釡山賞楓の旅@ day 5~

 

 

 

好難得寫到第五日
真係要堅持啊！

呢幾日行程除第四日稍為頻密外
係咪覺太他條呢﹖！
我諗每個人去旅行都想咁架喇
唔通終日頻頻撲撲
每個景點留低條腳毛、走馬看花就叫做去過咩‥
現在心態唔同喇) ) 老了(笑)
我們不會用幾日行程去首爾、又到釡山、仲去埋濟洲咁囉
我知有人覺很傻
只係大家諗法唔同啫

乜嘢叫旅行呀！
要悠閒、舒服、他他條條
唔好話要享受人生
我哋還未到咁有錢階段
只是適時放手
等自己 enjoy 吓個旅行
喺香港已營營役役
何不去旅行時放鬆吓呢
減減壓、充充電
人生才有鬥志拼落去
心情、樣都靚啲架(笑)

 行程去呢處呀
冇喺酒店附近吃囉
當然有原因喇‥

 揾呢間食店

都找了一輪啊
竟然間去到都仲戇居居
唔知係佢

有個當地男士很好人
可能見我倆看地圖兼頭岳岳
主動問我們找什麼
給他看了一輪
佢都有些猶豫‥
便指一指呢間咪係囉
其實我心中已知係呢間架喇
只係佢同圖片有些微出入囉‥

 時間還早
都不是太多人吃早餐
仲好‥
我哋最鐘意咁
裏面很大架
還有樓上

 吃什麼
知係乜未呢！﹖
河豚湯呀) ) )
不是只得日本才有得吃
這間" 錦繡 " 亦很出名架
都見有很多日本人去吃‥

這個湯加個飯不是七千won 呀
個1字寫得衰個人
很易瀨嘢架
我哋冇‥(笑)

以上叫了一份
另一份比這個稍為便宜些
唔算貴喇
我哋覺已很平囉
河豚唔係乜地方可以吃
要考取牌照才可劏
唔係比你都唔敢吃喇

 點完湯
前菜隨即送上
竟然間冇泡菜‥少可
好嘢(笑)

 這個直菇幾好味

 還有這個豆豆
不是納豆
像極兒時吃的蠔油豆

 老公的
點解會紅卜卜
咪佢自己攞嚟衰囉
要辣喎

 加了 " 辣 " 既湯
根本吃不出河豚的鮮甜味
係咪揾嚟攪吖‥
只嚐到又係泡菜味
嘥料、把鬼囉‥

 海鮮加河豚肉飯
撈勻吃很是好味
這個河豚肉不嚡喎

 我的
當然我比他聰明(笑)
無喇喇加乜鬼辣啫‥

 

湯頭清甜無比
這樣才能真真正正讓味蕾嗒清那種鮮甜
真係好湯
好掛住佢呀‥
河豚肉係嚡咗些
但都唔差
兩個湯分別應該係河豚部位唔同

 又係海鮮飯囉
有幾隻蝦仔同泡菜
辣辣哋很醒胃架
呢餐真係好滿足‥我呀
只係有人有些失望囉
抵架‥乜鬼都加辣吖 ) ) )
係一個好教訓嚟 (笑)

呢句話佢成日都咁話我架
哼！今次仲唔比我話番你吖

賣單走人
在柜面都有好多河豚擺設架

拜拜喇
有機會再嚟一定揾你

 吃完早餐
當然四維貢喇
我哋冇再搭乜嘢車
靠老公看地圖沿路而行
見有超市
必逛的
手多多、又買啲嘢呀
攞嚟煩囉
又要由頭拎至尾
不過真係好鬼屎平呀
唔買唔得呀(笑)
又係間間價錢唔同

 當然唔係買這個喇
走咁多粉
你估我 short 的
就算比晒我
都唔知何年何月才用完
不過‥最近見 x59 有售喎
仲好鬼平添‥

 沿路行去沙灘方向
有好多

婆婆公公在攤唞
唔錯架這種 feel
我 like

 終到達沙灘

 一望無際
相當舒服、那種寧靜

 

和當天的天氣
不謀而合

  還有很多海鷗

 這裏連小朋友也不怕它們

  hey ~你在等什麼呢！﹖
同伴還是蝦條

 

 喺海灘逛了一陣
用這個強力鎗
不消一陣把所有沙塵通通吹走
正‥

 下一站去那
冬柏島

喺附近‥

 

原這木梯而上

 

 美人魚像
話係呢度最獨特景點

 為了她

都謀殺了唔少相啊

 

 用木造的吊橋

 好短的
唔會唔敢過喎

 全部都係用木造架

 好有特式

  oh ~受傷了
又包紮得幾鬼靚

 

 APEC會埸
終於行到上頂喇
好鬼屎舒服

當然兩條友拍吓合照又亙相各自拍吓
好不忙碌

欣賞完風景
又係回程時間喇

 又再一次玩玩佢
真係諗得很週到啊

 

 

 冇睇呢個水族館呀
當日人都唔多隻
喺日本已看了兩個大規模的
這個嗎！﹖
不看也罷‥


又轉戰下一個景點

 逛吓海雲台市場

 入口已擺了很多菜蔬了

 

 可能係閒日
人都唔多過呀
港人真係冇遇上喎

 外面賣乾貨多

 

 阿珠媽都唔駛用機喇
已可切麵了
(老公對住我講此番說話)
知喇‥唔好再話我

我哋呢啲現代人
乜鬼都買一餐
做一樣嘢、又買一部
係咪 short 的

買了又擱置一旁、只三分鐘熱度(我呀)
我已講過架喇
買部機嚟做乜吖‥
嘥錢‥最慘仲唔平添

 再入去就賣濕貨了
冇再行喇
怕怕‥

 行番出去
揾番想食嗰間店舖
一路行時已鎖定目標了

裏面好細
全部席地而座
像家庭式作業‥

 座低已有名牌水飲
仲唔收錢添
有乜可能
好似係用了人家的空樽裝水(笑)

 前菜必有
還多了兩條煎魚

 

熱辣辣
好味非常

 住家式的店舖
竟會有生蠔
當日諗唔係好敢食架
怕衞生問題嗎﹖！
酒店吃都瀨嘢‥何況係呢度

但‥最後都豁出去
嘩‥鮮到不得了
好吃個酒店啲生蠔多多聲
老公聽我咁講
佢都吃了一隻
全部我食晒
唔駛驚‥冇樹發生

 九菜煎餅
熱辣辣的、很有誠意
又幾好味喎
睇人講東萊的煎餅亦都是一般
既然又咁貴
喺呢度吃了，便當吃過喇

 好少可前菜有魚仔
記得喺係濟洲吃過一次咁大把
雖得幾條
已覺很好味了

 其實主角係喝湯
這個係泥鰍湯
唔係菜乾湯呀‥
睇佢賣相唔多靚
原來係‥係‥好好喝的
好‥好清甜的湯頭
都唔知佢哋係點煲的
唔好同我講落味精呀‥

‥

 大醬湯
冇乜特別
同一般麵豉湯冇分別
早知叫埋鰍魚湯喇

這餐又平又好味又飽肚
係坐得辛苦啲囉

 

你睇人家的廚房非常簡單
沒有用五顏六色又鬼屎咁重啲乜煲物煲架
都能煮得一手好菜‥

香港煮飯婆們有沒有汗顏呢！﹖

阿珠媽非常熱情
笑容可躹
知我們係遊客都任得我們拍過夠

 住家式的店舖
其貎不揚
很易走漏眼啊

 幾款湯都係五千 won 咋
係咪好鬼屎平呢！
所以你唔怪得我唔敢吃那些生蠔架

 食飽飽離開時
比我倆發現到有豬腳
釡山都好出名吃這
一包已切的都唔平宜啊
已食飽飽
唔買喇

拜拜你條尾 lu ！

 下一站去海雲台旁的新都市

 

那裏被譽為世界最大百貨公司
新世界Centum City百貨公司及樂天百貨公司
一般咋，不太啱逛
我又唔係貴婦
留番給她們吧‥



攰攰哋
又攞住啲戰利品
還是打道回府實際啲

梳洗吓、唞吓都好吖
係咪‥
何來咁好精力喎

 晚上沒有四維貢喇
又係喺酒店附近找嘢吃
餐牌唔驚唔識睇喇

 唔識看韓文
都有圖啊
有時還有日文添
中文好似唔太覺喎
睇圖片都掂喇‥

如今去韓國絕對係易事
搭地鐵有中文
有啲我諗都應該拜祖國所賜架
唔係那有咁多中文字呢

 

一眼睇晒叫了兩個套餐

 

前菜有條魚呀

 有啲似日本的一夜干啊！
好好食
一啲都唔柴皮

 豚肉餐
都尚算好吃
好彩唔嚡‥

 

牛肋骨餐
味道幾好、可惜韌咗啲呀

 還有每人一個豆腐海鮮湯
味道唔駛多講喇
又係泡菜味
我就唔太 like 囉

 標榜吃麥飯
唔錯架

 加紫菜伴吃
很是可口

 尾聲還會幫你加啲熱水入內
做乜‥吃飯焦囉
不是普通熱水
好似係玄米茶嚟
好香架
咁‥食法又幾新鮮同好味

記得上次喺首爾吃過類似此飯焦
難吃到嘔呀
呢個正

 雖然呢餐唔算便宜
好食的話就算喇
唔係點啫(笑)

 食飽飽
那有咁快返酒店吖
當然又去差唔多每天一到的超市逛逛
日日咁行
邊處擺乜嘢已熟晒架步了(笑)

酒店雖有 free  wifi 可同朋友聯繫
都唔傾得咁多喇
記住始終係去旅遊
不是又八啲無謂嘢囉
要 relaxxxxxxxx 呀‥
啲八卦無謂嘢返港才說吧！

又打完第五日喇
還有幾日啊！
努力、加油