懷著一百分的心情到這間餐廳慶祝另一半旳生日
點解用一百分呢，因睇過各大食評，對這間餐廳評價相當之高，當然一試…
已預早一星期訂位，還指明要 window seat，餐廳亦在前一天與我聯絡，詢問是不是當天會出現
OK一切攪掂，準時到達，他竟然給一個 VIP 房我倆
便問他我訂了窗景喎，個經理話因當晚有人包埸，所以唔能夠安排，"頂"
confirm 時又唔早講，係咪玩嘢呀
嗱！這樣已扣了廿分喇(另一半已黑面了，相當掃興)
當我睇過人人讚的所謂靚景後(又扣廿分)，便接受他給我倆的座位
是一個金魚缸 VIP 房，裏面有兩張二人枱(很細小)，經理講當晚個房間是你倆了，沒有人打擾
又諗住都幾好喇，點知外面被人包場的來了九男女，上了年紀的人仕
他們嘈到我還以為自己踎梗大排檔
唯有叫服務生把玻璃門關上，但…隱約聽到笑聲、還大部份夾雜著普通話
服務生講我聽，名模"琦琦"亦是座上客，我見到喇，又唔係靚，關我鬼事咩…
浪…漫…當然欠奉，唯有自娛
以我的脾氣，咁樣的安排，一早走夾唔抖喇，因是他的生日，唔想再唔開心
(以這間餐廳的價位，我可以有好多選擇，尤其是在平日)
"a la umai"
法日餐廳
頭盤
"意大利巴馬火腿伴蜜瓜"
幾清新好味，咸咸的火腿伴以蜜瓜，唔錯
"招牌汁燴釀鴨胸肉"
這個很是好味，軟腍腍的，唔識點形容，正喇
沙律
"南非蠔、法國長蠔"
兩個唔同的，前者清甜，後者咸咸哋，非常新鮮
"什錦刺身沙律"
新鮮美味
"神戶和牛尾湯"
湯很濃很 creamy ，這個幾好
但又唔似食評的說很正斗喎
"法式小龍蝦湯"
這個完全唔掂呀，好腥啊！好彩龍蝦肉都算彈牙
主菜
"澳洲純種神戶牛﹝超嫩牛扒﹞"
本應唔係叫呢個的，問服務生她說呢個比貴啲嗰個還好食喎
我哋都有啲猶豫，冇奶油"貴"會冇"平"咁好食架，但都聽她說點了這個，要六成熟
好彩都唔錯，用刀切時有很多筋，但都夠腍，都幾好味
又可慳番百多元啊
"澳洲 360日穀飼牛西冷扒"
這個是我的，因怕見到有血水滲出，便叫了七成熟
當然又嚡又唔好食
唯有怪自己做乜愛那麼熟呢(係都冇理由唔好食啫)
嗱！這個藉口係我幫佢哋諗嚟打完場架
甜品
"蕃薯雪芭"
這個麻麻哋
"桃雪芭"
呢個夠清，好味道
晚餐只可揀甜品或餐飲
個經理話安排唔到窗位給我們，唔好意思喎！
送個餐飲給我們(好似好多謝你咁，呸！)
只叫了一杯架啡咋
整餐吃完後，完全沒有驚喜，未至於有啲人講到"驚為天人"
真係可能希望越大、失望越大
尤其係主菜，絕對唔係咁好食
咁嘅價錢，真係有好多選擇，還有嗰啲食評，究意係唔係自己人寫架…讚多過彈
又講埋個景吖，可能放煙花時會覺靚啲，但…平時絕對唔可以用靚嚟形容喎，只望到紅墜口同車景還有少量海景側囉
其實睇報紙介紹時，都幾愕然架，話個景好靚，嗰時我都"咦"佢囉，有幾靚呀！
再次祝您生日快樂、身體健康、心想事成
蛋糕非常好味
禮物好難買呀
其實呢啲差唔多每個人都有架喇，但…真係諗唔到，唯有兩隻一齊買晒去
我都算行貨囉，您唔好怪我
您鐘意戴邊隻都好喇
希望您真係鐘意啊！！！
