07/03/07我們在北海道的第七天

07/03(wed)→函館→西波止場→函館山→東横イン

 

今天唔知醒，想睇吓日出(唔知睇唔睇到呢)。冇辦法啦，只好走去浸温泉，嘩…做乜咁大雪架。咦…一路浸、一路D雪不斷飄入嚟，嗰種 feel 簡直非筆墨形容，正到痺呀！

不過真係好凍，只可以露出塊面，唔係實凍死。

↑浸完温泉，去吃早餐啦，都幾豐富，但當然唔係樣樣啱食。人唔係太多，環境又靜好舒服。

吃完又再浸多一次先走人啊！今日浸個 feel 真係好正，冇得頂

。下次再嚟過啦！

↑離開酒店，沿途行去電車駅，雪又唔係落得好大啦！在一間住宅的門口見到隻黑貓，點解唔畀佢入屋既，外面好凍喎，但又好似唔覺得牠怕凍既，我發覺北海道D貓隻隻都好肥。(好慘啫！冇得入屋)

↑早餐食得麻麻哋，路經喱間拉麵店，便走咗入去食啦，叫咗兩個正塩拉麵，普普通通啦，又唔可以話佢唔好食喎，只不過唔啱我想要既口味啫(即係唔係我杯可樂囉)！

↑睇吓幾咁大風雪，好似打梗十號風球咁。我哋就在此處乘市電

↑在車上買既一日市電乘車票(可一日無限任搭)

↑返酒店途中~~唉！落咁大雪…在雪地拖住件行李真係行得好辛…苦…啊…

↑今晩住宿既酒店又係東横イン，佢哋間間酒店都一模一樣架，大至上都冇乜分別…

↑放低行李，便在函館朝市逛逛，它就在酒店隔離，真係好近喎。吊魷魚位置

↑午餐就在きくよ食堂吃的刺身丼(帶子、海膽、蝦、魷魚)點了兩碗一樣共四種刺身，不過不失啦，又未至於話好好食喎！

↑再乘市電到十字街下車，D雪又再次落得好大啦，簡直係橫風橫雪兜口兜面打埋嚟嗰隻，好鬼死痛呀，行一步退三步，條路行極都好似行唔完咁，好辛苦啊！真係要戴番個飛虎隊頭笠加潛水鏡兼有水撥既，先可以應付得來啊！

↑咁大風大雪，梗係入去避一避兼食吓嘢啦

。

Lucky Pierrot 在西波止場附近的小食店，炸雞肉漢堡包(甜甜酸酸)好似京都骨咁，又幾好食喎

↑

喱間在 Lucky Pierrot 隔離，豚肉雞飯(即叫即燒)，都 OK 架

↑為食完後

，在西波止場一帶逛逛，手信店賣既嘢差唔多全部一樣。

4:30左右行上去函館山，當然係去睇世界三大夜景之一啦，可惜去到纜車駅，售票員話因大風雪可能看不見夜景喎，問我們仲買唔買車票，好鬼死老實呀，畀著香港就話之你啦。我們商量過後，決定唔買改在第二天，不過真係要聽天由命囉

。唔通一場嚟到都同你冇緣

！

冇辦法啦，人算不如天算，又唔係人為，就睇吓明天點再算吧！喱D咪叫做望天打卦囉

。亦都係我哋唔想落雪既原因，因好多行程受阻或要取消架！

原斜路行落山，地上非常跣，真係一步一驚心，不時聽到馬路上汽車發出煞車聲(跣呔)聽到心都寒，不要發生意外啊

！喱樣就係我哋唔敢在冬天雪地自駕遊既原因

↑晚餐本應唔係食喱間，因實在太大風雪啦，唔想行太遠，我哋就揀咗在酒店附近吃吧。真係食唔食都罷，不知所謂，又貴又唔好食(仲差過百x)，尤其是舊飽魚(最貴)咬唔開既，好似個硬殼一樣，有冇攪錯呀，問佢哋啦，佢竟然間話係咁喎你食唔慣啫！

諗住一間在朝市內的壽司店，應該唔差到那裏，D刺身唔夠新鮮、質素竟然間差成咁，真係貼錢買難受

↑食到一肚氣，都要返酒店架，好彩之前買了一D零食啫，個芝士蛋糕又係好好食架，喱個唔係上次嗰隻啦！

係另外一隻嚟架！

 

Day 8

 

Hokkaido@ 1 2 3 4 5 6 7 8 9 10 11 12 13 14 15