一日遊結速後，旅遊巴載我哋回程
話就話七時才到達國際通
點知比預期早
六點半左右已到了
我哋當然下車去揾嘢食喇
"琉球火鍋食堂"
呢間喺我地一早 plan 咗要去食架
一邊係 bar 位
見通常係一人坐多
而對面便是這個
我哋都係坐呢處
這裏還會播放沖繩民謠，幾好聽架
牆上嘅塗鴉
便是留有客人對食店的評價
我見香港朋友亦有大筆一揮啊！
"啤酒"
我喺沖繩算飲得最多喇
"紅豚 Agu"
一份真少得可憐，仲紙咁薄添
還有一碟大蔥
這個係一人份的散點
"鰹魚湯汁"
加埋大蔥非常美味
個湯底真係好鬼正呀…
冇呃你架
塊紅豚真係紙咁薄
拖兩拖已可入口
不過真係好食到不能用說話形容
加上湯底的美味
兩者配合得出奇好味
正到冇得頂！
"豬手鍋"
(沖繩人好愛吃的)
唔講…係唔係睇唔出乜東東呢
充滿骨膠原可令飢膚美麗
當然要吃喇
得兩大嚿咋
一人份量，還有豆腐和金菇等
都未食過咁滑不溜口嘅豬手
又入味又滑
連一向唔食皮的我，都一一把它吞掉
好味到不得了
兩個鍋的湯汁都給我倆喝清
咁鬼少，乜人都會唔飽喇，本想再 order 架
但…又畀我倆諗出啲鬼主意
所以都係見好就收
順帶一提，喺沖繩從未見過靚女
嚟呢間，個女侍應幾靚架
信我，冇點你！
又好食又有靚女睇
仲想點喎！
"琉球火鍋食堂"
拜拜喇，都應該冇機會再嚟架喇
因真係諗唔到乜理由會再到沖繩遊玩
就給我留下美好回憶吧！
------
因上一餐吃唔飽關係
又比我倆諗埋啲鬼主意
梗係喺第二間食過
睇吓個鐘都係八點半咋
第一餐只係啱啱食完，還未落隔
點解要食呢間，因揾料時，冇喇喇睇到一個"台灣網誌"介紹囉
話點好食喎，咪又信以為真
唉！睇唔到好過
食食吓，啲客都走晒
見大多都係台灣人去吃
"天婦羅湯烏冬"
呢個係一般湯底，雖冇乜特別
唔太難食，烏冬彈牙
天婦羅唔得
漿粉太厚喇，很難食
"天婦羅咖哩烏冬"
又瀨嘢喇，台灣嗰個網誌話呢個必食喎
啲咖哩又"杰"又唔好味
同"古奈屋"當然冇得比，死喇！我成日攞佢嚟做指標
所以往往失望！
不過呢個真係差架
攪到我都唔敢再叫咖哩添
早知係咁，喺"琉球火鍋"再 order 仲好呀
起碼好好食吖
咪睇佢嗰兩個烏冬咁款呀，唔平架！﹖
一信人講就瀨嘢…
激屎！！！
"千寿庵"
認住你、記住你呀
衰到死都唔好食嘅…
食唔到好過啊！
所以話呢，睇雜誌又或是某人話點好食…點好食
攪到自己都心思思想去食吓
食咗又點吖
有時食唔食到，都唔係損失架！
----------
呢間又係想食架，但每日要吃的實在太多
已冇晒 quota
今次…
"Hotto Motto"
一間連鎖快餐店
order 食物後，喺廚房會即整的
等數分鐘就可拎走
因當天太多外賣，我哋都等咗十多分鐘
還有嗰度係冇座位架
所以我哋係買番酒店吃
"單骨雞亦"
好味道
"烤牛肉弁当"
牛肉入味夠滑
正！
估唔到一間快餐店，水準都唔錯啊
加上唔貴
甜品
一晚嗰三粒鐘食咗三餐喇
依家睇番都覺恐怖，點可能咁食法，傻架咩！
但…當天完全唔覺喎
只知食唔飽，又想食埋已 plan 又冇可能食到嘅嘢咋
去旅行往往係失控的
