23/Mar/2008 (sun)
因通宵機完全沒有瞓過後，又行咗足足一日，攰到屎呀
所以第一日特別好瞓，加上又沒有遠地方去，所以唔需要太早起身
可瞓到九點多鐘，超正…
早上搭車到"池袋"駅去
喺日本街頭有好多呢啲嘢架
見你同他影相，還擺晒 pose 讓你拍過夠
"無敵家"
咁早嚟"池袋"唔係要逛街買嘢，只係去食拉麵
我哋都排咗廿分鐘才可入去食
"本丸麵"
吃後都覺麻麻哋啫，可能這個不是我所好啩
"豪華麵"
我哋兩個同樣咁諗法，並不是我們喜愛的味道
食過就安樂晒，唔駛話每次嚟東京都冇去食，有啲失望
食完又如何，得出結果咪一般囉
有時真係食唔到，無需失望，未必係損失架…
嚿义燒真係好大舊又厚，好彩唔嚡咋
最正隻蛋，係糖心的
食完拉麵，喺"池袋"一帶逛逛
見冇乜啱心水，便離開，到下一駅"上野"
"atre"
在車駅隔離，裏面都有好多嘢行
喺"上野"已好多人喇，可能係星期日
上野像個乾濕貨街市，裏面差唔多乜嘢都有得賣
有平有貴，但這裏多數以賣平嘢取勝
有很多日本主婦到此買東西
這間"鉄火丼"
曾食過一次，我覺刺身不是太新鮮，又係以平取勝
有很多遊客同日本人幫襯架
睇你介唔介意食物比較粗糙囉，一分錢一分貨
裏面都有一些小販檔
這個是賣年糕的
機舖都好多架
"東尋坊"
樓高兩層，今次要上二樓吃，因太多人
嚟親上野，有好幾次都幫襯它
全部均一 136円，算好抵食喇
食物不過不失，尚算新鮮，師傅不斷整寿司放在迴轉帶上
每樣都好味道
一睇呢個名，好多港人都知架喇
買雜貨為主﹐乜都有得賣，價錢稍平
日本人同港、台遊客就最愛嚟這裏掃手信喇
喺日本做狗狗都應該幾幸福架
有私家車坐
日本人真係好愛動物
喺上野逛咗好耐喇，又逛吓附近的"多慶屋"，同超市一樣架
又係多人到插針都插唔入
嗰度差唔多全部日本人居多﹐好少見有香港同胞囉
行得咁辛苦，又買咗少少嘢，便搭車回酒店
我哋住間酒店要在東新宿駅下車
五分鐘路程便可行返酒店
放低嘢，又再次出發喇
喺東京會不時見到馬路上有很多靚車
新宿 My Lord 門口，時常見到有這個為狗狗籌募經費的 counter
這隻應該係大白熊，好大隻架，不過眼神有啲憂鬱，可能給人遺棄喇
佢任人撫摸，非常善良，你睇連小朋友都唔驚就知喇
百貨公司我就最鐘意行超市
尤其蛋糕店，賣相好吸引，好想全部食落肚
逛到夜喇，又係我哋食晚飯時間囉
"天ぷらつな八"
差唔多好夜至去食，因早去時見很多人排隊
點了兩個唔同款套餐
各款唔同調味鹽
各款天婦羅
應該唔係咁小嘢食架，唔知點解啲相冇咗幾張(可能食咗啩)
帶子幾好食，點鹽食會好味過用醬油
其實我覺幾漏架，雖然唔多
食一次算喇
我最鐘意呢個"天婦羅雪糕"
外脆內冷，唔知點樣炸架呢
搽果醬吃很是好味，很有新鮮感
吃完呢餐，店舖都差唔多收工喇，我哋都要走
又行吓呢間廿四小時營業嘅店舖
裏面乜鬼嘢都有得賣，食物、電器產品、名牌手袋、化粧品、三級 DVD 等
回酒店途中，都有呢間廿四小時店舖架
呢間好行好多，夠濶落
我比較愛逛這間多啲，因沒太多人，逛得舒服
宵夜實有架喇，莓大福唔好食…
