04/03(sun)→層雲峽→旭川→旭山動物園→東横イン
昨天影既相，今日大有用途，因為今天我們離開酒店時，他們一模一樣咁送別我們架，真係令人有賓至如歸之感啊
↑吃過早餐，回房攞行李 check out啦。今天早上有落小雪。
我們乘搭10:00送迎車回旭川去，走時酒店員工在外面排成一整列，向着車子內的客人送別。他們的工作熱忱和禮貌
↑車子在離開酒店的途中，天氣開始好啦。希望唔好再落雪啦…
↑個半鐘的車程便到達旭川車駅，我們便攞行李落車lu
↑我們拿着行李，行了不到十分鐘便到了今晚住宿的東横イン
這間酒店聽就聽得多，住就首次，起初以為是 cheap cheap 酒店，都唔敢有乜嘢期望架，哈…竟然間又好企理乾淨，咁就好抵住啦…
↑把行李放下，便行去車駅乘車到動物園去，好彩唔係好多人排隊(因今天是星期日)，上車當然有位座，不然便要全程企足40分鐘了。
其實旭山動物園我們已去過啦，今次去既目的，便是睇企鵝巡遊囉，因上次時間唔啱而miss咗，所以今次一定要補番數呀
↑入場行無幾耐便是企鵝館，出巡的地方亦在附近
↑上次嚟時，冇見到有獅子BB，今次竟然見到牠們一家三口的家庭樂。
那個小BB真係好攪笑架
↑一pat嘢都唔知係乜，原來係雪豹在籠上瞓覺覺豬
↑動物園都係來來去去有喱D老虎、黑豹、熊bear bear
↑最攪嘢就係喱班馬騮仔，牠們亙相捉蝨，連pat pat都唔放過架
↑嗱…咪就係為咗佢哋要再次嚟囉…
↑行起路來論論盡盡，又真係幾過癮cute既
我們因遲咗去霸有利位置，都驚影唔到相架
↑睇吓企鵝行catwalk
↑睇完企鵝行cat walk，我們便離開動物園乘車回旭川去。
午餐都未食，個肚餓到咕咕聲，拿臨走去揾嘢食啦，好…就試吓旭川出名既拉麵，睇吓有幾好食。
就去咗一蔵吃蔥拉麵，都幾好食喎，另外一個义燒拉麵話麻麻哋喎，而煎餃子又唔錯喎
↑食完嘢，當然去shopping啦，都唔知係咪住咗兩日郊區，好似餓咗好耐冇行街街咁，發咗癲咁，乜都行一餐(可惜真係冇乜好行，而且上次嚟已行過晒)。
我們在買物公園街閒逛啦，其實街上唔係太多人，當天氣温-2度，真係覺得好凍。快快走入百貨公司行好過，那裏只得幾間公司(丸井今井、Seibu、Exc 和在車駅旁的 Esta)，完全唔啱行，反而在Seibu的書店內打了好耐書釘，買了數本書，跟住在樓下超市買了超細粒提子(唔見有大粒巨峰)、柑和零食、士多啤梨唔靚冇買。
↑行到六點多鐘，好攰啦…返酒店攞鎖匙、行李上房，攤抖一陣好掛。
原來酒店晩餐有咖哩飯供應的，我們便拿了一個嚟食，又幾好食喎，雖然沒有什麼肉，但唔駛錢仲想點喎，做人唔好咁貪心
↑試食完畢，我們便出外逛逛，因今晚完全冇諗過去那裏吃晚飯，諗住行到邊便食到邊，我哋行到一條街，有好多餐廳，但唔知去邊間好，見有一間門口張貼觀光案內所推薦的，便去了喱間cocos了，點了燒羊肉，但唔似燒，我覺得似烚多D，完全唔好食，冇嚟鑊氣，嗱…又嘥錢啦
↑散了一陣步，但實在太凍啦，便回酒店沖涼休息。
食吓今日買既生菓，提子雖然細粒咗D，但又幾好食喎(咪即係細碼巨峰)、個柑好甜但好貴。
係時侯執吓行李，預備明天的行程
(由旅程的第二天已開始倒數，仲有幾多天要回香港呢，唔想走呀)
Hokkaido@ 1 2 3 4 5 6 7 8 9 10 11 12 13 14 15
