24/12/2007 (mon)
開心嘅日子係過得特別快
第五日唔駛咁早起身去遠處，可以瞓晏少少
喺駅前有好多露宿者還未起身，又擺到通處都係佢哋啲寶貝物件
很是不雅
在車駅買了一日地鐵乘車券
到天神駅又要買別的車票
才可到今日去的地方"太宰府"
這個係喺博多駅手信店買上車食的
買了小包裝試試，如好食才買回港，費事"頼野"
博多獨有的饅頭餅，食一個就幾好，再食真係甜屎人呀
"饀"好似牛奶，太甜喇
但…都買了幾盒大嘅回港送人
到了"太宰府"駅
在車駅轉右邊便可行去 "太宰府天滿宮"
兩旁沒有車輛，逛得舒服
店舖售賣的大多數是手信店
"梅枝餅"是"太宰府"的特色食物
差唔多每間店舖都有售賣
裏面是紅豆饀料，不是太好味，好似大福餅，只不過它就兩邊烘熱吧了
各式各樣的手信店
"太宰府天滿宮"
日本好多廟宇都係差唔多
對我嚟講冇乜興趣，不過去旅行就行吓喇
"九州國立博物館"去唔到，因星期一休息又係假期，作罷！
喺附近買了個博多明太子豚肉飽試試
辣辣哋，都算好食
搭車返去天神駅行街街兼吃午餐
"かに本家"
HI 你好
終於有位喇，因極愛食
香港邊有得食吖(又唔係成日到日本)
店舖內
"かに本家"大多數有廂房，"かに道樂"就極少
我最鐘意有私隠，食都食得開心啲架
點了呢兩個套餐加一個燒賣
"炸蟹肉"惹味最正
食極唔厭架
"蟹羔"
佢話唔鐘意食喎 (蠢豬) ，怕腥味
所以真係個人口味唔同，我絕對接受到這種味道
好嘢！唔駛有人同我爭，我一個食晒
"蟹燒賣"
這個是另加的，好好味啊
"火鍋"
吃完火煱
這位靚女姐姐仔會幫我們煮粥的
都好少見有咁年青的服務生在這裏工作
真人幾靚女好 sweet 又好傾，笑容常掛面上
不過可惜唔上鏡
可能佢尚算年青沒太多經驗，煮粥時不斷要試味
畀佢笑屎 (都好過我嘅)
這個就係佢煮嘅蟹粥喇
好味、唔差架
好味嘅甜品
相當滿足喇！我會時常掛住你啊…
食一餐蟹宴都用了唔少時間
去行街街喇
"Canal City"
今日係平安夜，又咁啱等過馬路時見到呢班電單車黨
個個都著到好聖誕啊！
商場內好多店舖都排晒長龍等位食嘢
呢間"一蘭"拉麵店好正架
呢間店舖員工，打扮成超人吸引顧客，見我舉機同佢影相
即刻擺 pose 讓我同他拍照
絕對敬業樂業
樓高六層嘅商場內，都有很多嘢睇
時裝店、手信店、餐廳、飾物店、音樂噴泉、拉麵競技場應有盡有
梗有一間啱你心意
買了一個 Pancake ，可能一早整定
當然冇即整的咁好味囉
離開 canal city 時，在街上見有這部機
裏面售賣全是罐頭拉麵
想買嗰隻味，又售罄
其實這個唔係新產品嚟喇，但自己未試過
咪買了這個豚肉拉麵試試
打開便是這個樣子，放心唔係凍架，係熱的
但…當然唔好食，都幾肥膩
講真食碗新鮮拉麵好過，又唔平…
又行去"新天町"一帶
唔係咁啱行，買啲嘢好古老
行到夜，又想揾出名吃正宗 もつ鍋(牛內臟鍋)的食店
因日本假期又係冇位
當然又四圍揾呀揾！終於這間有得食又有位
"村さ来"
一定會有嘅前菜
喺日本食店，啲座位唔錯架，呢道又係用一幅捲簾隔開
有客到便把捲簾放下，變咗喺你兩旁嘅客人不會亙相有眼神接觸
你又望唔到我，我又望唔到你，講嘢唔駛畀人"眼超超"幾咁好
香港學吓喇 (唔駛方)
"もつ鍋"
辣味，煮熟喇
就係呢啲喇，不過我哋唔敢食
好似一嚿嚿肥豬肉，睇見都唔開胃…
試過一件，但咬極都咬唔開，都吞唔到，唔知乜嘢嚟 (好似話係啲牛腸之類)
初初我哋誤會係好似香港啲牛雜，但…睇嚟唔似喎
所以便舀起去，唔食
便加了拉麵食
好彩都好味，唔係又嘥嘢
因係平安夜
通街都好多人，有啲地方有現場表演唱歌助興
食飽飽
又行吓中州川端著名的夜晚好去處
"屋台"
等同夜市大排檔
可惜剛剛吃飽，想感受吓日本嘅街邊風味都不能
(聽講食物麻麻咋)
唔知係唔係聖誕，見唔多街邊檔有營業
返"天神駅"
再逛吓一些還未閂門的公司
夜喇搭車返酒店
經"麥當當"買了這個包包宵夜，沒有蝦包咁好食
執吓呢幾日買落各地方嘅手信
要瞓喇
Kyushu @ day 0 1 2a 2b 3 4 5 6
