早餐設在酒店頂樓，客人唔多，攞得舒服，坐得更舒服
(但…同利澳"比就多人到爆喇，又要排隊攞嘢食，坐得又迫好似搭位，最唔鐘意)
早餐來來去去都係一樣
沒有多大變化
只係攞咗呢啲咋，不過啲烏冬又炒得幾好食喎
check out 後
又諗食嘢喇，上次講過如再嚟珠海(冇諗過會快成咁啫)
必再度重臨"金悅軒"食過(絕冇食言)
"金悅軒"
它又喺座落於"犇"隔鄰，豪宅樓下
喺地下大堂登記攞位
登記處似足酒店 reception 嗰款(唔似話係中式酒樓老老土土)
禮貌又好，絕冇粗聲粗氣
大堂好大，等位時有椅畀你坐喺度等叫 no.
嘩…真係好快就有位喇
"知客"多到你都唔會信，人工真係平成咁，可以請咁多人做嘢
搭 lift 飲茶 lu
訂位都未必有咁好彩，只見近窗得呢張二人位，其他全部大枱
對住如此靚景(情侶南路)，係咪好"正"兼一流呀
食都食得開心
兩個人點了五個點心
搾菜义燒腸
(未食過用搾菜做餡嘅义燒腸，配搭得新鮮又幾好食)
(腸粉絕對唔厚，我見到厚嘅都咪駛旨意我會食，話知係唔駛錢呀)
蜜汁义燒包
(不過不失)
鮮豆漿油條
(幾鐘意佢由自已加糖，油條又夠脆)
花生燜鮮雞腳
(呢個我一定必食喇，又入味夠腍，上次都點咗兩份，"正")
椰汁燕窩鮮奶撻
(好普通，可以不食)
時間差唔多，又要埋單鬆人
拜拜"珠海"，拜拜"金悅軒"，好唔捨得個靚 view 呀
又要搭的到拱北往"澳門"喇
今次過關冇上次咁鬼多人
返到"澳門"已經係下午喇
我哋本應 book 咗六時搭船走架，但…又真係冇一次會依嗰段時間走人喎
一定會早走架
"澳門"你真係好鬼悶呀，我只係掛住你啲美食咋
行咗一陣八佰伴，途經碼頭又影吓相
(漁人碼頭好悶架，上幾次已去過，真係唔想再重覆去喇，咪攪我呀)
好鐘意條大橋
(唔知係澳氹定係友誼大橋喇)
船上好少人
侯補都有好多位剩，又 upgrade 咗坐樓上，更加靜上加靜喇
應該係早先至會少人返香港，夜啲實多人喇
喺船上影架
拜拜"澳門"
唔知今年會唔會又再去過呢
當寫到此，又睇番啲相，尤其啲美食相，好有衝動又想嚟多過 round
睇吓自己會幾時黐邊條線囉
