真係熱到人都癲…
開冷氣未呀﹖
有冇聽過【屎】都可以嘆冷氣呢！
我個寶貝仔就係咁大方畀碌屎嘆喇…
佢一發脾四就會喺廳痾臭臭
有時佢自己又會被困厠所內 (原因不詳)
留下碌屎在廳中獨享
放工回家看見此情景，唔知好嬲或好笑了
認真激鬼屎呀！
自認教子無方…
但冇計！鬼叫佢喺我老闆嚟咩
哈哈
好喇！言歸正傳
唔好講埋啲咁嘅嘢喇
又要開爐焗焗焗
食譜係用 ほうじ茶(焙煎茶)的
咪自把自為
改用了伯爵茶 (我對這茶一般咋)
栗の涉皮煮又改了甘栗
因為冇吖嗎！﹖
話明要清倉，冇奶油再買喇
再買就變咗上倉囉喎
似唔似月餅呀 (笑)
自己冇把茶葉浸透
變咗沒有茶葉香味，嘥料啊
好彩甘栗都唔差，甜甜哋都唔錯
加上又減了糖
唔係實甜屎…
呢個我覺麻麻啫
我諗浸泡過嘅茶葉會散發到香氣會更好
可惜沒有做到這點
唔知用ほうじ茶會唔會好啲呢
下次都係諗諗跟原著吧！^^
