自己甚少飲茶，因好怕嘈又坐得迫，呢間絕對唔會有此情況出現
食物雖不至驚為天人，但真係做得好味兼唔錯
見難得復活節有四天假期
加上又未飛，便和家人共敍天倫
"八月居"
"雀籠點心拼盤"
由兩層高的雀籠盛載著各款點心，點心特寫如下圖
"燒賣、蝦餃、粉果"
我唔鐘意食的"燒賣同蝦餃"都做得好好味
"春卷、砵仔糕、燕窩蛋撻"
每樣都咁好食同美味，估唔到連"砵仔糕"做得唔甜、唔粉，"正"
"懷舊灌湯餃"
我諗都好難有這款點心叫了，連新派酒樓都整，好食啊！
"黃沙豬膶腸粉"
這個我認為係最差的一個，豬膶太嚡口，腸粉唔夠薄
"炸雲吞"
飲親茶必定會叫的，夠脆、蝦又新鮮
"銀芽韮王煎腸粉"
唔夠惹味啊！
"流沙奶皇包"
搣開個包包，內裏的饀好似水一樣不斷傾瀉而出
唔甜好味道(食時要小心)
"狀元蝦餃皇"
一籠一隻，好鬼大隻架
內裏有好多隻蝦又新鮮彈牙
"龍蝦湯鮮竹卷"
幾新鮮的配搭，好味
"鑊仔炒蘿蔔糕"
味道唔錯，如果再煎燶啲會更香口
"生煎菜肉包"
唔漏好味道
"迷你甜瓦煲"
(粟子雪糕、香芋西米露、甜薯紅豆雪糕)
最唔抵食的一個甜品，睇相咪以為幾大碗，其實細到好似個迷你茶杯
整體上算唔錯喇，每樣食物都幾平均
又唔係太貴，環境唔錯，仲想點吖…
