24/Mar/2008 (mon)
這個旅程是最後一天在東京了
當然要好好利用
一出酒店門口，已看見天色灰暗
每次去旅行都有一天是這個樣子的！
今次醒喇，有帶傘喺身，唔駛再為買而嘥錢
喺酒店附近車駅搭車到"上野"
又再到上野的目的，是欣賞櫻花，雖知還未是花期，但都要博一博
"一蘭"
早餐還未有著落，咪食個拉麵先囉
喺"九州"已食過(其實呢間已食過多次喇)
應該留番個 quota 比"康竜"才是，但…唔啱地方，只好作罷
我哋都好鐘意食這間拉麵店，絕對啱口味
比"無敵家"好味
食完拉麵
行去"上野恩賜公園"睇吓有冇櫻花睇先
時間還早，動物園還未開門營業
我哋已拜訪過，所以今次都唔會再去喇
好好彩，沒有令我哋失望，雖不是盛開，但…都好靚啊！！！
不是假日又是雨天，時間尚早，只有遊客居多
日本人棄置垃圾的垃圾箱，都分得好清楚仔細
識睇嘅就唔好亂咁丟喇！
有啲櫻花都開得很茂盛
當日見有些台灣旅人，竟不愛惜公物
影相時夾硬拉棵櫻花樹貼在自己的臉上拍照
你估真係"人比花嬌"咩
不知所謂，咁不愛惜花朵，比管理員看見實駡她們一頓啊！！！
另一邊得這兩棵桃紅色的櫻花樹
好靚呀！
一串串的花蕾還未開花
一束束的像極吊鐘花
非常漂亮
這棵"垂櫻"是最多人爭相拍照的
"垂櫻"整棵的便是這個樣子喇
當日落雨，又要担遮，又要影相，攪到相當狼狽，衣衫盡濕
我哋最失策就係沒有加衣，因前嗰兩天不是太凍，便諗都唔會凍啩
點知加上下雨，氣温跌至九度
冷得我倆"騰騰震"
看完初櫻後
又搭車到"原宿"，大多人每到東京必定會到此朝拜
不是假日，"竹下通"一樣係咁多人
中午已沒有下雨了，逛街稍為輕鬆多
"竹下通"街內都是迫得"水洩不通"
這張相是從食店影落嚟的
"スﾊﾟゲﾂテイ食堂"
喺東京好少會吃這些，今次在偶然機會吃了
竟然間相當唔錯，尤其個 pizza 好好味，意粉亦唔差架
少量的輕食，已很飽肚了，可能早上吃的拉麵還未落格啊！
下次再到日本，一定再試
離開"竹下通"
又朝向"裏原宿"一帶而行
只買了數件衫，其他又沒有啱心水
一味行行行，又逛吓"表參道"
名牌店居多，可惜我冇錢啫…
時間都好晏
我們便返回"新宿"
找地方吃我們的晚飯喇
"鳥良"
到東京都吃過好幾次，只是不同地區
一間間的個室，以用木條間隔
房間很是細少，這個只啱兩人而坐的
我哋好鐘意有的私隱，覺得很是安全舒服
食嘢都開心啲架
夾硬比的前菜
要額外畀錢架，唔平喎，最唔好咪這樣囉
"炸雞寿司"
這個是我在這間食店第一次點的
雞又入味，寿司飯又軟硬適中，是我最鐘意的
正呀…
"胡麻豆腐"
不是雪糕，但食時都極似
淡淡的味道，加上又滑滑，唔錯
我另一半就不喜歡喇，因沒有味道喎
"關東煮"
係我自己給它的這個名字
有蘿蔔、雞蛋、蒟蒻、牛肉碎等，睇個樣都知好入味喇
的而且確很是好味
"雞亦"
分辣、不辣，我覺辣較惹味
是店中的招牌貨，絕對唔肥，隻隻都很細少，是我所愛，必點的
嘆住啤酒，吃這道菜，很是滿足
可惜要回香港喇，唔係可 hea 夜啲，又可飲個夠啊！！！
認真正…
回酒店攞個行李
我哋冇揀坐 Limo bus 走，只選擇點樣嚟就點樣走
雖然沒有買太多嘢，但行李比起嚟時都相當重
所以走時搭車都相當輪盡兼辛苦
我哋都早小小到逹"羽田機場"，機場國際線很細
又有旅行圑一早已擺晒行李排隊，淨係過行李照 X-Ray 嗰關都好似"慢世摩王"咁
check in 攞個機票後，又再排隊入閘到人過 X-Ray
當然又係超慢喇，見到佢哋咁做嘢
絕對唔開胃架，當晚得一班機都咁鬼慢
多啲都唔知點算…
日本過關就係咁架喇，超討厭
搭乘"零時零分"日航機回香港
返到香港已是 tue 早上四時多鐘了，搭的士返歸沖過涼梳洗後
都沒有點瞓，又要起身換過衣服返工喇
好彩返工沒有做錯嘢咋，眼瞓到眼都睜唔開
叫我玩捱眼瞓就叻，返工就有啲難度喇…
雖然短短三日的旅程，都真係玩足三天架
絕沒有半點浪費，好過去五日多多聲
東京我自己就係多數去呢啲地方喇，來來去去都逛過無數次
但…還是百去不厭的
