"玩"既時間特別快過，第五日了
亦都係只得大半天遊玩
去邊樹玩亦是在當天才決定
如何訣擇！
"水中觀光船"又冇興趣，只覺嘥氣兼嘥錢 (從沒諗過去)
一係去 Outlet Mall Ashibinaa
逛公司買嘢我梗鐘意架，但日本啲所謂 Outlet 都領教過喇
油麻哋鐘意逛啫
在衡量得失，最後都選了去世界遺產的"首里城"
歷史文化當然不是我杯茶
不過算喇，作為旅遊
咪當到此一遊囉…
增廣見聞
因到首里城搭單軌電車時間長
又剛剛坐正司機後面
梗係睇吓佢點操控列車
原來單軌車埋站時，睇落好似好牙煙咁
約半粒鐘車程已達"首里駅"
我哋冇再等其他巴士到首里城
只作散步形式慢慢細看沿途景物
不經不覺已到目的地
當日有許多學生見學
絡繹不絕
在"守禮之邦"門前
有一班穿著琉球服裝的女士供人拍照 (付費)
"守禮之邦"
照字面解都知乜意思喇
意謂"琉球係一個崇尚禮節的國家"
"歡會門"
首里城正門，歡迎中國皇帝的使者[冊封使]等訪客
別名[Amae 御門]
"瑞泉門"
瑞泉意為[吉祥之泉]，因門前的泉水[龍樋]而得名
別名[Hikawa 御門]
見大叔唔知乜嘢！
又走去八埋一份
原來有個龍頭流梗水
有乜用呢！
呢個叫"龍樋"係給國王一家享用的飲用水
就是這個"龍樋"了
"漏刻門"
前樓中有一水計時器，城門由此得名
別名[下轎門]，為了向國王表示敬意
身份高貴的官員在此下轎步行進入城內
"廣福門"
售票處在此
係首里城有好多"印"供遊客蓋的
睇你有冇本事逐一行勻啫
"奉神門"
呢個係通往 [御庭] 的最後一度城門
我哋亦行到此冇再入去喇
如果入去應該就係呢個"首里城正殿"
算喇，既然睇到悶
就咁拜拜 lu
一場去到，過門不入，咪好可惜囉！
點會可惜呢！何必迫自己做唔鐘意既事…
叻架喇，捱咗咁耐！
連洗手間都有"龍樋"
我同另一半都"心有零犀"，佢話知我一定會影呢個喎！
哼！又幾叻喎，咁…都畀你估到 (笑)
沿路離開，見大叔正在寫生
又畫得唔錯吖
喺沖繩會見有好多柑橘水，酸酸甜甜幾好飲
另一個味道怪怪的
一路行一路八吓
好快又行到車駅了
朋友問我，有冇多啲單軌電車睇
唔知呢個滿唔滿足到你的要求呢！﹖
兩卡列車在架空行駛
我覺像極玩具車啊…
因晨早去首里城關係
不是用了很多時間，當然又返國際通去
我唔係鐘意呀，只是 last day 囉，費事遠行喇
好多 shisa 物體
豬頭標誌
又幾得意喎
"Kewpie"
手信街千篇一律賣埋差唔多嘢
加上四日既晚上，畀你行都行到厭
都係一樣，遊遊蕩蕩
由街頭行到街尾，又由街尾行到街頭
橫街小巷
三越、OPA、Palette 通通行勻
都係悶到嘔電，沒有什麼睇頭啊！！
猿人頭 shisa 底底
有冇興趣買番條著呢！(笑)
狗狗衫都多的是
有啲似香港街市、赤柱等地
shisa 當然通街有售
"石敢當"
曾經講過唔係路牌
只是辟邪、擋災之用
而這個是豎立在三越百貨旁
