wed 知道可放兩天假，便嗱嗱臨去旅行社睇吓有冇位過珠/澳，咁急係去到呢度喇
雖然一星期未夠去兩次有啲悶，冇辦法咪又嚟多個 round 囉
咁"冇奶油"留喺屋企咁戇居，當然一拍即合，心目中想住"皇冠"酒店，但咁貴諗吓好喇
次選係"利澳"，冇晒標準房被迫住豪華房喇，又要貴啲激鬼死
都唔明"利澳"咁 hit喎，每次想訂會好快滿
其實住"威尼斯人"都好抵，現在做梗推廣，不過要早預訂
星期四(30/8)係平日，都咁多人到澳門玩，除咗國內同胞還有好多港人
到達澳門入境處簡直人多到要排半粒鐘才可出閘
(澳門入境處做嘢好慢，香港比它更勝一籌)
應該多得"威尼斯人"唔少，有入住嘅有八卦嘅，乜心態都有，認真巴閉
Rio Hotel (日與夜)
lobby 好金碧輝煌，絕對唔型(簡約啱我口味啲)
我哋好好彩被 upgrade 咗一間套房，都唔知好 or 唔好喇，住一晚咋又唔係送咗比我
套房只係多咗一個洗手間同客廳，始終返到酒店都係入房瞓
喺客廳機會好少，作用不大
就算唔 upgrade ，我訂嗰間豪華房都唔差得去邊喎
搭 Turbo Jet 又係 upgrade 坐豪華位(來回都係)，有冇咁好彩呀
(其實同普通位分別唔大，只係靜啲啫)
攞$50出嚟加呢張 coupon$50就有$100泥碼用
房間就絕對合我心意
想睇多啲房間的情況，可睇以下的 video
