11/03/07我們在北海道的第十一天

11/03(sun)→小樽→札幌→東横イン

 

今朝在酒店吃過冇乜嘢食既早餐後，便回房攞行李check out喇

小樽拜拜喇，如冇必要，我哋唔會再嚟架喇(因實在行過好多次，完全沒有新鮮感)

↑今天好凍，氣温得1.8度，間中落雪

我哋到達札幌時約11:20，便步行到酒店去，唔駛多講都知邊間hotel喇，放低行李，又出發lu

↑早餐沒有點食，已經好肚餓，當然要揾地方開餐喇

行去札幌市東区北9条十勝豚丼吃午飯(路程都幾遠)，好好彩唔駛等位，剛剛有二個位，我們叫了豚丼(炭火燒豬扒飯)，很是美味，肉質絕不嚡口，幾好食

食完飯，在附近逛了一間都幾大型既超市，可能那天是星期日的關係，好多一家大小、拖男帶女揸車來到shopping。食物部就最多人流連既地方，而且價錢絕不昻貴(還有特價添)，可惜我唔係住在這裏，當時真有一點兒衝動，想買啲餸菜回家烹調

(而我既同伴話鐘意做日本主婦喎，真係畀佢激死，冇嚟大志)

我哋在超市內都行了好耐，而隔離又有一間藥房，又係有好多平價嘢賣架(又買到嘢呀)

↑時間都好晏，便沿路行番去札幌駅，在附近一帶再逛

好耐冇好好行街街喇，今次仲唔行過夠，有冇買嘢，唔買嘢嗰個都唔係我嚟喇

喺Stellar Place買咗幾件衫，又行吓Paseo、同埋在香港已冇咗好耐既Daimaru大丸百貨，遊遊蕩蕩、上上落落行咗好耐

↑再行去Esta睇吓有冇新既電子產品，在音響部睇中套機，但咁大件好難拎番嚟，價錢唔係貴(香港當然冇得賣)，一諗起要手提就頭痛喇，就此作罷

那裏還有港人最愛既uniqlo

而我自己就最鐘意行Loft，嗰度有好多好新式的物品賣架，當然又有斬獲

唔記得係唔係在頂樓，有一間寵物店(竟然間可以在百貨公司內經營

)，售賣貓狗和用品，而且全冇異味的，售貨員見到貓狗大小二便會立即清理，而且清潔得好乾淨，做事勤快、絕不輕率，我諗這個便是冇味既原因之一喇！

香港會唔會創新先河，在百貨公司內同日本看齊呢﹖我諗都冇乜可能喇，如果啲異味攪到整間公司臭氣昏天，仲點會有人逛公司呀

(因港人做嘢輕率、是是旦旦，你睇吓有啲寵物店，未行入去已索到一股難聞既氣味)

，點會可以實行呀

↑到食三點三既時間，走去Esta十樓既拉麵共和國吃吧

↑去梅光軒食第一位既拉麵

↑店內可望到師傅煮麵既情形

↑唉…完全唔好食，連最容易整既餃子都唔好食，認真失敗

↑冇搭車，一路逛一路行，行到去狸小路一帶(那裏是港、台重災區，如果你思鄉病發的話，一定會不藥而癒啊)

，我又在藥店買了一些化妝品，外面又落了一陣雪

嗰度又有一間寵物店，門口擺了兩隻小型犬。嘩！真係好叻仔噃，瞓喺張發熱板上面，咁咪唔怕凍囉，香港有得賣嗎﹖裏面有好多狗隻售賣，好得意呀(我睇中咗兩隻)唉…

↑店內既狗狗

↑四周圍逛逛，乜都行一餐

又到晚餐時段喇，在高田屋攪掂

↑我哋叫了兩客蕎麥麵，好好食架，不過食食吓有啲反胃(可能係冬天既關係，食啲凍嘢有些少唔舒服，如果換轉在夏天就冇得頂喇)

↑最唔好食既串燒，特別係個雞肝有血水滲出(唔熟既)，幾咁恐怖(諗住睇電視美女廚房煮既嘢有唔熟啫，連做生意既居酒屋都係咁，你唔好話畀我聽，啲日本人係咁食法架，雖然知道佢哋愛食生嘢，但喱啲會有禽流感喎)

咪攪

食飽飽，再逛多一陣，便在便利店買了一些食物和飲料回酒店去

 

 Day 12

 

Hokkaido@ 1 2 3 4 5 6 7 8 9 10 11 12 13 14 15