喺澳門的晚餐，已經預咗去邊度食喇，離開酒店便搭的到媽閣去
點知食店時間更改了，要夜少少才開舖
唯有在附近逛逛，反正去過咁多次澳門，都未行過媽閣一帶
媽閣廟，當天見有好多旅行圑到此一遊
一帶的景物
又行到去內港附近(如無記錯)
隻狗狗好識望鏡頭又好友善
嘩！真係殘舊不堪古老的建築物，還未作出遷拆
喺係澳門先可以見到呢啲咋
愛好這些的朋友，一定要嚟啊
啱晒作集體回憶
逛完一輪，就行到食店時，又畀我看見呢啲鐵籠樓喇
除咗喺"高雄"見過外，喺澳門都算多囉
佢哋唔覺危險咩，應該係毫無有呢方面意識
有時覺得好怪架，澳門係除咗賭場同酒店新式外，其他嘢好似戰前時代咁
真係幾怪雞的現象，總之係新舊好極端
一間其貎不揚的餐廳
座落於住宅區內，當天附近都幾靜，人影都唔多隻
店內的格局，面積唔大
相當平民化
有好多懷舊可樂樽作擺設，好啱呢方面的朋友
清熱菊花茶
(食物未到，都差唔多喝光，因又熱又口渴)
燒牛肋骨
(但係唔好食喎，完全唔入味，幾失望，"時運"好食過佢囉)
西洋焗蟹飯
老板娘話係用新鮮肉蟹放在經炒過啲飯上面蒸，而飯就盡吸蟹汁精華
真係非常美味，一定要食
因好大盤，兩個人係好難先食得晒
我哋食到要捧住個肚
炒雜菜
(炒得好入味，唔太油，有少量葡式臘腸)
芒菓布甸
(送的甜品，油麻地好味咋)
食飽飽，搭車到氹仔官也街去(即手信街)
夜喇，街上都唔係好多人，食店除外
買套票時旅行社送的 coupon，可換兩杯木糠雪糕，普普通通咋
其實上幾次嚟時，已經食過喇
行了一陣，後再乘車回酒店途中，喺葡京附近逛逛
五光十色的霓虹燈，非常耀眼漂亮
同食晚飯時看見的樓宇，簡直係兩個世界嚟呀
