好耐冇去長洲逛囉
此地對我倆嚟講非常熟悉
景物依然，係唔係人面全非呢﹖
少少喇
為食嘅我倆最愛幫襯海鮮檔買一些海鮮給店舖烹煮
今次亦唔例外
"豉汁炒蟶子"
都算大隻
炒得入味非常
冇得頂啊！
可惜忘記叫白飯，唔係連汁都可撈埋
"薑蔥炒蟹"
這個亦是我最愛的食法
買了兩斤蟹整這味
夠食有餘囉
呢間店舖都算弄得不錯
只買了以上兩種，好似有意猶未盡之感
於是又再加了以下一個"二人海鮮餐"
諗番都幾鬼大食架
好多遊人都係叫呢個餐二人食咋
"椒鹽瀨尿蝦"
呢味又係我至愛
雖然蝦仔細細，完全冇影响味道
"粉絲蒜茸蒸扇貝"
嚿肉相當細粒，但味道又做得唔錯好食
"蒜茸炒芥蘭"
芥蘭炒得又嫰又綠又唔過火
呢餐唔錯架
其實個二人餐得咁少嘢，完全唔飽架
真係加埋我哋買嗰啲
才啱啱好啊！
