*為免做"羊生"、"羊太"
一早已訂了位
以此提早預祝吃聖誕餐了
雖然我倆並不算是它的 fans
(fans 係做到每樣鐘意，唔係齋 talk 架)
但偶爾也會去嘆吓 tea 又或是買一兩件心頭好的
法國大餐，係咪多嚿魚呢！
個菜名係囉，水蛇春咁長
睇食評彈多於讚，但…都慕名一試 (因未吃過晚餐)
店內環境在晚上燈光會較為幽暗，如全場滿座，就認真差勁
枱與枱之間差矩很少
講話大家都聽得一清二楚兼你眼望我眼
(作為吃晚餐係差架，如吃下午茶會較為可以)
一字形並排既餐枱，加上一張長長梳化櫈，又深又凹
食嘢時唔可以挨住座 (冇腰骨)
好似凌空咁，幾辛苦
唔明有啲人會話它環境好 (中計)
唔覺囉…
"agnes b le pain grille"
麵包唔好食
嗰兩粒唔記得係乜撻囉
都幾好
"牛肚、牛仔肉、豬腳肉凍配無花果菜沙律"
麻麻哋
"煙鯡魚拼醃三文魚配蘋果胡桃羅馬生菜沙律"
層層疊、睇唔到係乜嘢
睇下面吖
有三文魚、鯡魚
呢個好食過個"肉凍"少少，不過個"鯡魚"冇乜味
嘥氣．．．no good
"牛面頰配香焗薯蓉"
牛面頰 texture 細緻
一絲絲的唔韌、夠軟滑
算叫好吃
薯蓉夠香滑
"清煮龍脷柳配菠菜伴忌廉汁"
"龍脷柳"包住裏面有一隻"蝦毛"
兩樣食物完全沒有丁點兒味道，又腥喎，就算點了汁液亦然
呢個主菜，差到不堪
雪藏貨都唔係整到咁架…
"蘋果酒梳乎里"
味道怪怪，唔識形容
又一難食之作
我整得比他還要好吃啊！
"Mille Fueuilles"
拿破崙餅內裏有 custard cream
唔太甜好食
我最愛吃呢個
要奶茶就只給予一盅糖、兩壺茶
"奶"唔知去咗邊，問佢話要 request 喎
聽完都 "R" 頭
從未渴過只加糖的紅茶，哦！乜原來法國興呢家嘢
我哋大鄉里囉，唔知喎
妖！乜嘢餐廳嚟架，學人扮高級
fine dining 食到咁…
食物又唔係好食，服務唔太好，只是挾住個法國 b 仔名咋
又唔算乜嘢名牌
你估你係五、六星級咩﹖！
大半晚得幾枱客
咁嘅服務、同一般咁普通的食物質數
想留客，談何容易
(我諗除咗喺佢新開時吸引一班 fans 外，或是慕名一試)
不如去五星酒店食好過
曾幫襯過好幾間 b仔嘆 tea 架
那裏服務唔錯
難道只得呢間倒米！！！
想買一個細細的小手袋很久
(只是睇極都睇唔啱)
已看了數間專門店
啱嘅又三心兩意，不能作出決定
唯有遲些再算
回到家裏
竟然有
多謝另一半好有心
替我下這個訣擇
*靜雞雞講個祕密你聽
我又睇中另一個手袋了
不過唔會再買喇
呵呵！
