21/12/2007 (fri)
喺"湯布院"逛完一個上午，唔可以嘥時間，要離開到別的地方喇
搭 JR 到"別府大學"駅，才到達今天要去嘅目的地
車程都要個半鐘，話遠唔遠、話近唔近…
下車後
亦要行約十分鐘路程到今天下榻的酒店
已望見酒店喇，但被 KFC 既 poster 吸引
加上為食，走咗入去試吓 lu
咪就係被呢個忌廉湯引咗入去食囉
(香港冇喎，加上係冬季限定，咁就要試吓喇)
內裏很是 creamy 好味，加上熱辣辣、外皮鬆軟
真係好正呀
食完嘢，行過對面馬路
便是到這間酒店了
酒店外貎
"晴海"
它是一間温泉酒店
(別府嘅温泉，唔駛我多講都知"正"架喇，一場嚟到，梗係揀間我認為係唔錯嘅去住喇)
酒店左邊係接待處
眼前被吸引的當然是這個喇
大堂有個一望無際的大海景
令人心身舒暢、煩惱盡消
(這…就是我老遠跑嚟這裏嘅目的)
夠煞食嗎 ???
你又會唔會喜歡呢！！！
環境一流啊
check in 便坐在這裏喇
有這些歡迎小食給旅客享用
招待我們的是一位男服務員，他很是友善加上笑容滿面，令人有賓至如歸之感
他幫我們拎行李上樓喇
途經這裏
温泉酒店大多數有的手信舖
如你喜愛那些歡迎小食，可在這裏購買啊
房間外還有兩張椅子
房間入口
男服務員點著房間的香氛爐
(哦…原來上面放了一些茶葉，燃點時發出陣陣清香)
分左、右兩邊
左邊直望有洗手間、沖涼房
再出便是浸温泉之地
沖身後，便可浸温泉喇
就係這個温泉喇
私人嘅係咁細個，但都夠你坐入去浸喇，又唔係好肥…
喺呢個咁美嘅環境，加上露天望海(唔係密室)，塊玻璃門還可以趟開的，仲想點喎
我貪心啲仲想落場大雪，一邊浸、一邊睇住啲雪飄落嚟嘅情景，才是最美啊
呵…呵…呵
人‧生‧一‧樂‧也
而右邊係房間
(大多温泉房都係這個模樣，都算大喇)
還有一個露台
望到海架
畀我咁樣嘆一晚，都【夫復何求】喇…
於願足矣了
呢啲手信，係喺"湯布院"買架
日本好麻煩架，差唔多每樣嘢唔係期間限定
就係一定要在指定地方才有得發售，離開咗就冇架喇
你想唔買住都唔得
(咪要左一袋右一袋囉)
有啲都幾好食架
呢隻香腸好好食架，唔係每個地方有喎
蕃薯唔錯喎(唔係新鮮嚟架)
浸完一輪温泉，很是舒服
整個身體很是暖和
肚仔餓喇，又夠鐘開飯 lu
今餐係喺自己房間享用的，唔雖要到處跑囉
"嬸嬸"每樣食物都逐一擺放好，很是細心周到
(好人又好笑容)
食物"的的骰骰"，每樣都很精緻
竟然間有"河豚刺身"喎，煙煙韌韌尚算好食
還有和牛
味道唔錯，不過少咗啲啫，整多兩件嚟吖
茶碗蒸很滑溜
最難食是這個"墨魚汁釜飯"
味道怪怪又冇乜味嘅…呢餐整體都係一般咋
(不過大多温泉旅館的食物都是這樣，還記得我在北海道層雲峽食過一間算係最好喇)
因臨近聖誕，旅館都做了一些聖誕甜點
幾細心應節啊
一路食，一路用電視送飯嘅我
忽然眼前一亮，竟然會見到我的 idol
哦！雖然歲月催人，但…依然靚仔兼型仔呀
"Smap "成員唱歌
喺湯布院 "B-speak" 買嘅出名蛋糕同布甸
上次未講好唔好食
未拆外貎
包裝都算幾靚架
就係呢兩件卷蛋喇，一個朱古力、一個原味
唔覺有幾好食喎，唔夠滑同香已唔得喇
同北海道某啲蛋糕比，真係要行埋一邊架
布甸還可以，夠滑幾香
不過我冇落焦糖架，好怕這些味道，又甜到屎…
其實食完晚飯冇幾耐
已有兩位姐姐入房間，幫我們鋪好被褥
(這是温泉酒店一定會有這個安排的)
唔雖要自己操心
嗱！除咗喺室內有私人温泉
我唔會放過去大眾湯浸架，當天見兩個日本女性一老一嫩
同兩個三至四歲一男一女的小朋友(有冇攪錯呀，男仔去番男湯喇，睇蝕晒，不過咁細個算喇，哈哈)
室內有一個温泉，而室外有兩個(一個較熱而另一個沒有那麼熱的)
(浸浸吓落雨呀，咦！又唔係落雪)
見個媽媽手抱小孩落温泉池浸時，小朋友叫到鬼殺咁嘈，又不斷咁喊
可能佢哋從來未浸過啊，這次是他們的第一次
記住浸之前，請徹底沖身
浸大眾池有佢嘅好處，起碼大個啲，如果怕醜嘅，仲駛問…梗係選擇私人喇
唔好貪心呀，驚死蝕底(見大多港人係咁架)，浸十至廿分鐘好起身喇
係咪想去賣咸鴨蛋啊！！！
Kyushu @ day 0 1 2a 2b 3 4 5 6
