07/04/07(sat)→大阪→京都→奈良→神戶→Comfort Hotel
今日好精神，完全冇肚痛，好嘢
梳洗完，乘車到梅田駅再轉線到京都去
在梅田駅出口見到喱間立食既快餐店，便行入去食早餐喇
↑在車駅隔離
↑名符其實快餐(好快整好)，都幾好食
↑今日去京都，唔駛問亞貴都知去邊處(除非包拗頸)
↑一出車駅，做乜咁多人既
↑睇吓發生乜事先
↑原來排隊去清水寺等各地方
其實都唔係排咗好耐啫，可以上車喇，冇位坐呀，足足企咗差唔多半個鐘有多，先到達清水寺
↑落車過馬路，便沿路而上
↑當日都唔少人架
↑終於到了清水寺入口喇
↑清水寺內縮圖
↑寺內風景
↑好多人圍住藝妓影相
↑對屐咁高真係唔識行，你好嘢
↑套和服好靚
↑婀娜多姿、儀態萬千
↑洗手
↑入寺內
↑沿途既櫻花
↑一帶既風景
↑嘩！財神喎，梗係要拜吓摸吓喇
↑將煙撥向自己(求好運)
↑求姻緣(唔關我事，冇入去，其實好耐之前去過架喇)
↑一帶既櫻花(都唔覺得靚囉，得嗰一隻色，淡粉紅色，見到有啲已將近謝喇，都幾失望架)
↑最多人攞景既地方
↑嗱…以上嗰幾張相，在寺內係得一棵，我認為係最靚喇，色澤鮮艷，仲有好多花蕾還未開晒，當天有好多女生争住影架
↑好多人排隊飲既水，需然話有消毒啫，但咁多人飲過，都咪攪我喇(自保)
↑行咗成二個多鐘喇，便沿斜路走喇
↑在附近店舖買既包包，一個綠茶味 cream而另一個係 sakura味，完全唔好食
↑又有櫻花
↑都好多人離開清水寺
我哋再搭車到奈良公園，探鹿鹿呀
↑なか卯
喱間係咪好熟口面呢，喺北海道食過，喺奈良重遇當然再次幫襯喇(其實佢有好多分店)
↑又係食番上次既食物，同樣嗰句好好味
食完嘢，雨落得好大，都唔知點解，每次去旅行，總會有一天係落雨架，好鬼乞人憎
又要走去便利店買傘喇
↑沿路而行，睇吓啲雨都落得幾密
↑見到喱棵櫻花都開始謝lu
↑花都燶晒
↑終於行到奈良公園喇，好鬼死大雨
↑奈良公園
↑買過鹿餅，諗住拆開封條，嗰啲鹿好醒架，即刻走埋嚟冤住唔放，又用口 hi落你啲衫褲或手袋處，好污糟呀，真係口水鼻涕都有架，嚇到我哋掉都掉唔切
啲小朋友仲驚得緊要，啲鹿一行埋嚟攞嘢食，他們嚇到"依嘩鬼叫"，立即將鹿餅拋在地上，當你見到這情景，會覺得好好笑架
↑望~咩~呀~望，我哋係咪好靚呢
↑好悠閒的一家
↑食完鹿餅，梗係舔舔脷喇，好味道
↑你好趕時間咩……跑呀跑…嗰度有人買咗呀
↑oh…冇哂lu，慢一步喇
↑頭岳岳，四圍望，睇吓有冇人買餅好過，唔係今晚實餓死
↑身都濕哂lu，有啲凍添(真係飢寒交迫)，好心施捨吓喇
↑個個都要拎住傘，我哋當然唔例外喇，又要餵又要影相，很是狼狽，所以都求求其其算喇，下次有機會嚟再補數吧
↑見到佢哋，淋到周身濕哂，都要在路上等運到，很是可憐(其實除咗鹿餅，仲有冇人餵佢哋食嘢呢)
↑喱張相係我最鐘意既
你唔好理佢哋係(父女/子)，(母女/子)，兄弟姊妹或是夫妻，見到牠舔佢既樣子，很是温馨甜蜜
↑在寺廟外的一群，又係好悠閒，可能食飽咗喇
↑唏…我唔係鹿餅嚟架，你唔好食我喎
↑東大寺
離開奈良公園，我倆不約而同諗今晚去邊度食嘢好，答案當然一致喇，因尋晚嗰餐鐵板燒，令我們覺得亳無滿足感，不其然又諗起聖誕時到牛太郎食既但馬牛，好…就去神戶吧
在奈良去神戶係好遙遠架，問過車駅職員，教我們怎樣轉車，便出發lu，唉！淨係搭車、轉車都搭到傻傻哋
↑終於到咗今晚食但馬牛既地方喇
↑order兩份先
↑自己燒既
↑好食到冇得頂
其實一份好既扒，絕對唔需要攪咁多花巧嘢，就咁攞嚟燒加少少鹽便可以了，如果尋晚件神戶牛攞嚟用這方法烹調，一定好好食，嘥咗料呀
今次真係好滿足喇，同尋晚真係冇得揮呀
↑食飽飽都好夜喇，便搭車返酒店喇，在心齋橋筋附近有好多年青人圍住睇嘢，原來有人喺街頭賣唱，他們都唱得幾好聽架(其實喺星期五、六會有得睇架)
↑賣畫
↑又係賣畫
↑睇完一輪，都係返酒店攤抖吓好過，食吓士多啤梨，蛋糕，真係好甜好味道
