紅莓軟歐~

 

我好勤力做包包

又要自己進步

更加要同個爐好好磨合

才能有自己想要成果

今次做紅莓包

唔係酸種

只係一般酵母

雪柜酸種已等了我好久

只係自己遲遲唔開工咋。。

嘩！

出爐時

眼前一亮

有冇咁正呀

呢啲咪係我想要嘅效果囉

上色我又滿意喎

唔會一撻深一撻淺

焗爐今次冇下錯注

買時都巧驚驚會衰㗎

雖然已做了很多功課。。

yeah win win (笑)

英式脆皮吐司~

唔好比佢停呀

要繼續努力做落去

唔係點會進步

個爐唔測試多啲同佢談戀愛

佢點會愛上我喎

成碌嘢出爐喇

出爐冇幾耐已聽到唱歌喇

以前聽做包包前輩講麵包出爐聽到佢唱歌㗎

嗰陣時唔知乜來

感受唔到

現在知道係乜東東喇

一路唱歌一路出裂紋

呢個都唔算多喇

但。都係一個好開始

切面唔錯喎

雖然工序繁覆

換來效果唔錯、又唔係咁講喇

外脆內軟

同舊爐係無得比的

只係最初唔換爐

覺又未壞

唔要、好浪貴

現在應明白乜嘢叫工欲善其事、必先利其器呢個道理

 

古早原味蛋糕~

 

試咗做麵包

又要試吓做蛋糕得唔得

古早都唔係易做

最煩係個面爆裂囉

出爐都唔錯

冇爆裂呀

都算叫靚仔

見唔見到有個大咕窿呀

揾唔到支針拮入去

咪攞咗拮魚蛋支簽囉

哈哈。影響晒啊

自己食又唔係拎去賣

矛所謂喇

焗爐已很滿意了

再做多啲

才真係知得唔得

爐温真係好準確、超鐘意佢

冧酒提子、核桃軟歐~

 

換咗新焗爐

當然急不及待玩吓喇

初初梗係佢玩我

多過我玩佢

賣相係唔靚仔

最緊要係巧食

冧酒提子、核桃軟歐

唔錯

嵐橋日本料理~

又係舊年年尾吃的

係咁㗎喇

都唔願更新

喺地下吃了第一次

再吃兩次都上咗去樓上居酒屋

共三次呢

係咪好好食

第一次係唔錯

再去吃又覺普通

只係揾唔到去邊到吃丼飯

咪是但咁囉

十二點開門

已上咗去喇。。

不過見佢哋做嘢

真係好似遊魂咁。。

可能未瞓醒

落order 時竟然間話一陣幫你

嗰個應該係經理嚟

真係O嘴

北海道丼

鮑魚什錦魚生丼

醋飯

我又唔係太鐘意

白飯反而更好

老公話佢愛喎。。

真係個人口味

茶碗蒸一般

吃罷

有兩客雪糕

一抹茶一紅荳

樓上居酒屋

唔係好大

卡位只見兩張

還有一層

未去過、唔知格局

今餐吃得最煩係隔離卡位兩女一男

嗰三條友講嘢又大聲

係未停過口嗰隻

不斷自吹自擂

都唔駛咁大聲㗎

又講去日去點叫乜嘢吃又飲乜酒

吹到幾大

唓！侍應端食物上枱時

咪又係叫餐

仲係叫最平嗰款

又唔見佢order 酒飲喎

所以我好Q憎呢啲人

吹唔緊要

唔騷擾人、我話之吖

我後面一男一女

同佢哋後面一男一女

係雅任雀無聲的

唔望根本唔知有人坐喺度吃嘢

三Pair 人就係比呢兩女一男煩到食之無味

杵屋 丼丼亭~

又係舊年年尾吃的

幾鐘意去呢間吃

今次喺下午茶時段

原來有呢啲選擇

真心唔錯

呢個不是下午茶餐

我還是選了午餐

又係揀番我鐘意吃的雜錦天婦羅定食

冷蕎麥麵

其實我都唔係太愛吃天婦羅

我只品嚐幾件便畀晒老公

蕎麥麵都太多

三份一又係歸老公所有

但唔知點解我鐘意點呢個

呢個就係下午茶餐喇

迷你丼茶定食

迷你醬油四式刺身丼

熱湯烏湯

唔太餓叫呢啲係相當唔錯的

呢間店都抵食