10/03(sat)→小樽→小樽運河→堺町通→Authent Hotel
喱兩張相當然唔係我影架喇，我點會知醒
↑快到黎明(唔係講嗰個金句王)既時候
↑原來係咁靚既
↑梳洗後，便到餐廳吃早餐，有西式和日式選擇，幾好食。
回房再浸多一次温泉，便離開温泉酒店lu
酒店送迎車係會送到JR小樽駅的，但我哋唔係要離開小樽，而係到另一間下榻既酒店。載我們既司機是幫我們check out的哥哥(真係乜都要做埋，一腳踢)
係咪好服侍到冇得彈呢
↑今晚住既酒店係Authent Hotel
未到check in時間，冇得入房，將行李放下，又出去走走。
↑今日既天氣好好，只係7.3度咋，真係完全唔覺凍(如果喺香港已凍死)，都唔知點解既
↑小樽運河，最多人影相既地方
↑運河旁既拉車哥哥，但每次都見唔到有乜人幫襯，問路就多，究竟可唔可以揾到食呢(因在函館和奈良都見過，真係冇人坐的)。
↑運河對面便是出拔小路，裏面有好多間極細小既食店
↑11:30左右食今日既午餐，我哋就係喺出拔小路不遠處既和樂食迴轉壽司(嗱…唔駛獨沽一味去根室架)
↑水準唔錯，每樣都咁好食，三文魚湯好好飲，食得過架…離開時已見門外有好多人排隊等位喇
(因上年嚟時吃過旅遊書推介既政壽司，我真係唔覺得有幾咁好食，只係得個貴字囉)
↑沿途行過北一哨子、水晶館、K's Blowing，北菓樓、Letao一帶(行過晒，都冇乜好行)
↑手信店賣的物品
↑喱個hello kitty杯係就係好靚，而且絕對唔貴(仲可以又食又拎添)，但可惜我唔鐘意佢，上次冇買，今次亦都唔例外(就算買咗咪又係收收埋埋去，都係得個擺字)嘥氣…
↑後嚟我哋入咗去銀の鐘四号館，買入場券玩sir 冰梯(那條冰梯約有兩層樓咁長架，因冇心理準備，sir落去時你唔知會點，有些少胆怯架)，和感受一吓零下41度的氣温(唔會覺得凍，入場券包借風衣和手襪)，裏面除咗喱啲，有一啲花草和海產類被藏在冰塊內，還有一張雙人冰床，我都嘗試過瞓在上面，冇感覺架。可惜唔可以影相啫
入場費是780円一個人，睇就睇咗五分鐘左右(你可賴死唔走既)，sir咗一次冰梯，咁就玩完lu…
↑喺喱道行過馬路，就係我哋今次再嚟既目的
↑到海鳴樓做音…樂…盒喇
↑內裏有好多不同種類既音樂盒售賣
上年嚟時，曾應承過會親手做一個獨一無二既音樂盒給您，因沒有太多時間(藉口)，便隨便揀了一個現成的(其實都揀咗好耐架)，今次再嚟決不食言啊
↑淨係揀音樂芯(歌曲既旋律好好聽，歌名係 I Love You)，都揀咗好耐，跟住再挑選喜歡既飾物和款式，拿起放低都不下數十次，唉…真係好難揀架
雖然係我同伴一手一腳做晒(因我粗手粗腳、有破壞冇建設)，但…我都有畀意見喎，所以您唔可以嬲我架
其實當天都有好多日本男生在場內製作，絕不畀女生專美啊
↑送給我哋既摰愛……
您一定會喜歡架係咪
第五個目的又達到喇
↑離開海鳴樓
在冰淇淋店吃了六種味道既雪糕，唔好食既(講起雪糕，我好識食架)
↑沿路見到個伯伯拖住隻柴犬，佢真係唔怕凍，可能已經習慣晒囉(不過唔知點解佢頭耷耷、尾耷耷，好似好冇自信咁)
↑又行咗一輪，回音樂盒店攞番製成品
又係時候要開餐喇，晚餐在牛角吃燒烤(啲日本人真係好早食晚飯架)
在台北吃過一次，唔覺得好食，所以今次一定要在日本試吓有沒有分別，結果還是一樣，普普通通，反而我覺得牛角食堂還好食喎
喱個冷麵係最好味，食完燒烤再食佢…好正呀
↑再經番今朝既出拔小路，入夜lu
在街上途經有簷蓬頂既店舖，差啲畀跌落嚟的積雪打中(好大塊架)，好彩行慢一步啫，不然實要叫
↑夜晚既小樽運河
↑在車駅附近的一間超市，買了一些水果和飲料回酒店
35週年合味道紀念杯麵
↑買了一個青森蘋果和士多啤梨，叫酒店職員幫我們削皮切開，服務真係一流
而這個合味道又係好好食
↑房間內
唔好以為喱間冇温泉浸架，原來喺3/F附設蒸氣三温暖大浴場(要畀錢)架，不過套票包咗兩張coupon
浸完一輪，真係消除了整天既疲勞，好舒服啊！
Hokkaido@ 1 2 3 4 5 6 7 8 9 10 11 12 13 14 15
