05/03(mon) →旭川→札幌→登別→温泉街→地獄谷→まほろば
今天起床時，打開窗望出去又落着好密既雪啦！
今日會離開旭川，唔知係唔係浸過兩天温泉，昨天冇得浸，有些少唔自在啊
↑東横イン 的早餐，只得六種飯團和麵豉湯可選，啡、茶任飲。
前面兩款飯團很是好味，雖然唔豐富，但我覺得OK
↑好快食完早餐，便回房攞行李到大堂 check out~~bye
離開酒店，好彩雪沒有咁大啫。我們會乘9:00 JR到札幌去。10:20已到達札幌駅，嘩…攪乜鬼喱度唔落雪竟然落起雨嚟，唉！如果有得揀梗係揀落雪好過啦。
我們便在地下街行吓啦，地下街真係好似八陣圖一樣，其實已行過好多次啦，唔知點解行極都唔知行咗去邊，唔理三七廿一，揾食要緊。
↑終於揀咗 The 丼 喱間，在 Esta 地下街內，豬扒飯加烏冬和海老飯，真係幾好味，由其是炸蝦，全沒有腥味又新鮮，不過最緊要係又平又好味嗎﹖
↑又在地下街四圍行啦，畀我見到拉布拉多犬小Q喎，原來牠在接受訓練中，訓練員帶牠在麵包店買包包，畀錢時牠在訓練員身邊，雖然見到牠百無聊頼，唔知想點，但牠真是很乖巧。
(不過……個人認為唔應該有導盲犬，這對牠好不公平，在牠細個時冇得像其牠小狗般享受童年既快樂，要不斷接受訓練訓練，待老時才能退役，餘生所剩無幾，我覺得要咁樣過佢既一生好悲慘囉！其實牠亦都雖要人們照顧和愛鍚的，但你亦可以話佢既一生~活得精采，我唔苟同囉)
都行咗好耐地下街，便走番上路面睇吓乜情況，雨勢越嚟越大，只好繼續行街啦，又去咗大丸、Esta、Stellar place行lu。
待雨勢停下，我們便行去薄野搭乘送迎車到今晚住既温泉酒店まほろば
↑我們在送迎既地方向職員報到後，她給了我們早、晚餐coupon，乜唔係在酒店先畀架咩。除咗我倆還有兩對港人男女。都唔知點解平日都咁多日本人到温泉遊玩，起初諗以為好靜，又會錯意啦…
嘩！在乘車途中，又開始落雨啦，今日真是天不造美了…當就到達登別時雨勢仲落得大，唉！都唔知點算…
唔知點解D温泉酒店多數都好古老架，不過我們住喱間都有好耐吓囉，點解唔裝修吓呢！
喱間號稱全日本最大多温泉池喎
↑其實三點多鐘已到酒店，可惜不斷落雨。
冇理由咁早困在酒店唔出外逛逛喎，於是我們便拿了雨傘逛一吓温泉街啦，真係諗都諗唔到，門口的積雪加上雨水把地上形成一個個陷阱，當你踩落去時，你唔知道係深不可測，弄到整對鞋襪都濕透，我們死不服氣，一而再、再而三先可以行出去，才可行到温泉街走走，不過真係冇乜好行架，全部都係賣手信地方，而且當天好靜，可能落雨卦！
沿途向地獄谷方向行去，因雨實在太大而地上又太跣，都係唔行啦，回酒店吃自助餐吧，真係激死人
↑酒店今日真係有好多人呀，尤其是港人，唔知仲以為自己在香港，認真冇癮、冇癮呀
食物普通，不過冇乜胃口，好快回房啦。
跟住梗係去浸温泉，全部有卅一個池，男女平分一半，而女湯有十六個，唔係講笑，我真係浸晒十六個池架，還有個戶外池，以為在外面浸好正啦，點知浸浸吓，抬頭一望，唔係嘛…嘛
下次有機會再嚟，我唔會揀喱間，除咗喱個原因，還有太多港人啦…
Hokkaido@ 1 2 3 4 5 6 7 8 9 10 11 12 13 14 15
