再嚟喇～冬冬～

 

上次做完烏冬
咁快又做
因做開包包
咪做埋‥
雖不會有彈牙口感
唔腌尖
ＯＫ喇‥
嫌三嫌四的
出外買啲靚嘅囉

300 g 粉得咁多咋‥

 

做過粗
今次試吓幼

例牌
過完冷河

有下文‥‥
餃子買的
下次 DIY 囉 (笑)
炒肉碎自己整的、好味道

原來 300 g 吃不晒呀
眼濶肚窄
嘥嘢呀‥掉咗 lu

again~ 打孖山食パン～

 

做開唔識停
就好似傻咗咁
一係唔做‥一做又做咗兩個
（畀人喇，食唔晒架）
兼做埋冬冬~

唉。。。當天好失暈呀
打爛隻碗同給焗爐燙傷
黑過乜‥
老公話係咁架喇　）））妳
又傻又論盡
唔抵可憐喎‥(泣)
哼！西人嚟

同一人所為
大小、高矮不一
好聽啲咪話
人手做梗係咁架喇
又唔係機器

哈‥這句話我 buy
幾好聽喎
唔＂銀＂耳

今次自己都算叫做滿意喇
同上次做法一樣
沒有預熱焗爐
二次發酵完，一野就隊入去
唔夠十分鐘
已很快標高了
頭頂始終難逃一刧‥燶咗少少(笑)
冇計吖‥爐細呀
做好啲
等我換咗爐先喇) ) )

真的‥
彈到不得了(笑)

二、三日依然回彈　））彈　））彈
彈你個頭

無端端多撻疤
點算吖
仲好鬼屎痛添～

無花果酵母種發酵完畢
隨時可開工喇‥　

 

半熟海綿蛋糕~

 

之前想整呢個糕糕好耐
擺低了又擱置一旁
最近巡經台灣 Carlo 一 blog
又俾佢挑起了條筋
一於跟‥跟‥跟
幾鐘意此女生
創作能力之高，又愛分享
雖然我不是時常做路人甲‥
只是記得就入去拜訪
她出版了幾本書
我只擁有兩本咋‥
不過不得不讚此書
人家啲內容充實，不同一般香港書可媲
教得清楚、仔細‥
(我很少讚人架)
初哥的
都能得心應手
不過最唔好意思
我不曾利用過她的食譜

喺日本都曾很流行此甜點

這個係第一次用她食譜(笑)
失禮晒
不要因為做到咁‥而影響人家的銷路
與她無關
只怪自己不自量力
學藝未精啫

超容易做
食譜跟 carlo 的

輕飄飄
只得 169g
掟人都唔會痛呀

170c 焗了16分鐘
可惜不流啊
失敗了
難度爐火太強
我會再試‥
等我

雖然我不太愛吃蜂蜜蛋糕
但‥這個比較軟綿濕潤、質感細膩、輕輕的
較易入口
雪過更加好吃

如做此糕
提意用可生食的日本蛋吧

日本蛋糕
就係做到這個流汁樣子
可惜我不曾吃過
唔係可以比較、比較

一樣係凹凹的
哦‥我都做得唔算差了(笑)

美村~

 

日本菜真係超愛吃
當然最好四圍試晒喇(笑)

環境很大
雖然唔似有日本 feel

但‥環境同坐得舒服
唔扣分
卡位好大張呀) ) )
還有另幾面的
廂房也有

睇清楚
大多係吉樽嚟

 

食日本菜
都係晏晝平啲

前菜
食食吓有兩個中年男仕座在我倆後面
其中一個聲量之大
簡直嚇人
你估係大排檔咩！
吹水唔好太多聲吖‥唔該
另他的朋友不是這樣的
迫人聽佢講埋啲垃圾
克人憎‥
想要求掉位
但‥環顧四周
都不能幸免
惟有作罷

 

魚生飯定食
侍者拎出嚟時隻碟大到吖‥

唔係淨隻碟大
內容都唔嘢少架
很足料
簡直係物超所值

 

魚生大至約有五六款
件件不是角切嗰啲
係正常size

每件超新鮮、好好味
好似食極都食唔晒咁，已畀了好多老公了
稍嫌飯較酸
唔係就完美喇
又想‥係極想去食過喇‥
令人回味再三

定食還有烏冬
只覺一般
還有後面嗰塊辣蘿蔔
侍者話可單點
約六十多元喎‥
又唔覺好食
少少辣、冇乜味

老公的寿司定食

枝豆、芝士蛋糕同好似係墨魚之類
還有麵豉湯同茶碗蒸
湯同蛋都失色
比起之前吃了四次的とん勝差
我都話好多店
呢間都算係名店嚟
唔願做好飲的味噌湯
求求其其便算
とん勝的豚汁真係好好喝的
茶碗蒸又係好香好滑
這間的味道麻麻
唔夠清香
太濃味了‥
不喜

但‥蛋糕就超正、又軟又滑
好像絹豆腐咁
細細件，真愈食愈滋味
like 爆

一樣有的烏冬

份量好少呀
唔夠飽喎

這個玉子又係好鬼好吃
唔太甜
有啲做得好鬼甜架‥

新鮮極點

還有鮑魚
不過唔夠飽呀‥我老公
我已經畀了好多魚生個佢囉喎
佢唔夠，我就超夠
還吃不晒添(笑)
佢話應該掉轉吃喎
唓！你自己揀嘅
又唔係人哋迫你吃

座落於尖咀富豪酒店商場內
下次再吃過
超正‥

山食パン~

一有多餘時間
個心就飛咗去整包包
話咗會再整吐司喇
上次做得實在太差勁

今次比上次好啲
還有好多進步空間
稍嫌底部燶咗啲
真要注意吓底火囉

偷了日本麵包、糕餅達人師
不需要預熱
發酵完可直接入爐
嘩！好鬼快標高呀‥
真係唔駛十分鐘
這方法真好

柔軟度唔駛講喇、煙韌有嚼勁
第二、三天還那麼軟熟同充滿彈力
真係‥係超彈嗰種呀
勁、正
下次再試睇吓係咪撞彩先

#####################

最近養了啲天然酵母
威力唔錯
不過還未用嚟做得包包

跟 "佐原文枝さん" 的方法做
浸好了無花果乾作酵母液
(無花果乾很勁呀，而且酒味較其他香)
第二部份加乳酪
睇吓泡泡幾咁強勁
只是日半咋
第三部份今日才開始
所以仲未可以做包囉‥

同時又養了士多啤梨
泡泡一樣咁強
而且都唔駛浸好多日啊！
就攪掂
現在喺雪柜覺覺豬
未必會再做下 part 了
可能到時又 p~p~痕啩‥(笑)
要睇情形
因家裏實在有太多、太多酵母等緊我
(每次開雪柜門、總見它們向我揮手、輕聲說句 come on)
又想做日本嗰啲先
唔想顧此失彼
太多心喇‥

又一証明
擁有得多、愈冇自由(笑)

一款三味~

 

諗自己三分鐘熱度
加上懶
點會鐘意很耐吖
有時真係世事無絕對
偏偏對佢又幾痴心一片喎
好事嚟架

一日做了三隻味道
對其他人嚟講可能很普通
但‥我不(笑)

加了黑、白芝麻~

黑芝麻粉、黑芝麻~
因越做越過癮同起勁囉
不能停下來(笑)

焗桑拿喇‥
在 26 度室温
沒有什麼工具輔助
用了 Panettone Mother Yeast
它的發酵威力很是驚人
好快已滿頂了

出爐後都很高呀‥

外型都幾靚仔得意吖
幾似皇冠
最好就係易做麻‥

賣相算唔錯喇
食譜同造型跟日本網站的
稍為改動些少
還有佢用速酵、我用 py ‥

唔係做了三個咩‥
點解得二個入鏡
咪喺晒個肚度囉）））））

這個造型真好
方便包裝
攪攪佢、絕不失禮
可送人了‥

用回那張烘焙紙
唔好嘥呀(笑)
幾環保

 因這個老公要求做的
送給佢的好同事一嗜喎
咦！係咪女同事嚟架
作屎呀‥

結果究竟用了 PY 好唔好呢
我只做了這三個
睇書話佢好適合做甜包
能做出香味、甜味、鬆軟包包
包肉很軟熟、好味
feedback 話好鬼好食喎
(唔知真定假，咁‥唔通話好難食咩，我明嘅)
不過以我咁奄尖，都話好食的
都唔似會講大話架(笑)
發酵能力很強
下次再做又睇吓會發現什麼喇

最近家裏攪到好多一樽二樽出現
老公見到搖頭
話我似拾荒者喎(笑)
佢唔知我攪乜鬼架
講佢又唔明
慳番啖氣好過‥
除咗浸天酵外
還浸了一些可飲的
下次再講吧！

烏冬冬~

有時幾鐘意玩吓做麵條
(唔鐘意都唔得喇，買咗機，你估想架)
朋友問需唔需要買麵條機呢﹖！
以前我會答梗係要喇‥下刪幾拾字
現在自己用過
可以大大聲同人講
無謂買喇
真係有幾何做吖
係貪得意同新鮮感才買下
真有少少悔意架‥

【擁有，係一種負擔、擁有得愈少愈自由】
愈嚟愈理解到這話的含意
擁有，又要嘥錢做成負擔‥
冇擁有到、咪唔駛做咁多嘢囉
自由自在、好不快活
所以真係做乜嘢前要三思啊！

當然用機會整齊啲
但‥人手做有佢優點
都唔差架
睇你鐘意喇
不過大多三分鐘熱度
見人有自己都要有
到時咪 pat 埋一面多
我諗冇人敢答我
唔會囉

大多見自己過完冷河便算
冇下文多

哈‥今次有喇
自家炒不會用很多油
這個是我在家煮嘢食的原則
我冇諗過佢係 udon 嚟
話就話做烏冬啫(跟書食譜)
形似食不似
冇彈牙口感喇
你估做烏冬只三、兩下功夫便是咩
咪玩喇‥
只覺佢係上海麵多
其實兩者好似樣
咪當佢係上海粗炒囉
一樣好味架
今次做了生姜燒同炒
好好味‥

芝士、朱古力卷~

近排係做密咗
有啲畀人的
有啲就自吃囉

 

這個造型
我又超迷的

 

肥肥短短
很是討人歡心

還是未啱心水
努力、加油吧！

芝士、朱古力粒粒
小朋友會很鐘意的‥
大朋友都接受
因唔太甜
希望下次再做好啲喇(笑)