01/03/07我們在北海道的第一天

01.03(thu)→香港→札幌→keio plaza hotel

 

今天乘CX 9:45到札幌。在國泰假期訂機票時已劃了座位，所以都唔駛太早到達。攞了機票便入閘了，又要吃大家樂，諗起都唔開胃！

↑上面是摘自01.03.07經濟日報的，因看完很有同感啊！

而我們在電話訂票交錢時那位CX小姐問我劃唔劃定位，我話好呀，她問我想坐那裏(個心當然想坐頭等)講笑啫！想坐二人位就要揀最尾了，她已提醒會好嘈和有旅行團，但自己又一意孤行，諗好過三人一行啩！點知就衰咗啦！那天航機上不太滿座，諗住好開心啦，後來嚟了一班人(有男有女)年齡介乎三四十歲，嘩！他們鬼死咁嘈

，簡真好似街市一樣，那個男人將行李放上機艙，自已頭頂放滿咗，就放在我同伴座位既頭頂上，唉！咁多位唔放，咁都冇所謂，但他那個背囊條帶不斷在你頭上fing 嚟 fing 去，又攞嚟攞去不下三數次，我哋已好脾氣，冇出過半句聲，比著第二個一定同佢嘈，你話幾不知所謂，完全冇禮貎，不顧他人

！

後嚟佢哋另一對朋友上機，座在中間四人位，兩個人座四個位，已經好好啦，點知佢兩公婆唔座自己的座位，座我哋前面的三座位，因是window seat，那個男一座低即拉低將凳(

最僧人喱個動作，個位距離已經夠窄，仲要咁做)，係咪要人以牙還牙，學佢咁做呢(其實做人識易地而處，會減少好多爭拗)！

當派小點時他都未有意識拉起張凳，點知就出事啦，空姐派完花生和汽水給我們後，便輪到他們，他衰到杯汽水倒瀉在身上，仲不斷在凳上un來un去，差D攪到我杯汽水都倒瀉，真係火都嚟埋

，仲駛同D衰人客氣，我咪拍佢囉，大佬你唔好un 來un 去啦，你濕好啦唔好累人陪你呀！唉…喱D都唔知係乜嘢衰人嚟架

最後我們拿臨座去第二度，佢自己咁大個人應該知衰D乜啦！我話過以後唔會再揀最後機艙位座！

↑3:15落機，攞了行李，又要排隊過關，幾條隊都見到D關員檢查得好犀利，將行李翻箱倒篋，到我哋時，竟然間乜到冇做過喎，淨係攞本護照揭來揭去，問都冇問一句，真係少見

，好容易就出閘啦！買了車票，便上車到札榥去。

↑在車上沿途的風景，嘩！日落好靚呀！

↑三十六分鐘車程，好快到達札幌，今天的氣温得1度，真係好凍呀！今日已夠黑仔啦，在機上已遇到D衰人

。

而在到達酒店途中又跣倒，真係四腳朝天撻在地上，手腳都損晒流血，好鬼死痛

，黑仔到痺！

 

↑今晚住番上一次既酒店 keio plaza hotel，好大好舒服，揀佢貪佢近車站，但就好多港台旅行團囉

！

↑放低行李，便出外買今晚甜品宵夜，旦糕好靚喎

。買完將旦糕拿臨拎番酒店。又要再次出發啦。

↑到Twinkle plaza買定hokkaido rail pass(5 days)兼劃埋位，車費真係好昻貴…

如果唔買pass仲攞胆(但都要計吓對你的旅程有冇着數和需要才購買)

↑沿途經大通公園，時計台、電視塔，竟然間有足湯…好想浸但冇毛巾抺腳、點攪噃…

↑行了一陣化妝品店，冇買嘢呀！街上好靜，又凍…

↑校服look好型喎

↑狸小路都好靜，可能是平日的關係，所以比較少人，100yen店

↑今晚揾定温泉酒店送迎的地方，便走去食晚餐，食湯咖哩，一個是雜菜雞、另一個是雞，其實好似差唔多，只係多咗少少菜啫，但價錢就唔同喎，味道ok

，不過有些漏…

↑記住攞番本書，除咗喱本，有D書都有好多coupon，我都搣唔少嚟用

↑今晚的甜品宵夜，其實我唔係太愛甜品，但見到太靚，又忍唔住手買了，右上角的芝士tart，在大阪吃過，又在北海道重遇，好食唔太甜，下面有兩個是C cup &一個 F cup，食咗會唔會變咗…嘻嘻

夜啦要瞓

，好攰啊

，明天要搬酒店，又要執行李，拜拜！

 

Day 2

 

Hokkaido@ 1 2 3 4 5 6 7 8 9 10 11 12 13 14 15