食完午飯後
又要繼續一日遊既下半部
一望無際，很是舒服
原來呢位大叔搬住兩張櫈係為我哋而用架
都好耐未試過咁鬼老土囉
係要影團體相呀
我哋得嗰十二、三人駛鬼要用櫈坐咩
好似影結婚相咁
大家都你推我讓唔肯坐在櫈上
擾攘了一輪，才免為其難拍攝一張大合照
呢啲相片，在你離開登車時，會有人賣給你的
我哋都冇要，只有一 pair 人買咋
載帽嗰位姐姐
便是我們的導遊小姐了
"沖繩美 ら海水族館"
係一個以太陽、花卉和海洋為主題的公園
呢邊有海豚表演
又幾好喎，睇海豚表演係免費架
而睇以下呢個就要付費喇
未曾試過用手摸過呢啲生物
大大隻海星你掂過未呢！
愛給人拍照的"河豚"
最愛搶鏡
成條水蛇咁
唔知乜嚟呢！
魷魚！﹖
好肉酸呀
一條條咁郁郁吓
"水母"
好大條八爪魚標本
"黑潮の海"
最多人拍照的地方
有兩隻小 bb 伏在鯊魚背上游水
很是可愛
"航空母艦"
睇完後，又順路到手信店一遊
多人到不得了，都唔駛自己行
有很多日本學生見學啊！
佢哋買嘢絕不手軟架
同我哋呢啲遊客差好遠啊！
-------
又嚟到這部份睇海豚表演
免費的
如果唔睇上面嗰 part，齋睇呢個幾鬼抵
但一場嚟到，都沒有人會只揀呢個
加上咁遠…
表演同海洋公園差唔多
伸脷動作，相當鬼馬
cutie 嗎﹖！
同龜龜檢查、清潔
"海牛"
用個嘴貼住地瞓都得
咁鬼重都支撐到
其實到日本旅遊，都已睇過好幾個海洋館
個個差唔多，冇乜分別
到唔到過都唔覺可惜！
好 lu 夠鐘喇，要走
拜拜
乘車又要到下一個景點
"名護菠蘿園"
場內要經過呢個種植了很多"菠蘿"既地方
才可入場試食
"鳯梨田"
可以在此睇到菠蘿成長過程
入場
裏面有好多關於菠蘿既產品供試食
我覺"菠蘿汁"同"酒"唔錯，還有些蛋糕都可以
至於話嗰啲切開粒粒既"菠蘿粒"
完全唔好食，又酸又多渣
都唔好食嘅
好喇
有冇睇到呢架玩具菠蘿車，我哋要去玩喇
當然係真嗰啲
就係黃色嗰架喇
都冇人玩嘅，得我兩條友仔玩咋
唔駛自己揸架
全部電腦控制，但又睇唔到有路軌
約十分鐘車程，又玩完一圈了
呢個係要自費遊玩的
因時間唔多，玩完呢個已夠鐘歸隊
拜拜喇"菠蘿園"
呢度有好多嘢試食，愛食嘢既遊人最啱
試過才買，非常公道
不過唔係樣樣好食
都係嗰句喇，個人口味唔同！
還有菠蘿車乘坐，要自費的
坐過又冇乜特別喎！
想玩呢個記住要"奇數"日啊！
呢個係最後一站
一日遊在此結束了
我們要乘車回國際通或是那霸巴士總站
因旅遊巴士係唔會每個客人送至回酒店的…
