03/03(sat)→層雲峽→黑岳高空纜車→大雪山公園→冬之花火→朝陽亭
第一晚浸過温泉後特別好瞓，不過室內的暖氣令人覺得好悶熱，可惜是沒有得調較。
梳洗後便去吃早餐，餐廳好多人，但食物不是我喜愛，是是旦旦吃完，便返房間去了！唔好誤會…唔係執拾行李走人啊！因今晚會放煙花，又想去埋黑岳，所以今天我們會再住多一晚才離開(星期六住温泉酒店是比較昻貴的
↑穿了外衣和著了鞋墊，便離開酒店，在酒店門口有一個公園，你會見到有D野生鹿在覓食。好可憐啊！因為根本沒有東西好吃，只見牠們不斷咬樹皮充飢…
↑在酒店對面有一間大雪酒店的門口，有幾個得意的冰雕
↑沿酒店行落山，地上非常濕滑，如果冇鞋墊我絕對唔敢行的，風景好靚，加上白茫茫的雪，襯托得如詩如畫…
↑河流竟沒有結冰喎，看見有過男生由山上滑下來
↑終於行到大雪山層雲峽乘纜車到黑岳的地方，買過車票便往山頂去，車程約七分鐘，車費好貴吓喎…
↑這是在車廂中從高處影落嚟的，好高呀，但又唔覺驚喎，纜車非常定，風景好靚
↑七分鐘的車程好快便到了黑岳五合目，全個地方被白雪覆蓋，好似一個銀白世界
↑黑岳駅內有一個展望台，從高處望下，整個景象盡入眼簾、一望無際…
↑嘩！真係好靚吓喎，好似仙景一樣…
↑黑岳五合目的高度是1.320m，不過…我都唔知係幾高
↑可惜見唔到 Helen(北狐)
↑一路向上行，就係大雪山黑岳五合目
↑沿途又見到有人滑雪，可惜我唔識滑，右上角喱一對夫婦，他們年紀都有六十多歲，還這麼活潑，玩這個玩意，好佩服他們的魄力，如果我到了這個年紀，好似他們一樣就好啦…
↑好啦！時間差唔多啦，都用了個多鐘在黑岳了，又要回程返酒店，因已book咗午餐，已經遲到了。
如果唔係訂咗午餐，我們點會咁快鬆人呀，起碼睇多一陣人滑雪，又話唔定會見到 Helen呢！?
↑連跑帶跳，回到酒店，嬸嬸已在餐廳門口等侯，真係好唔好意思
吃飽飽，當然是返房攤抖吓啦，可能飯氣攻心，我們便眠一眠囉。
1:30左右，我又走咗去浸温泉lu，當然係冇乜人啦，其實係好少人會住兩晚的，差唔多我霸佔整個温泉池，真係游水都得(當然係唔可以啦，我絕對唔會做D犯規行為啊)
↑這個package是包一個貸切風呂(50分鐘)，換個浴衣，我們便約了酒店車載我們到姊妹館朝陽resort去，因那裏才有私人温泉池，約五分鐘車程便到達resort。在酒店車子開出途中，真係畀我見到 Helen，好彩車唔到佢，牠還回頭看了一看便走了，雖然是一閃而過，都叫做見過吓啦，還了我的一個心願
這個便是貸切風呂了，都幾正架…
↑浸完温泉，覺得特別好瞓，差唔多又瞓了個幾鐘，又到晚餐時間(6:00)，今晚在房間吃的會席，由一個好可愛的肥妹仔送餐，她解釋一輪後，好嘢…終於可以開餐lu，嘩！好豐富啫，有蟹腳、有牛肉、有刺生，還有其他……仲好好食喎
↑有飯、有湯還有甜品，我咁細食，係冇可能吃得晒，又益埋我同伴啦
↑晚餐都食咗個半鐘。因今晚在冰瀑祭會場8:30放煙花，在房間望落去，還未有太多人，個個都諗住差唔多時間先到，費事食西北風，我們都在8:00左右乘車到會場，今晚有好多警察在外面維持秩序，唔准車輛隨處停泊，所以我們今晚比昨晚行多了一些路。
今晚下著好密的大雪，地上當然沒有昨天咁跣啦
↑(02/03)曾經提過有D洞穴裏面有冰梯，供人上落，其實好跣，如果差錯腳，就好似 sir滑梯咁…
↑你睇吓落既雪都幾大，放煙花就在河邊這地方放啦
↑當然唔夠香港咁靚啦，只係放咗唔夠十分鐘咋，便放完了。
因昨晚已去過冰瀑祭會場睇過晒，已沒有新意了，又落緊雪當然返酒店好過啦！
又再次走去浸温泉，明天真係要走啦…喱兩天好似好歎咁
Hokkaido@ 1 2 3 4 5 6 7 8 9 10 11 12 13 14 15
