士多啤梨天酵、塩麴、ホシノ天然酵母、星野生種吐司~

 

好耐以前做個提子天酵
只用過一次就冇繼續
而且都係依賴 HB 攪掂

今次這個係用'佐原文枝"一書所教的養酵
士多啤梨酵母做的
我簡直未試過用麵包機 po 相落 blog
因覺得樣子大多係咁
冇乜好 po 啦‥
現在都係咁諗
講來講去都係三幅被(笑)
又唔係自己做
只係HB 代勞
做到曉飛都冇用
不過‥話雖說回頭
佢喺我繁忙的歲月幫了我很大忙的
又要再次多謝它

幾好架，HB 有這個 mode
做出嚟效果絕不輸蝕人手做的
除非你係做包高手
否則‥就另作別論

最近一口氣睇了"佐原文枝"一書
真係一口氣睇晒整本呀
我好少可架
明白了一些養酵箇中道理
總算叫做有得著的

這個未養過
既然麵包機有這個功能
只要攪掂前半 part ，後 part 有佢代勞
都唔駛操心了
話咁快一日完成
幾咁靚仔
嘩！真係好鬼香酒味
比自己養的更香醇
我較愛聞這個味道啊！

這個用星野生種做的
好快攪掂
唔知係咪加了3.7牛奶做
完全感覺唔到有玄米香
(我見有人咁講咋)
應該係乜味都冇
只覺有奶香味
唔覺有乜特別喎
用機做包包、包肉特別多窿窿
同埋"好重""好墜手"的
嗱！做酵母包，有機用
唔駛點煩
懶人有 HB 多好呀！(笑)

這個乜酵種也沒有
只加了 "塩麴"代替塩
其實塩麴都算酵種嘅一類喇
都有發酵過架(笑)
我覺非常正
好鬼軟熟、口感唔錯
三、四天還很軟囉
不過就比較鬆散
未必人人鐘意

我鐘意咪得‥(笑)

都係用星野生種
人手做吓喇
學了"佐原文枝"書內啲 point
就寢時用包機搓麵糰同發酵
要四個鐘
係半夜三更嘅事
佢有佢發酵、我有我瞓
辛苦晒喇)))
完全不礙事
正到不得了呀！
就算包機完成工作
我都沒有理它
直至早上
才從包機拿出
嘩！發到豬頭咁‥
起初都驚會唔會發過龍
但因‥曾看過日本網友都以同樣方法做過
都唔理咁多
繼續做埋未完的工作

第二次發酵用了約八十五分鐘
出爐了
賣相係唔太好
唔知點解入爐後都唔係點長高的
惟有繼續努力吧
始終都係冇乜經驗(笑)