啲都唔好吃
仲衰過和民

 

看過餐牌
都冇乜心水
首輪叫住咁多先喇‥

 

以肉類嚟講
香草雞肉味道係最差的
加上切到圓碌碌一嚿係最難燒熟的

 

厚切煙肉
唔肥又幾好吖
起碼唔駛食半掉半(笑)

上級牛肋肉塩燒
亦係例牌普通

 

反而呢個薑茸豚肉燒
有驚喜
所以有再次 order

 

王樣蜜香腸
都算幾好吃‥

中原一條腸
搶晒鏡(笑)
其實係好礙眼啊！

 

二輪加的牛油元貝
同再 encore 的薑茸豚肉燒

 

除雞肉唔好吃外
這個係呢餐最差、差、差的一個
把鬼呀
冇味又嚡
嘥錢！

記住check 單呀
他們亂將唔係你 order 的又加在你的賬單上
夾錯單就話啫
唔係自己叫的‥就萬萬不能

講真吖
喺日本吃過都覺佢普通囉
完全冇期望佢好吃的
所以冇失望
反而今次喺釡山吃過韓燒
比它好味好多兼唔太貴添‥

 

台灣一品花雕雞~

 

這餐係圑購的
幾吸引便買下來了

見它近日多事之秋‥
還是早早吃了吧！
免夜長夢多‥

餐飲唔太記得係乜茶囉
麻麻啫‥

一品松板豬、紫蘇紅K球
這兩個前菜好好味
特別係個紅蘿蔔、酸酸甜甜很是醒胃
松板豬加花生亦是令人吃過不停

雞件不是很多
我諗圑購係咁啩‥
味道亦是一般
只覺不是太入味囉
可能叫了小辣吧！
雞件又太大嚿

一煲三味
不過未食過，又覺相當過癮 (笑)

粿條
這個不是自己煮的
雞吃至七七八八
侍應會埋嚟幫忙啊！

她在鍋中左加右加後
"撈"同"炒"了這個相當入味兼好味的粿條了
諗番同睇番都流口水
真想立即飛去吃過 (笑)
這個比雞略勝呀！

一煲已吃至第三味了
打邊爐是也‥
加了花雕酒和各式調味

魚腐、豬潤

雲吞拼墨丸
覺雲吞稍為大粒咗啲

不是粉絲係新竹米粉

靚菜

肥牛
以上都令人吃至飽

最後還有甜品
芋頭西米露

這餐算完美句號喇
有前有後 (餐飲、甜品)
而且都算好吃
畀了圑購價
沒有再加其他嘢
便可食完拍拍籮柚走人了
亦都沒有屈人吃乜加乜
服務都尚算滿意
一定有下次
不過又驚第二次吃會失望囉
因試過都係咁‥

 

還是聖誕樹包~

雖然今日係 boxing day
聖誕已過了
但都做了這款包包 (笑)

既然做就做多個喇
唔好嘥

噢！咁就過咗 lu
多唔多禮物收到呀‥ (笑)

聖誕薑餅曲奇~

 

整完聖誕樹包包
又整吓曲奇
唔係一定要做薑餅人的

送畀朋友的仔仔

希望小朋友喜歡吧！

X'mas tree bread ~

 

仲有兩日咋
其實十二月整個已當佢到咗架喇‥

咦！冇世界末日
一直都冇當係一回事
諗都冇諗過
只是傳媒炒作又或有人吹噓
才稍為記得
不過我有一朋友
佢真係有買齊糧餉
預備)))))))
真真幼稚、低能(笑)

見得閒
整番個聖誕樹包
應應節(笑)

在普天同慶的日子裏
無謂講埋啲掃興說話
大家開開、心心吧
聖誕快樂
身體健康！
Merry X'mas

 

馬騮衣服~

 

好快聖誕喇~
還有十零日咋
一年當中這個係我最喜歡、最喜歡的節日
愛到不得了(笑)

呢輪做得實在太多
都唔想再做喇
有啲啲厭囉(笑)

真架！
暫時！！算係今年最後了‥
做這兩色
雖不是我摯愛之色

但是‥
我因為聖誕才做的

總畀我覺好有聖誕色彩囉
當然我唔理人認唔認同(笑)

最緊要自己鐘意咪得囉‥

好少見自己整饀架
用牛油、蛋、冧酒、雲呢拿籽、糖混合而成的
很是好味啊！

送給識欣賞嘅人
我諗係做包餅朋友所願的
須然這個不是人人喜歡
當遇到知音客
都老懷安慰 (笑)

早係早啲
禮多人不怪啊！
祝自己和另一半、還有家人同大家聖誕快樂、身體健康‥‥‥

 

Pão de Queijo 芝士波波~

 

 

 

想做這個包好耐
自從學人整包開始
已盤算如何做了‥

摷到個日本食譜
又買齊材料喇
仲唔拿臨開工咩‥

 

係就係‥同我喺街外買的沒多大分別
唔知點解覺味道有些怪怪
不是自己愛聞的味道
究竟係出了什麼問題呢﹖
難道是用了 "白玉粉 "所至﹖！
冇奶油架‥

 

 

 

__ __ __


始終唔服氣
又再次嚟過 (笑)

 

 今次又摷了第二個食譜
係用糯米粉取代白玉粉做的
價錢差好遠啊！
口感‥就差唔多
不過
我還是愛用日本食譜多些(笑)

 

 

但賣相就差啲啲喇
應該係自己問題啩‥(笑)
但‥味道始終如一
係我唔鐘意之 "味"
錯喺邊呢！﹖
其實做完咁耐
都仲係找不到答案呀！
腦海還充滿著無數個問號的﹖﹖﹖
某日
又給我無意中發現了





﹖

﹖

﹖

﹖

﹖

﹖

﹖

﹖

原來罪魁禍首

係

︻
橄

欖

油
︼

！！！！！！



咦！如來咁鬼簡單，咁‥都一早諗唔到，屎蠢 (笑)

好喇！

好快有下次了