08/03(thu)→函館→五稜郭→函館山夜景→東横イン
都唔知點解每朝早起身望出窗外，一定會落雪，真係好掃興
如果睇唔到，就冇機會喇，要等下次再嚟北海道 lu…
↑9:00出外吃早餐，在朝市附近既一花亭，梗係要食刺身丼喇，嚟到函館朝市冇理由唔食啩，
不過都係普普通通啫，難道函館朝市間間都係咁上下，失望啊…還是我挑剔呢
↑食完早餐，又要買一日市電乘車票喇，我哋今日會去五陵郭
↑在五陵郭公園駅下車，沿路而行又畀我見到小Q小姐，點解佢媽媽幫小Q著條咁薄既裙(冬天嚟喎)
↑步行約十分鐘，便到了五稜郭塔，我們會上塔頂的展望台
↑買過票後便乘電梯上展望台去
↑ 電梯內在黑暗處會浮現繪畫(記住留意)
↑土方歲三座像(我都唔知佢係乜誰)
↑從高處望下可清楚看見星形五稜郭公園(冬天就白茫茫一片)
↑五稜郭模擬圖
↑介紹戰爭既歷史(不過我都冇心機睇)
↑好似澳門的旅遊觀光塔一樣，有塊強化玻璃在地板上給你從高處往下望，不過…我唔敢睇架(畏高)
走時在商場內影吓相，睇吓souvenir有乜東東賣，hea吓，食吓雪糕，話咁快又一個上午喇。
係時候要返十字街再行過lu
↑乘市電到十字街下車，逛了一陣，做乜鬼又落起雪嚟，好乞人憎架，人哋今晚要睇夜景嗎﹖
又泡湯喇(唔係指浸温泉)，激死人
唔諗咁多，鬼死咁肚餓，去食午餐，食完至算。走咗去羊羊亭食成吉思汗烤羊肉，幾好食喎
↑喱餐晏都食咗好耐吓，外面又咁大雪，坐吓好過喇。
又翻炒吓明治館、西波止場、金森倉庫群一帶…
↑裏面賣既嘢，紫色snoopy幾cute，音樂盒等(又買咗少少嘢)
↑仲賣梗聖誕飾物，喱個熊 bear bear 聖誕樹幾得意
↑當然我一定唔會錯過逛既西波止場美術館，裏面有熊bear bear 睇架
↑在街上既貓貓(不是流浪)，真係好肥胖喎(好食好住掛)，你哋要減肥喇…唔知點解佢哋唔怕凍既，隻隻都綁住咗，冇得自由行lu
↑逛到咁上下，大概四時左右，我們便行上函館山去，一路沿途望上去，幾大霧，點會睇到夜景，真係要打定輸數喇…
↑不過唔理得咁多，得番今晚，都要博一博。個售票姊姊講番同樣既說話，我哋都冇理佢咁多，照買票乘纜車去(最驚佢連車都停開啫)，你照開車我咪搭囉。
↑去到山上，原來都有好多人，同我哋一樣(望天打卦)。
揾到個有利位置，坐低等運到，你睇吓影既相有幾大雪大霧，根本真係乜都睇唔清架
而旅行團一車車的上到山頂(真係好多人架)，無非又係期代這刻的來臨，真係唔好令我哋失望好喎…
↑
↑太…陽…出…來…了
↑真係天助我也，不往我哋坐在咁耐(兩個鐘有多)，簡直腰酸背痛。
終於睇到函館山既夜景喇，世界三大夜景之一，你話靚唔靚呢，不作評論
好彩終於睇到函館夜景兼影埋相(雖然影得唔係好靚)
走時又再落大雪，你話我哋咪好好彩呢(遊人都斷斷續續離開)
↑有時諗起都好醜怪，連香港都係世界三大夜景之一，自己都未去睇過，竟然間山長水遠走去人哋度睇，自己既近在眼前就唔吼…真係好衰
返到嚟香港，終於的起心肝走咗去山頂睇咗夜景喇，上面嗰張就係喇(那天都好大霧)
究竟係函館夜景靚還是香港夜景靚呢
↑嗱…第四個目的又達到喇
跟住梗係鬆人走去揾食喇，又要搭市電去番今朝五稜郭公園駅下車，今晚既晩餐就在開陽亭居酒屋吃，我最欣賞就係個新鮮劏既魷魚，因從未食過活魷魚刺身，放落口真係cho cho 聲呀，絕唔會韌，好爽脆，一個字形容【正】
↑仲有喱個牡丹蝦刺身兩食，個蝦身還郁梗架，而個蝦頭代你吃完便攞嚟炸，又係好好食
↑飲飽食醉，又要回酒店休息。
今朝已買了生菓，唔駛多講，梗係好好食喇…
Hokkaido@ 1 2 3 4 5 6 7 8 9 10 11 12 13 14 15
