20/12/2007 ( thu)
喺時候要寫番零七聖誕九州嘅遊記喇
自己又沒有寫低筆記，只靠尚餘的記憶，再唔寫恐怕會忘得一乾二淨了
(九州我去過喇，只是他還沒有到過，我咪捨命陪君子，反正到日本是我的所愛)
好彩港龍直航到福岡係早機啫，如果係晏機就嘥料喇
還未到假期，機場不是太多人，很是舒服 最衰夠鐘登機時，要搭接駁巴士，咁大個機場都負荷唔到咩
港龍都唔係細公司喇
飛機餐兩份唔同款，普普通通喇，冇得要求…
係細機嚟，只得兩排(3+3)，差唔多全機滿座
我哋兩個人坐三個位，沒有太迫啊
不過坐我哋隔離有兩對港人夫婦，手抱了兩個約一至兩歲的小朋友
他們由上機喊至落機，真係令人生厭…
都唔知係唔係黑仔喇，回程坐我哋隔離又係有一對港人夫婦手抱一個小朋友
又係不停的喊，救命呀…
三個零鐘的機程便到達福岡喇
好快喺入境處打埋手指模過關
通常 plan 行程唔係我的責任，我只是加吓意見罷了
其實由機場到下榻的酒店好近又方便
但他見有啲網友寫搭的士好平喎，到目的地唔駛一千円，費事左轉右轉
短短的車程，咪換來係一千八佰八十円囉
我問佢你睇邊條友仔講架，究竟係的士佬呃我哋定還是他吹水呀
冇所謂，咪豪畀佢囉，他就好唔順氣喇 話唔再信啲友仔講喇，唔睇好過睇喎，哈…哈 (喺日本一千円人哋唔當係錢嚟架)
未夠時間 check in，放低行李，行去博多駅
喺呢個位置，見有很多乞丐
一袋二袋他們的寶物擺在此，有損市容
雖然去六日，但要到的地方加上路途遙遠
一定要買 JR Pass 架
book 晒呢幾日行程的車票 又搭車到天神駅去逛街街
午餐未食，睇旅遊書推介話這間壽司正喎 當然去試吓喇
“葫蘆回轉壽司”
當日已過了午飯時間，沒有太多人排隊，在外面坐了一陣，便可入內進食了
店內師傅正在製作壽司情形
價錢牌唔知點解掛在高高之處
而我哋坐的位置在前面，要不時另轉面顎高頭看幾多錢
可能佢想你食得安心，唔好掛住啲價錢若干囉
哈‧‧‧哈‧‧‧
其實食物不是講到咁好食啫，好彩唔駛點排隊，唔係實激鬼屎
可能希望愈大、失望會愈大啩
吃罷，便在天神地下街一帶逛逛喇
地下街都唔係好啱逛咋
逛到夜，又係睇旅遊書介紹去揾食喇
這間食店，看地圖行都要行廿多分鐘，沿途都問了兩個人才找到(揾唔到仲好)
食店外面有一塊大地，附近有幾間食檔售賣食物和水果
但…都沒有人幫襯
“釣魚茶屋”
你睇都知係啲噱頭嘢嚟喇，有兩隻大木船，中間有個人工河供客人垂釣
釣到嘅魚畀你 order 叫的會便宜些
多人幫襯佢哋會較歡迎
我哋安排咗在下面的小型魚缸垂釣，都釣了條細少的蝦毛做魚生
當你釣到魚獲，店員會敲響鑼鼓叫囂
當晚有好多港人幫襯，是我自由行以來見最多的港人 lu
都唔記得呢條係乜魚囉
唔好食嘅
燒螺又係唔好食
茶 soba 好硬又係唔好食，唔知係唔係是這樣的
魚子海鮮飯，下面還鋪有其他海鮮魚生的，係呢個唔錯咋
好夜喇，要搭車返酒店囉
Comfort Hotel Hakata
呢間酒店喺九州都算幾大吓喎
房間尚算舒服
但比起喺仙台就舊咗啲喇
去親旅行，就算食飽飽
都會買宵夜回酒店再食過架
士多啤梨是我的至愛，一定有份…
還有麥當當的蝦堡，又係好好食的
呢啲就係我哋買定的車票喇
未來的數天就靠佢囉
夜喇…要瞓覺覺豬，明天要早起床去較遠的行程啊
