上次喺元朗食過好一般的 " 鵝髀 " 後
講過會再去食 " 清真惠記 " 的
話係 " 滷水蘿蔔 "
睇個樣就似係白烚蘿蔔喇
食落仲屎，冇味冇道、硬到筷子都篤唔穿
究竟乜嚟架
咁生就唔好拎出嚟賣喇
呃人架！
還是穩陣食番至愛 " 鴨髀 " 好喇
真係皮脆肉嫰
" 鴨 " 都可以做到這麼出色
同 " 燒鵝 " 有得揮啊！
不過唔係同元朗嗰間比喎
另一碟加了咖哩汁
撞鬼佢吖，冇講另上咖哩汁
竟然將咖哩淋在鴨髀上 (應該淋在飯面嗎)
攪到整隻髀啲皮腍晒
當然冇咁好味喇，嘥鬼晒呀！
其實燒臘同咖哩兩者係唔 match 的 (我哋認為)
咖哩搶晒鴨髀既味道
失色了很多啊！
以後真係要切記齋吃燒鴨飯好喇，唔好整色整水囉 (笑)
同唔好再叫啲把鬼滷水蘿蔔
(邊鬼個話好食的，自收兩件)
