23/12/2007 (sun)
今日要晨咁早出發去較遠嘅地方
真係山長水遠架，除咗搭 JR 外，到埗再要乘巴士約需時四十分上山，後再搭登山纜車，才到達要到的目的地
"ASO"
列車座位寬闊(好過坐飛機)
有啲座位成個廂房咁好靚
約三個鐘嘅車程便到達"阿蘇"車駅
(差唔多好似由香港搭飛機到日本咁)
出車駅的右面便是搭乘"阿蘇山"的巴士
車票可在巴士駅的営業所購買或下車時付錢亦可
入內可看見有沒有張貼可否登上"阿蘇山"的通告
上車喇，沿途一帶的風景
巴士一路行駛時，看見兩旁有馬匹，很悠閒
可惜睇見都影唔妾呀！！！
巴士上得越高就越大霧
終於到達"阿蘇山"登山纜車駅喇
我上次嚟時同你"緣慳一面"，今次終償一願了
(唔係次次有機會上到去架，要安全情況下才可)
上次一場嚟到睇唔到咪呢個原因囉
(售票員話天氣不是太好，可能睇唔清喎，睇你會唔會買票登山)
一場嚟到又咁鬼遠，都要上去睇睇架
就係呢架登山纜車
都可以坐好多人吓架
在纜車上影的風景
如果係雪景或有紅葉就會好靚
可惜時間唔啱，在車內和看見對面纜車開行時的情形
到埗 lu
你睇煙霧彌漫
有哮喘同呼吸問題嘅人仕要小心
"阿蘇火山"
售賣硫磺嘅攤檔
一場嚟到就係睇呢個火山喇
當日又大霧又大烟，好不容易才等到濃烟散去，才影到這張相片
喺現場睇幾靚
(有睇無線《和味濃情》嘅朋友，應該都有睇過呢幕喇，陶大宇同藤麗名、廖碧兒、秦沛等成日都登山傾偈。嘩！大佬咁山長水遠(唔近喎)，特登走去傾兩句偈，係真唔係呀，睇…都唔似係劇情所需啩，幾咁牽強，服咗你哋喇！！！)
這個是以前火山爆發時躲避用的
"展望台"
從高處可一覽無遺
睇飽後，乘纜車走喇
返番去纜車駅，內裏有一個手信店
買咗杯出名嘅牛奶飲，咁凍飲杯熱嘢暖暖身，牛奶算幾滑
外面有一檔賣蕃薯
好味道啊！
喺附近逛咗一陣，加上又凍又大風，我哋都返番入室內等車喇
喺九州呢幾日天氣唔係太凍，除咗今天囉
夠鐘搭車走喇
拜拜 "ASO"
喺"阿蘇山"用咗都很多時間
到第二個要去嘅地方，行咗十多分鐘架
醫咗肚先，過晒食午飯時間
呢間食店內裏一分為二
一半係便利店，而另一半係食店
入錢買票後，交票給 counter
嬏嬏煮好後會叫你埋去攞的，冇人服侍
兩個都係雜菜肉絲魷魚烏冬加一個咖哩飯
像極香港"打了獻"嘅餸菜，不過非常好味，烏冬又滑又彈牙
再行多五分鐘，便看見想要去嘅地方
"Cuddly Dominion"
探我的老友記
"亞笨與亞占"
"入埸券"
裏面唔係淨睇佢哋，還有好多嘢睇
豬、羊啲味好羶、臭啊！！！
想騎的，可畀錢玩啊
時間啱啱好
連跑帶跳趕得妾去睇
可惜已全場爆滿
冇得入場觀看
(一日表演得兩、三場)
我哋都係企喺呢個門口睇咋
你睇幾多人圍住個咁細小嘅門口吖
離到鬼咁遠見"亞笨同佢老豆"表演的一幕
唉！睇唔睇都罷喇，咁樣點睇啫，揾笨架
(我嚟睇亞笨唔係被你揾笨喎)
嘥時間，走人喇，都睇唔到囉！！！
"箭豬"
佢哋唔知做乜會攬作一圑呢
難道怕凍﹖﹖﹖
好大陸 feel
日本人都很愛小動物
小朋友都好有愛心，好鍚狗狗，好…同你影張相喇
魚塘內的錦鯉又係被人餵慣
見人行埋去，條條都張開嘴巴想你餵架
這些食物沒有人看守的
請自動自覺入錢
攞一包餅餅餵吓老友記 bear bear 先
做出各樣攪笑動作討人歡心
原因咪為咗"食"囉
睇吓佢哋點問人攞嘢食
有啲就懶到掛住瞓覺
話知你掟到通地麵包皮都唔吼
呢隻好過癮，十足隻大肥豬
顧吓儀態吖朋友，我偷影梗你架，冇問過你擺咗上網畀人睇 lu
(版權所有呀)
哈哈！！
愛爬樹的小 bear bear
這隻非常細小的 bear bear
穿著聖誕裙仔表演接圈
接到就有紅蘿蔔食，佢不斷拉住訓練員個食物袋攞嘢食
很是攪笑
又到另一個表演場地
由一隻大 bear bear 表演
你都冇佢咁叻，可以做到好多高難度動作
相當聰明、表演精采
竟然可訓練到…
有冇見過 bear bear 企喺度行路呀
好似著住對高跟鞋咁
haha
小朋友踩嘅單車，以佢的龐大身形都可以坐上去踩得郁
都唔係容易架
兩個轆嘅單車，要佢平衡咁踩
你話難嗎﹖
連波波都可以平衡到，踩上去還控制自如
好似跳梗舞咁，還作三百六十度轉圈
我諗我學一世都唔會識
(問你服未，佢只係一隻動物，竟然間可做出這麼多動作)
好嘢抵鍚呀，我愛你啊老友記！
拜拜喇
(我係咪好叻呀，畀啲掌聲吖，咪咁孤寒)
有一個貓貓樂園
裏面有好多唔同品種的貓貓，當天很多家長帶同小朋友入內逗玩貓隻
這個要另外畀錢的
日本唔係好多地方可養貓、狗
所以有些地方設有這類樂園供人逗玩動物
其實這個意念我覺得好好架，唔可以養嘅可以去吓呢啲地方，玩吓牠們
幫助減壓，調劑吓生活
又可以培養小朋友拿出愛心、愛護動物，一舉兩得
香港有啲人，通街虐待動物，可能就係小時父母沒好好教導
變成現在的那麼殘暴、變態！！！
走時會經過這間手信店
才會到出口，又係掠錢時間喇
有好多"亞笨同亞占"的產品售賣
拜拜！
在樂園對面
遠遠看見這個標誌
"孖髻妹"
即香港的"味千拉麵"
喺九州竟然唔駛揾又撞到，當然想試試喇
呢餐係多餘架，食完嘢有幾耐(去旅行就係咁)
店內很簡陋，由兩個年老夫婦主理
(以為係一間連鎖店)
諗住叫佢哋出名的"太平燕"(即粉絲)吃
咦！佢話冇喎，冇…就唔好寫喺餐牌度喇，都混吉嘅
想走架，不過唔好意思
咪叫咗一個豬骨、同辣义燒拉麵
可能還飽，只覺普普通通(當然好食過香港)
辣嗰個較好味
沿路行番去車駅
又要搭車去下個駅
"熊本駅"
去到已夜喇
搭市電到市中心
到上通下通拱頂商店街
同心齋橋、一番町沒有多大分別
其實喺"熊本"並沒有太多時間逛街，一場嚟到只為食呢餐咋
本應去"熊本"出名吃馬肉刺身嘅"菅乃屋"架
講過喇，日本在週未、日，想食好啲或較出名的食店
沒有訂位，大多沒有位給你的
於是四圍揾吓、盪吓，試吓去第二間有冇位
結果都係一樣，我唔會放棄架
終於誤打誤撞，揾到一間有這個食的
"すやむら居酒屋"
內裏有一條長走廊，全部都係一間間廂房
(其實喺外面望唔到裏面係這個樣子架)
正吖，我最鐘意有私人空間
廂房內係一幅簾間隔著
下面會看見少少隔離架…咁都好過喺香港拉開張枱少少喎
前菜"馬刺"
刺身盛合(六点)
非常新鮮好味
"馬刺"
味道像極牛肉，唔韌好食
這個便是"熊本"名物喇，嚟到冇奶油唔食喎
"串燒"
(喺"香港"完全做唔到人哋咁架，燒得又韌又過龍)
呢度啱啱好，好味道
"馬肉網燒"
怕食生的，可選這個啊！
不過我覺刺生好食過熟的，這個有筋同有啲韌
麻麻哋咋
"辛子蓮根"
這個又係"熊本"名物，係喺"熊本"至有得食同賣、買架
蓮藕片內塞滿芥末，炸至皮脆肉爽
呢個真係好味架
如果嚟到"熊本"，一定要試吓啊
吃畢，已夜喇
好多店舖亦已閂門，我哋便乘市電回"熊本"駅
月台上已沒有太多人了，回"博多"已十二時多喇
(其實應該喺"熊本"留一夜，無需急急腳回去，這次係旅程最唔完美的地方，唯有留待下次罷！)
Kyushu @ day 0 1 2a 2b 3 4 5 6
