喺屋企煮得多你唔悶我都厭
心思思又想出外吃喇
呢間小廚都不知食過多少次了
味道紿終如一，加上用料高人幾班
實屬難得
所以咪一食再食
真係百食不厭…
" 豉油雞 "
用上新鮮雞
雞肉做得又滑又嫰，味道又正
真係每次必點的
" 生炒骨 "
酸甜恰到好處
不過…如要比較
我覺 " 咕嚕肉 " 還比這個要好呀！
" 魚湯雜菜煲 "
一向很怕出外叫這味餸
因大多煮得很難吃的
求求其其煮個雜菜便交功課
不過呢度每次叫都沒令人失望的
魚湯清甜唔腥
令到雜菜、粉絲很是入味
蝦乾又好味
加上又大大煲
正！
" 砂鍋魚頭煲 "
呢個同 " 薑蔥魚頭煲 " 都一樣必點的
魚頭新鮮好味
真係做到齒頰留香
唔信咪試吓囉
呃你把鬼咩！
不過唯一要彈係沒太多餸菜選擇
食來食去都係嗰幾味 (我覺)
可能係小廚關係，又加上舖仔細細啩
同埋每個餸不是一齊出的
變咗等完一個又一個
如好生意仲屎多幾錢重… (笑)
還有價錢比一般酒樓還要貴架！
