21/12/2007 (fri)
酒店包嘅早餐
有飯圑、麵包、水果、沙律
啡茶等
咪以為咁嘅款，唔差架(喺香港食早餐都冇咁豐富喇)
車票喺第一日已訂好
只要依時間入座就得架喇
月台上有拉麵店
未食嘢可在此攪掂啊
日本每樣嘢都諗得好週到架
月台上有一個玻璃房，供乘客等車時入內坐的
所以外面有幾凍都唔駛驚喎，裏面有暖氣，唔會冷親啊
夠鐘上車喇，紅色呢架就係今日搭嘅車
內裏的坐位是這個樣子
今日到嘅地方，就係"湯布院"
車程都要兩個多鐘
到駅喇
月台上亦有一個足湯
你可以在此浸浸腳 (有香港腳的請便)
請自動自覺比錢啊！
唔係免費的
毛巾在外面有得發售
這個便是"湯布院駅"
駅外會見到這架古董車
可供遊客搭乘環繞"湯布院"，當然要畀錢喇
出車駅對面會見到這條街
兩旁有手信店
街道亦相當乾淨、清潔
加上空氣清新，氣温不是太凍
可能係星期五，遊人不是太多，逛得很舒服
藥房櫥窗內的狗狗
係真架，對住佢影相都冇發惡，傻吓傻吓咁，很是友善、可愛
唔想行又或行到攰，可坐人力車架
日本好興這個，不過都唔見乜人坐多囉
舖頭外亦有個足湯
當天可能係平日喇，都冇人浸架
一路行呀行，旅遊書推介話超正嘅蛋糕店
話成日大排長龍，咦！有幾多人啫，得嗰四、五個
既然一場嚟到，冇奶油唔買嚟試試啫
(回程買時都冇人嘅)
好唔好食，一陣講你知
湯布院內有好多商店街
大多都係手信店、飾物同食物居多
買了這個人氣布甸叮噹餅
內面夾了一個布甸，我覺唔好食喇，或個人口味唔同，你會喜歡啩…
有好多貓貓用品同飾物買
得意嗎
這隻不是疑似(依家好興用這個字眼啊)
係真架，唔知點解佢哋隻隻都肥嘟嘟喎
鐘意 Hello Kitty 的
內裏有大把佢哋的手信呀
隔離還有一隻大 Kitty ，祈福的
有貓店當然都會有狗店架喇
係咪好乾淨，環境好靚好舒服
幾令人樂而忘返架
這個真係絕對疑似蛋糕喇
係毛巾嚟架，好似啊…
流浪貓都可愛過人，隻隻都有個大肚腩
又唔怕人喎，我哋都同牠們玩了一陣才離開
bear bear 店都有一間
不過冇乜啱心水囉，都唔靚
都唔知呢間係乜東東喇
見幾得意咪影咗去囉
鬼太郎商店
點呀，睇咗咁多，鐘唔鐘意呢度
我覺幾舒服囉
湯布院有好多浸温泉嘅地方，睇旅遊書介紹嗰度啲風景都唔錯架
不過我冇去呀
行到差唔多，食飯時間又到喇
ラルコル
(食店位置都算隱蔽架)
餐廳內古色古香
很懷舊啊
我們上了樓上吃午餐
當天除了我倆，還有一家四口的日本人
認真寧靜
(咁少人幫襯唔會執笠咩)
叫乜嘢食，梗係食九州出名嘅食物喇
好味道喎，土雞又嫩又滑
連紅蘿蔔、茄子都甜過人架
"宮崎土雞"定食
端出來一份就是這個樣子
"豐後牛"又係九州超人氣食物
嘩！真係好好味道呀，好滑好香牛肉味
如要兩者比較，我較愛這個囉
餐後飲品
嘆完呢餐，喺時候要離開湯布院喇
因買了車票，要跟時間搭車架
未夠鐘入閘，在駅外見有架馬車
又係供遊客乘坐的(之前睇唔到，冇坐到囉)
白馬工作完畢，要食草充充飢喇
食飽飽
有生意喇又要開始辛勞 lu
夠鐘要走喇
拜拜湯布院，有機會再嚟探你吓
上車 lu
車內有啲座位是這個樣子的
下一站係《Beppu Beppu》啊
Kyushu @ day 0 1 2a 2b 3 4 5 6
