有個舊同事好鬼蠢
佢成日話自己係大嫂
所以屋企逄做時做節
男家親人都會去晒佢屋企開餐 (係佢自己一個人做晒喎)
飲飽食醉，曲終人散後，淨下一堆要清潔的碗筷
如果佢唔洗，佢兩個女都可能會幫忙
聽佢講過年時嗰幾日，做到隻積咁…
同埋煤氣費高達 $3000
幾令人咋舌啊！
我就話佢屋企人揾佢笨就真
但佢就話要做個好榜樣比其他人睇喎
咁…我話妳最後得出啲乜吖…
一身酸痛同冇晒啲 $$$$$ 囉！(笑)
屎蠢)))))) 乜依家仲有呢啲人咩…
某日走咗去呢度食午餐
都唔係第一次吃喇
覺唔錯，間唔中都會喺度開餐架
食極都唔厭
整得好入味的黃金蝦
最緊要新鮮啊！
啲咸蛋黃整到起晒沙架
正)))))
" 芝士龍蝦伊麵 "
賣相都唔錯，金金黃黃咁
原來只係隻龍蝦 OK 新鮮咋
個伊麵完全唔掂
仲一 pat 水咁又冇味喎
同埋都冇乜芝士味嘅
不過都叫好彩喇
隻龍蝦好食
唔係仲慘！！！
" 蒜茸蒸蟶子 "
上次食過豉汁唔錯
又試吓呢個
嘩！蒸得剛剛好
蟶子又大隻又唔韌
非常好味
粉絲又入晒味喎
" 豉汁蒸班頭 "
呢個都唔錯，係唔太入味
如果唔係仲正架
海鮮最緊要新鮮
呢度完全做得到
唔怪得成日都咁多人喇…
起碼每次去都冇乜令人失望吖)))))
今餐係個 " 芝士焗龍蝦伊麵 " 失手囉 ！！！
