喺大陸唔敢去啲地方污糟同其貎不揚的食店開餐
好怕唔知會畀埋啲乜東東你食(好似係啲食剩餸頭餸尾或是死鷄之類)
咁就死火喇
去過有經驗，當然又揾番上次條路就包無撞板
食店座落於尚算高檔的住宅區內
對面就望到全海景
你住梗有冇這個咁"正"呀
(唔講你又知唔知係大陸嚟呢)
"犇"
(係一間唔落味精嘅炭火燒肉店)
環境優靜、情調唔錯、服務一流，似間潮 bar
唔講食物，淨食環境已好"煞食"喇
大陸就係呢樣嘢取勝
如果換轉喺香港有這樣的環境服務，所收的價錢又唔係咁計囉
喺大陸好怕影食物相，試過畀人話"不可以拍照"後
當我哋影時都會"畏首畏尾"架
個男侍應問我做乜影食物時，我答佢靚囉
總之真係好麻煩
侍應姐姐好殷勤的為我哋燒烤(好似食梗半殘廢餐咁)
你亦可自己燒啊
不過佢哋會"戙督企"喺你身邊巡視(好怕這個)
最慘係唔只一個，係一堆，咁至驚
係咪有畀人監視之感
燒烤網不斷的替你更換，仲有冇話說呢…
(係唔駛收錢)
韓式海鮮飯(都幾好味)
這個是由白飯轉為海鮮飯的，但又唔駛加收費用，又幾好喎
叫咗個二人套餐
諗住以為好似香港一樣喇(餐牌列出就有好多，但其實得好少)
點知一路食就一路有好多食物送到
除咗生蠔同腸仔及韓式海鮮飯係熟外
全部都要燒烤的
食物大至上普普通通，終規終矩喇，唔係太差架，食得過…
好窩心呀，怕你會熱氣
甜品就有"綠豆沙冰"(唔太甜又幾好味)
食完晚飯，又唔太夜
便過對面馬路行吓(好難先過到斑馬線，啲車唔肯停)
好似尖東海旁一帶
又可望到澳門對岸，晚上好多男女和一家大細逛蕩
這裏便是"情侶南路"
別出心裁的名字，好貼切、好浪漫
