遇啱今日打風，見有時間就寫吓呢個網誌喇，唔係都唔知幾時先寫 lu
(自己又唔鐘意分幾個網誌出，嗱！一次過一個 blog 出晒去)
呢幾餐唔係一日就可以食晒，我都分咗幾日去九龍城才吃完呢幾間
點解突然心血來朝會走去九龍城食嘢呢！
其實好早期睇雜誌"蔡 san" 介紹九龍城熟食中心有一間叫"樂園"旳很是好味
又得他贈言寫"勝過鮑參肚翅"咁誇張，已想去試好耐，最近睇有線"肥谷"又介紹它
好…今次一定走去試試有幾咁巴閉
"樂園"
《勝過鮑參肚翅》可能"蔡 san "有錢食得太多好嘢喇，偶然吃吓咸魚青菜覺好好味，才品題這句話
我呢啲窮鬼時常吃這些，並不覺有幾咁好食幾咁特別
有得揀我寧願食"鮑參肚翅"囉
"奶茶"
唔夠香滑，像普通茶餐廳一樣
沒有別人稱讚那麼好飲吸引，中環"蘭香園"的絲襪奶茶好飲過佢多多聲
"紅豆冰"
唔太甜、紅豆夠腍大粒，這個唔錯
"沙嗲牛肉麵"
味道就幾好，但…啲牛肉又嚡又韌，有幾好食，把鬼喇
"豬扒麵"
嚿豬扒雖不算嚡，又唔覺好食喎，乾爭爭、招牌嚟架，都係咁…
我家附近間茶餐廳整的豬扒還好味
"碎牛肉多士"
多士又韌、牛肉味道怪怪的，完全唔係食開嗰啲味道
要我老遠嚟食你，真係好多茶餐廳都做到喇，最就腳的"翠華"已好食好多囉，駛鬼去咁遠揾你咩
嗱！係咪晒鬼氣吖
呢間又係喺熟食中心內的，裏面唔係好大
只得四間店舖，全部給這幾間佔有晒
"泰苑小食"
"冬蔭公"
我最鐘意的，味道做得恰到好處，唔太辣唔太酸
這個"正"
"牛肉湯粉"
這個好一般，但都算幾好食(加埋啲各樣醬料調味喎)
"青木瓜絲沙律"
這個最正，夠晒醒胃好味，有口感唔太辣
我最鐘意
"串燒沙嗲"
豬、牛、雞共十串，唔嚡又唔會乾爭爭，好味道
當日我哋除咗食泰菜外，又貪心喺隔離粥檔叫咗兩樣嘢食
"德記"
"碎牛肉粥"
又幾好味，粥底幾棉，吃後又不口渴
"义燒腸粉"
雖然即整，但就相當恐怖
啲皮又厚，已扣晒分，完全唔好兼唔想食
"清真牛肉館"
好多人介紹過話好鬼正架，當天去到又要排隊等位
咪外買佢的招牌貨"牛肉餅"
係就係咬開好多汁，但…真係唔覺好好食
一次、真係一次夠喇，完全、完全唔會諗會再去幫襯 lu
"合成糖水"
"蓮子腐竹雞蛋"
這個朋友話好味，最鐘意係它的蓮子，夠晒粉，一咬即化
"蓮子百合紅豆沙"
睇相係咪賣相唔靚呀，冇錯，食都係一般，最差係唔凍唔熱，只是微温，最怕是這樣的
我都係最欣賞它的蓮子，其他就好一般喇
"義香荳腐食品"
呢啲店舖真係賣少見少了，真係要喺舊區先會有
"凍豆腐花"
凍唔夠熱的好食，熱嘅會感受到佢滑溜口感，但凍就差一皮，雪得太久，變咗好死實
完全沒有一個"滑"字
"炸豆腐"
炸得過龍唔好食，完全唔得
係咪覺我好"奄尖"呢，我自己就唔覺喇
因好多人話"正"嗎，只係食過後得出結果是"強差人意"吧了！！！
他們是不是"言過其甚"呢﹖
失望當然有，但我諗都會繼續撞板的去揾食架
