25/12/2007 (tue)
今日係 last 一日，冇乜行程，只得上午時間逛逛
因航班在下午三時多便要起飛
點解今日在駅前有咁多露宿者嘅
個個瞓到死蛇懶蟮咁…
又係去天神駅，到這裏吃早餐
"一蘭"拉麵
喺門口入錢買個票，便可入內揾位
右手邊嗰部機會顯示空室位置
當日唔多人，我哋都冇去留意囉…
要填表架，唔係見工
只不過係選擇你想要嘅口味啫
座位係一格格架，係咪好有私隱呢﹖
前面塊紅布都會放下來的，連裏面淥麵嘅服務生都望唔到你架
沒人騷擾你食嘢，係唔係好正呀
我揀了唔太腍嘅麵質同加了辣兼唔要油要义燒
加了錢要雞蛋同多蔥
這個便是我為自己度身訂做的拉麵
非常好味…
另外一個都係差唔多，只係沒有加多蔥
隻蛋係溏心嚟架，好靚又好味道
香港啲拉麵店成日話自己係正宗日本嚟
但隻蛋又過熟賣相又唔靚
淨呢樣已唔正宗喇(唔合格啊)
喝到一滴不漏
是我們最大的喜悅
食飽喇，又行吓百貨公司、超市
天神區一帶
喺超市買嘅
日本益力多
不過唔好飲架
買了我愛食的士多啤梨返香港
超甜、好味
(拎佢哋返香港好麻煩架，又要好小心，驚碰撞會爛)
時間夠喇，又要乘車回博多駅
喺駅前同酒店附近一帶就係咁喇
回酒店攞番行李，又諮詢吓酒店職員乘的士到機場大概要幾多錢
她說約千五円左右到
唔想再畀人揾笨嗎！
在酒店門口乘的士
再問問司機要多少錢到機場，他說的同酒店職員講嘅一樣
我們便去馬喇
(因唔想左轉右轉啊，行李又重)
今次係千四円，畀去程便宜了四百多円
係嗰個司機呃了我們，因回程時他行公路到機場(好快)
而上次個司機就沒有，一味兜路
真係樹大有枯枝架，每個旅遊區都有呢啲衰人
唔係淨係大陸同泰國
不過又冇講到唔駛一千円咁誇張囉！
到機場喇
未買夠手信嘅朋友，還有小型手信店供你掃貨
今日係聖誕節，機場都見有聖誕樹裝飾
午餐喺機場餐廳吃
"擔擔麵"
又漏又唔好食
炒飯、魚香茄子加雜菜
這個好些，快餐…冇得要求囉
入閘喇
搭乘港龍航空下午三時三十五分直航回港
拜拜喇！
飛機餐當然係唔好食，唔駛多講
因係聖誕節，港龍每位搭客都派了一盒仔朱古力
(好嘢…終於寫完個油雞喇，好彩沒有爛尾啫…yeah！！！)
Kyushu @ day 0 1 2a 2b 3 4 5 6
